Fyrir jól, fyrir jól, fyrir jól

 

Á morgun er minn uppáhaldsdagur á árinu.

Mikið skemmtilegri dagur en jólin sjálf.

Það er svo hátíðlegt að hlusta á jólakveðjurnar á Gufunni.

En þessi dagur hefur undanfarin ár verið mengaður fyrir mér af skötuétandi nágrönnum með sjúklegan smekk á illa lyktandi kvikindinu sem gerir skötu hins almenna manns að unaðslegum lyktargjafa.

Þið getið reiknað út líðanina.

Nú er ég flutt og mér sýnist að mínir eðlu nágrannar séu venjulegt fólk sem ekki nefi vill illt.

Ég bíð spennt að sjá hvort þau standi undir væntingum.

Annars er ég búin að klára eiginlega allt sem ég þarf að gera fyrir jól, fyrir jól, fyrir jól.

Ég segi ykkur þetta til að þið spyrjið mig ekki þessarar spurningar sem mér er verulega illa við.

Á morgun ætla ungir jafnaðarmenn að bjóða upp á súpu til að vekja athygli á stöðu ungs fólks í kreppunni. 

Takk ungir jafnaðarmenn fyrir að bjóða ungu fólki upp á mat en ekki hræ.

Fyrirgefið skötuelskandi Íslendingar en ég skil ykkur ekki og þarf heldur ekkert að gera það.

Ég er að dissa ykkur með þessu skötutali, ég veit það, en þetta er mín síða og ég er í baneitruðu jólaskapi.

Leik við hvern minn fingur og hjala eins og geðgóður vögguböggull.

Farin að reykja elskurnar.

Falalalalalala

 

Súpa hjá jafnaðarmönnum

Athugasemdir

[Sigrún Jónsdóttir, 23.12.2008 kl. 00:00]

Skata...umm...með æðakítti..umm  Sorry, þú minntir mig á hvað ég á í vændum

Ég elska líka jólakveðjurnar, þær koma mér í jólaskap

[Jenný Anna Baldursdóttir, 23.12.2008 kl. 00:06]

Sigrún: Ert þú ein af ÞEIM?

[Björgvin R. Leifsson, 23.12.2008 kl. 00:19]

Enn er skata illa kæst

uppi' á borðum landans.

Loft- skal húsið lykt af -ræst

er leið að rótum vandans.

[Steingrímur Helgason, 23.12.2008 kl. 00:22]

Næzta ár, færi ég samhúzurum þínum nágrennzlis eina verulega kæzta & lángwerzdferzgann myglaðann hnoðmör, ef að þeir bregðazt væntíngum mínum á morgun.

Gikkur, gikkur, gikkur, en þó ekki hrokagikkur.

[Linda Linnet Hilmarsdóttir, 23.12.2008 kl. 00:24]

Ég og mín kæra fjölskylda viljum óska ykkur öllum gleðilegra jóla og farsældar á komandi ári og þökkum árið sem er að líða.....Jólakveðja

 Linda og Fjölskylda :):):):)

[Brjánn Guðjónsson, 23.12.2008 kl. 00:55]

eigðu góðan Þollák, Jenný mín. ég hristi af mér jólin. áramótin eru minn tími. það er hátíðin mín

[Jóna Kolbrún Garðarsdóttir, 23.12.2008 kl. 00:59]

Þorláksmessa er góð vegna skötunnar, ég elska skötu en er ekki svo sjóuð að ég láti vestfirskan hnoðmör inn fyrir mínar varir.  Ég borða hamsa og smjör með minni skötu. 

[Ólína Kjerúlf Þorvarðardóttir, 23.12.2008 kl. 01:11]

Ég elska þorláksmessuskötuna og jólakveðjurnar á gömlu gufunni. Er einmitt að fara í skötuveislu á morgun - jamm, hún verður borin fram snarpheit með hnoðmöri og soðnum kartöflum. Slurrrrp!

Gleðileg jól Jenný.

[Lára Hanna Einarsdóttir, 23.12.2008 kl. 01:35]

Skata ER góð, hefur alltaf verið og mun alltaf verða. Því kæstari því betri.

Ég legg til að Zteingrímur líti frekar inn hjá mér að ári en nágrönnum þínum gegn því að ég bjóði þér í hangikjöt í dulargervi.

[Hólmdís Hjartardóttir, 23.12.2008 kl. 02:24]

Skatan er passleg þegar þú færð andarteppu yfir pottinum.  Og stappar henni svo saman við hnoðmör.             Og Þorlákur er besti dagur ársins vegna skötunnar.  Og ég hlakka til.............

[Jónína Dúadóttir, 23.12.2008 kl. 06:12]

Eigðu góðan dag þú geðgóði vögguböggull

[, 23.12.2008 kl. 07:19]

Þorláksmessa er besti dagurinn - en ekki vegna skötunnar, heldur hangikjötsins  Bý sem betur fer í sérbýli og þarf ekki að finna fýluna frá skötufólkinu

[Hrönn Sigurðardóttir, 23.12.2008 kl. 08:15]

skata

Einu sinni prófað þú getur aldrei meir!! 

[Ía Jóhannsdóttir, 23.12.2008 kl. 08:18]

SKATA!  Ekki að ræða það! Aldrei verið elduð á mínu heimili.

[Ingibjörg Hinriksdóttir, 23.12.2008 kl. 09:15]

Ummmmm ... skata. Ég ætla að borða skötu tvisvar í dag, fyrst í Höfðakaffi og síðan í foreldrahúsum. Ég elska skötu! slurp, slurp, slurp! Svo eru kveðjurnar yndislegar, koma manni í hátíðarskap. Gleðilega hátíð elskurnar, hagið ykkur vel um jólin og verið góð hvert við annað!

[Hrönn Sigurðardóttir, 23.12.2008 kl. 10:44]

Garg!! Það er bara einn dagur til jóla!!!

[Hrönn Sigurðardóttir, 23.12.2008 kl. 10:45]

Eruði búin að ÖLLU?

[Hrönn Sigurðardóttir, 23.12.2008 kl. 10:45]

Alveg viss um að þið séuð ekki að gleyma neinu?

[Laufey B Waage, 23.12.2008 kl. 13:49]

Við erum greinilega á sömu línu með skötuna og jólakveðjurnar (var akkúrat að blogga um það sjálf).