Spörk í allar áttir

"Menn eru metnir eftir því hvernig þeir bregðast við óheppni, ekki eftir því hvernig menn sóa heppni," segir  AA Gill í langri grein sem breska blaðið Sunday Times birtir í dag um ástandið á Íslandi.

Þessi grein er frábær og nokkuð góð smurning á annars sært þjóðarstolt.

"Brown sparkaði í Íslendinga" segir hann einnig og þar er ég hundrað prósent sammála.

En spörk frá vandalausum getur maður þolað.  Þau eru eins og hvert annað hundsbit.  Maður rís á lappir og sækir sér plástur og bíður eftir að grói um heilt. 

Þau eru hins vegar verri spörkin frá þeim sem standa manni nær, nú eða bara helvíti nálægt, eru t.d. samlandar manns.

Það er erfiðara að sætta sig við þær árásir og það er erfiðara að jafna sig á eftir.

Á hverjum sunnudegi undanfarnar vikur kemur fólk í Silfur Egils og segir manni hluti sem eru afskaplega afhjúpandi fyrir það kerfi sem við búum við þar sem klíku- og vinatengsl virðast ná út fyrir gröf og dauða.

Svo var Lúðvík Bergvins á Víkingsbátnum.  Nafnið hans Lúðvíks poppar upp í sífellu þessa dagana.  "What is?" spyr ég eins og skáldið forðum.

Ég varð bálreið og snortin til skiptis á meðan ég horfði á þáttinn.

Ég var auðvitað snortin yfir þessu góða og klára fólki sem (fyrirgefðu DV - kverúlöntum) sem kemur og leggur vitneskju sína á borðið.

Reið yfir því að spillingunni í stjórnsýslunni, já allsstaðar virðast engin takmörk sett.

Svo er hver kjaftur á því að þessi ríkisstjórn sé glötuð, að undanskildum Illuga Gunnars en hann er einn af þessum fáu sem enn hangir í aðdáendaklúbbnum.

Ég mun svo sannarlega versla við Jón Gerald opni hann lágvöruverslun á Íslandi.  Mun ekki standa á mér, því lofa ég. (Svo fremi hann er sé ekki tengdur inn í eitthvað andskotans feðgaveldi).

En varðandi spörk frá þeim sem deila með mér þjóðerni og landi er bara eitt að segja.

Nú eru dagar reikningsskila.

Þetta er orðið helvíti gott.

Silfur dagsins niðurbútað hér hjá Láru Hönnu.

Brown sparkaði í Íslendinga

Athugasemdir

[Hrönn Sigurðardóttir, 14.12.2008 kl. 15:14]

Lúðvík kemur víða við.....

[Ólafur Th Skúlason, 14.12.2008 kl. 15:56]

sæl jenný anna

[Helga Magnúsdóttir, 14.12.2008 kl. 17:07]

Mér finnst þetta Sullenberger-útspil anga svo af hefnigirni að ég held að ég myndi ekki versla við hann. Hann reyndi hvað hann gat að finna höggstað á þeim og endaði með að verða sakborningur sjálfur. Ætli þetta sé ekki sama með skít og kúk.

[María Guðmundsdóttir, 14.12.2008 kl. 17:41]

Er ekki sama rassgatid undir thessu øllu saman?? segi eins og búkolla, er nokkrum treystandi núordid?? fólk hlýtur ad vera ordi ansi skeptískt eftir útreid undanfarinna mánada. Og já,skitt med einhver spørk frá "ókunnugum"..thau má jafna sig eftir..en ad rádamenn eigin lands og fleiri sparki i almúgann hægri vinstri,thad er bara ekki ad gera sig.

Hafdu góda viku Jenný

[Einar Örn Einarsson, 14.12.2008 kl. 19:34]

Jenný, ég hlakka MIKIÐ til að hitta þig í búðinni hans Scullen...eitthvaðbergers. Styð hann.

Er hræddur um að það sé meira undir ábreiðunni sem á eftir að koma í ljós.

[Jenný Anna Baldursdóttir, 14.12.2008 kl. 20:13]

Arnar Freyr: Þú ert dúlla.

Einar Örn: Sjáum til.

María: Ég er til í að gefa öllum séns.  Líka Sullenberger. 

Helga: Sama og ég segi við Maríu.

Ólafur Th.  Sæll sjálfur og gaman að sjá þig.

Hrönn: Segðu.

Búkolla: Sammála.

[sigurvin (IP-tala skráð) 14.12.2008 kl. 20:55]

Bretar beittu lögum um fjármagnflutninga (voru sett til aðakoma í veg fyrir fjármögnun hriðjuverka) gegn tveimur íslenskum bönkum (væntanlega til að stöðva fjármagnsflutninga). Engum lögum var beitt gegn íslenska ríkinu né íslenskri þjóð.

Var verið að sparka í OKKUR? Eru Íslendingar og bankarnir eitt og hið sama? Eigum við að taka það til okkar ef lögum er beytt gegn grunuðum brotamönnum vegna þess að við deilum með þeim þjóðerni?