Ábyrgð - einhver?

 

Frá því í október hefur Fjármálaeftirlitið haft Kaupþingsmilljarðamálið til "skoðunar".

Það þurfti samt nafnlausa ábendingu utan úr bæ til að koma málinu á skrið og þá hjá efnahagsbrotadeild lögreglunnar.

Eru ekki allir búnir að fá nóg af Fjármálaeftirlitinu, þ.e. allir sem eru ekki svo heppnir að vera til "skoðunar" hjá stofnuninni og auðvitað þeir sem vinna þar?

Ef einhver stofnun hefur sýnt sig vera ófær um að sinna hlutverki sínu þá er það þetta batterí.

Það er kannski þess vegna sem þeir fara hvorki lönd né strönd karlarnir sem eru ábyrgir þar á bæ.

Það virðist nefnilega vera þannig eftir hrun (og sennilega fyrir það líka) að það sé vísasta leiðin til fyrir óhæfa einstaklinga að vinna vinnuna sína með hangandi hendi eða alls ekki, til að fá að sitja sem fastast.

Eða hefur einhver tekið pokann sinn eftir allt klúðrið?

Hefur einhver verið yfirheyrður einhvers staðar?

Er einhver til í stjórnkerfinu, bankakerfinu eða í útrásinni sem hefur sætt þó ekki sé nema aðkenningu af ábyrgð?

Ekki einu sinni ráðuneytisstjórakarlinum í forsætisráðuneyti með innherjaupplýsingarnar hefur verið vikið frá störfum, ekki einu sinni tímabundið.

Þetta er nú meira spillingarbælið sem við búum í.

Allt undirlagt af spikfeitum græðgisboltum.

Þetta afþakka ég fyrir hönd barna minna og barnabarna.

Og ég ætla að gera mitt í því að koma á nýju Íslandi.

Þ.e. um leið og ég er hætt að finna til í öndunarfærum og orðin hitalaus.

Hóst.

Gátu ekki tapað á samningunum

Athugasemdir

[Ásdís Sigurðardóttir, 29.12.2008 kl. 13:10]

Er á smá jóla/áramóta yfirreið að lesa hjá ykkur öllum, hafðu það ávallt sem best kæri bloggvinur   

[Katrín Snæhólm Baldursdóttir, 29.12.2008 kl. 13:59]

Við ömmur og mömmur þessa lands eigum mikið verk fyrir höndum..en ef einhverjar kellur kunna að fara með skrúbbinn og skrúbba út skít úr öllum hornum þá erum það við. Þeir vita ekki what is coming...ljónynjurnar sem bregðast til varnar ungum sínum eru óárennilegasta afl ever og mun hvergi kvika í þeirri hreingerningu sem framundan er. Og koma svo stelpur...

Batakveðjur Jennslan mín

[Jenný Anna Baldursdóttir, 29.12.2008 kl. 14:24]

Takk fyrir innlegg.

Katrín: Hehe, líttu á nýju færsluna mína.  Þú hefur ýmislegt á samviskunni.

[Ólöf Sigríður Magnúsdóttir (IP-tala skráð) 29.12.2008 kl. 14:31]

Ég undirrituð á 12 stikki börn fósturbörn og barnabörn og mun berjast fyrir þeim með kjafti og klóm !!! Og koma svo stelpur og sýna hvað í okkur býr við verðum að berjast og auðvitað pabbar og afar líka !!!!

[Ásthildur Cesil Þórðardóttir, 29.12.2008 kl. 14:56]

Ég ætla að brýna klærnar og tennurnar líka.  Burt með spillinguna.