Aumingja Óli og við öll

Maður á ekki að fíflast með tilfinningar annarra.

En mikið rosalegur bömmer er það fyrir forsetann að sjá eggið sem hann gaf Hilly á Ebay.

Kommon, er nokkuð glataðra en að sjá gjöfina sína á uppboði, sko gjöf sem maður gaf friggings forsetafrú Bandaríkjanna!

Þetta er ekki svona smámál eins og þegar frænkurnar gáfu manni forljóta úlpu eða buxur í jólagjöf í denn.  Föt sem maður hefði ekki farið í þó kalsár væru komin á lappirnar á manni og fingur að losna af í kuldanum.

Þá læddist maður og skipti gjöf í skjóli nætur og var síðan í erfiðleikum allt árið þangað til brast á með næstu jólagjöf og frænkurnar þráspurðu hvers vegna ógeðisflíkurnar héngu ekki á þolandanum.

Þetta með eggið er biggdíl.  Sko kemst í heimsfréttirnar.  Aumingja Óli.

Annars verð ég að játa að mér finnst þetta egg ekki fallegt (fyrirgefðu listamaður), soldið eins og því hafi verið klesst saman í bríari á fylleríi bara.

Aumingja Óli.

En Hillary má skammast sín smá að láta gjafir frá þjóðhöfðingjum renna inn á uppboðsvefi þar sem heimurinn verslar.

Mátulegt á hana að hún varð ekki forseti, skömmin á henni.

Aumingja Óli og við öll.

En svona í framhjáhlaupi, hvað er allra, allra ljótasta gjöf sem þið hafið fengið?

Ég fékk plastskraut í hárið í fermingjagjöf.  Einhverjum var verulega illa við mig í fjölskyldunni.

Þvílíkur andskotans viðbjóður.

Gjöf forseta til Hillary Clinton á Ebay

Athugasemdir

[Guðrún Vestfirðingur (IP-tala skráð) 15.12.2008 kl. 17:03]

Ég myndi ekki vilja gjöf frá þessum manni. Held að Hillary sé mjög skinsöm kona

[Jenný Anna Baldursdóttir, 15.12.2008 kl. 17:38]

Dúa: Nákvæmlega.  Nú verður legið yfir vefnum og engum fyrirgefið - aldrei sko.

Guðrún: Ég held sko að eggfjandinn hafi verið frá íslensku þjóðinni.

Búkolla: Nákvæmlega.

[Jóna Á. Gísladóttir, 15.12.2008 kl. 23:19]

ja hérna hér. Þetta er nú meira skrumið allt saman. Og yfirborðsmennska. Til hvers að vera að dæla einhverju svona í hvort annað.. þið þjóðhöfðingjar.

En þetta þótti mér brjálæðislega fyndið:

frænkurnar þráspurðu hvers vegna ógeðisflíkurnar héngu ekki á þolandanum.