Hefur konan aldrei séð gangandi barn?

Ég er ofboðslega upptekin.

Svo mikilvæg í hinu stóra samhengi alheimsins.

Jabb, ég veit það, ég er hógværðin holdi klædd.

Lítill drengur er eins árs í dag, hann heitir Hrafn Óli (a.k.a. Lilleman) og hann er yngsta barnabarnið mitt.

Hann er bróðir hennar Jennýjar Unu og þau systkinin eyða jólunum heima hjá farfar og farmor í Svíþjóð.

Hrafn Óli byrjaði að ganga í gær til að það væri hægt að færa það til bókar að hann hefði hafið gönguna FYRIR afmælið sitt.

Móðirin veinaði af aðdáun þegar barnið tók á rás og Lilleman horfði á hana undrunaraugum alveg svona:

"Hefur konan aldrei séð gangandi barn?"

Yngsta dóttir mín velur skemmtilega daga til barneigna.

Þorláksmessu og daginn fyrir gamlársdag!

Ef hún eignast hið þriðja þá kemur það væntanlega á aðfanga- eða jóladag.

En ég knúsa þessa litlu krúttsprengju í huganum.

Farin í búð.

Fyrir jól, fyrir jól, fyrir jól.

Athugasemdir

[María Guðmundsdóttir, 23.12.2008 kl. 12:25]

til hamingju med fallega ømmudrenginn thinn gledileg jól og takk fyrir kynnin hér á blogginu.

[Ásdís Sigurðardóttir, 23.12.2008 kl. 12:30]

Til lukku með lillemann, mér finnst svo stutt síðan hann fæddist, en svona líður tíminn hratt, það verður aldeilis nóg að gera hjá nöfnu þinni að forða þeim stutta frá hættum heimsins, sá fær góða kennslu

[Björgvin R. Leifsson, 23.12.2008 kl. 13:09]

Jenný skrifaði: "Jabb, ég veit það, ég er hógværðin holdi klædd."

Mundu bara að það þarf líka að gæta hófs í lítillætinu.

[Hrafnhildur Ýr Vilbertsdóttir, 23.12.2008 kl. 13:10]

Til hamingju með litla kút....

[Ía Jóhannsdóttir, 23.12.2008 kl. 13:24]

Innilega til hamingju með litla kút.

Vona að þú sért ekki að fara í matarbúð, ég gæti gubbað bara við tilhugsunina.

[Laufey B Waage, 23.12.2008 kl. 13:47]

Til hamingju með ömmustrák.

[Hugarfluga, 23.12.2008 kl. 15:12]

Allt í efstu hillurnar!!  Gleðileg jól, Jenný mín. 

[Sigrún Jónsdóttir, 23.12.2008 kl. 15:20]

Til hamingju með dóttursoninn.  Hrafn Óli er fallegt barn og kemur eflaust til með að skemmta okkur í framtíðinni í gegnum skrif ömmu Jennýjar

[Jóna Á. Gísladóttir, 23.12.2008 kl. 15:30]

þessi mynd af þeim mæðginum er algjört ÆÐI. Sjá augun í barninu. Eins og tveir tjáningarríkir kolamolar í litla andlitinu.

Til hamingju með daginn hans.

knús á ykkur öll. Ég sé þig í kvöld eða á morgun þú hógværa kona.

[Edda Agnarsdóttir, 23.12.2008 kl. 15:42]

Þetta eru krúttalingar sem þú átt - hamingjuóskir með Krummann þinn og Jenný líka ef ég gleymi því!

Knús á þig inn í jólin.

[Linda Linnet Hilmarsdóttir, 23.12.2008 kl. 20:25]

Ég og mín kæra fjölskylda viljum óska ykkur öllum gleðilegra jóla og farsældar á komandi ári og þökkum árið sem er að líða.....Jólakveðja

 Linda og Fjölskylda :):):):)

[Jónína Dúadóttir, 23.12.2008 kl. 22:40]

[Brynja skordal, 23.12.2008 kl. 23:08]

til hamingju með Fallegan ömmuprins

[Karl Tómasson, 24.12.2008 kl. 00:08]

Gleðileg jól kæra Jenný Anna og ég þakka þér góða og skemmtilega bloggvináttu.

Hafðu það sem allra best um jólin.

Bestu kveðjur frá Kalla Tomm úr Mosó.

[Hallgerður Pétursdóttir (IP-tala skráð) 24.12.2008 kl. 00:31]

Gleðileg jól Jenný.

[Guðríður Hrefna Haraldsdóttir, 24.12.2008 kl. 01:23]

[Jóna Kolbrún Garðarsdóttir, 24.12.2008 kl. 01:34]

Innilega til hamingju með litla prinsinn, ég óska þér líka gleðilegra jóla. 

[M, 24.12.2008 kl. 01:39]

Til hamingju með strákinn sæta.

Gleðileg jól og hafið það sem allra best yfir hátíðina xxx

[Ólína Kjerúlf Þorvarðardóttir, 24.12.2008 kl. 03:09]

Já, maður verður óneitanlega mjög mikilvægur í hinu stóra samhengi alheimsins við það að eignast börn og barnabörn. Til hamingju með þennan fallega ömmudreng Jenný mín.

Megir þú og fjölskylda þín njóta jólanna sem best  - og takk fyrir bloggvináttu þína á árinu sem er að líða.

PS: Skemmtilegt viðtalið við þig sem ég las í mogganum.

[Huld S. Ringsted, 24.12.2008 kl. 07:30]

Til hamingju með gullmolan Jenný.

Gleðileg jól

[Jenný Anna Baldursdóttir, 24.12.2008 kl. 09:04]

Takk öll mínir kæru bloggvinir og gleðileg jól.

[, 24.12.2008 kl. 09:06]

Til hamingju með drenginn og Gleðileg jól

[Dísa Dóra, 24.12.2008 kl. 09:09]

Til hamingju með Lillemann

[Helga skjol, 24.12.2008 kl. 09:09]

Til haimingju með þennan gullfallega dreng

Jólaknús

[Einar Indriðason, 24.12.2008 kl. 09:41]

já, dýru hlutirnir fara ofar og ofar í hillurnar.......

En, annars.. Gleðileg Jól, og gott nýtt ár! :-)

[Tiger, 24.12.2008 kl. 15:06]

 Hamingjuóskir með Hrafn Óla! Hann er yndislegur snúðurinn litli - yndislega fallegur og á eftir að verða mikill heartbreaker þegar hann verður eldri .. rétt eins og hann er nú þegar.

Gleðileg Jól Jenný Anna - bið Guð og almættið heila um að gera þér jólin yndisleg og árið framundan bjart og hamingjuríkt. Knús í þitt hús ljúfust ..