Kjaftstopp!

Björgvin vissi ekki fyrr en í gær að KPMG hefði verið fengið til að sinna verkefnum fyrir skilanefnd gamla Glitnis í kjölfar hrunsins.  Tveir mánuðir liðnir og bankamálaráðherrann hamingjusamlega ómeðvitaður um hvað er í gangi á hans vakt.

Stundum verð jafnvel ég kjaftstopp.

Ég hugsa hins vegar alveg heilmikið og það ekki allt fallegt.

Dæmi:

Erum við stödd meðal ídjóta hérna sem valda ekki nokkrum sköpuðum hlut og það í bullandi krísu?

Er þessi ríkisstjórn og algjörlega vanhæf til verka?  Þeir virðast ekki hafa yfirsýn né skilning á einu né neinu.  Klúður, klúður, klúður.

Svo hugsa ég fleira öllu ljótara en held því fyrir mig.

Björgvin er bankamálaráðherra og hann hitti Davíð ekki í heilt ár.

Björgvin veit ekki hver sinnir endurskoðun á gamla Glitni, þarna eru til staðar bullandi vanhæfi vegna skyldleika og hagsmunatengsla.

Hafi hann vitað það þá er það enn verra.

Hvorki farið né verið hér kæri Björgvin.  Þetta er óafsakanlegt á hvorn veginn sem er.

Til að bíta höfuðið af skömminni þá var Lúðvík Bergvinsson fyrir svörum í Kastljósinu og sýndi mér endanlega fram á að þessi ríkisstjórn veit ekkert í sinn fávísa haus.

Ég nærri því grenjaði hástöfum.

Fyrir hönd Lúlla vegna þess að hann var í alvarlegri tilvistarkreppu fyrir hönd flokksins sko. 

En ég varð skíthrædd fyrir hönd þjóðarinnar.  Hvað er í gangi eiginlega?

Og nú segi ég máttleysislega (og vonleysið í röddinni er algjört):

Krakkar segið af ykkur.

Íslenska þjóðin hefur ekki efni á að horfa á ykkur klúðra meiru.

Það færi betur á því að þetta fólk færi að sperra eyrun.

 

KASTLJÓSIÐ.

Björgvin vissi ekki um KPMG fyrr en í gær

Athugasemdir

[Ragnar Eiríksson, 10.12.2008 kl. 00:07]

Og svo var tengdafaðir hans í stjórn Gamla Glitnis segir Páll V.

R

[Ásdís Sigurðardóttir, 10.12.2008 kl. 00:09]

Maður verður ótrúlega oft kjaftstopp síðustu daga.

[Ómar Geirsson, 10.12.2008 kl. 00:17]

Já Jenný, þegar krakkarnir víkja þá er komið að ykkur ömmunum.  Þið verðið að fara að skipuleggja ykkur.

En annars vildi ég þakka fyrir krafmikið og kjarnyrt blogg.

Gangi þér allt í haginn.

Kveðja að austan.

[Baldvin Jónsson, 10.12.2008 kl. 00:18]

261 orð - kannski nálægt því kjaftstopp Jenný mín, en aldrei alveg

En tek undir með þér, sagði fyrir löngu síðan að ég skildi ekkert í þessu lengur - veit ekki hversu djúpt það skilningsleysi mitt getur sokkið - en ég skil amk enn minna í dag en í gær og þannig verður það eflaust líka á morgun.

[Jenný Anna Baldursdóttir, 10.12.2008 kl. 00:30]

Ragnar: Sem sagt enginn endir á hagsmunatengslunum?  Smekklegt.

Ásdís: Segðu.

Ómar: Takk kærlega fyrir þessi orð.

Baldvin: Hehe, ég kallast kjaftstopp upp að fimmhundurð orðum.  Þá byrja ég að stama. 

En ég skil nákvæmlega tilfinninguna sem þú ert að lýsa og hún er vond.

[Sigrún Jónsdóttir, 10.12.2008 kl. 01:02]

Ég held þeim hljóti að vera farið að líða illa sjálfum......annars eru þau ekki mennsk.

Fannst þér Björgvin ekki frekar fölur og herptur í gær á fundinum?

[Steingrímur Helgason, 10.12.2008 kl. 01:16]

Ég ætla virkilega ekki að detta niður í þá gildru hérna að verja Samfylkíngarþingmenn, virkilega ekki, ekki, ekk, meiri ekki.

[Lísa Björk Ingólfsdóttir, 10.12.2008 kl. 01:59]

Þetta er virkilega over and out.  Var maðurinn í sumarfríi allt árið?  Án jarðsambands?

Vita ekki menn innan veggja KPMG að enginn í endurskoðandateymi má vera tengdur hluthafa félags sem skoðað er?  Það gerir hann vanhæfann.

Ég verð alltaf meira og meira krossabit eftir því sem dagarnir líða.  Ég er eiginlega að verða búin að fá ógeð á þessum skrípaleik öllum.  Það er svo mikið af spillingu og vanhæfi allstaðar að manni verður flökurt.

[Agný, 10.12.2008 kl. 04:18]

Er fólk ekki ennþá að fatta að þetta er ekkert nema fasismi? Skiftir engu máli hver liturinn er á yfirborðinu á þessu liði undir niðri sami brúni drulluliturinn....Kanski þessvegna sem ég hef aldrei þolað ljósbrún föt.... Það er ekki nóg að mótmæla...við verðum fyrst að vita hvort það er eitthvað skárri skíturinn í hinum haugnum áður en við tæmum hann... 

FASCISMA / POLICE STATE /RÍKIÐ ÍSLAND...ER ÞAÐ SEM SKEÐI Í DAG EKKI AKKÚRAT SÝNISHORN AF ÞVÍ?

[Sigurður Sveinsson, 10.12.2008 kl. 06:33]

Mér finnst ég vera staddur í miðju leikriti eftir Dostojevskí. Ríkisstjórnin og stjórnkerfið gegnrotin af spillingu. Verja gerðir sínar þó við sjáum flest að mikið af þessu liði ætti heima bak við lás og slá. Eigum við að una niðurstöðu þar sem glæpagengin rannsaka eigin brot? Andskotans djöfull.

[Jónína Dúadóttir, 10.12.2008 kl. 06:52]

 Ég var orðin kjaftstopp fyrir mörgum vikum... ég veit ekki hvað ástandið á mér heitir í dag....

[, 10.12.2008 kl. 09:10]

Kjaftstopp er ég sko ekki. Ég hef nú löngum verið seinþreytt til vandræða og fremur ópólitísk manneskja en nú er svo komið að ég úthrópa mig um ástand þjóðfélagsins við alla,hvort sem þeir vilja hlusta á mig eða ekki. M.a.s. hún móðir mín neyddist til að hlusta á hálftíma ræðu í símann í gær þegar hún í sakleysi sínu hringdi í mig til að spyrja hvernig við hefðum það

[Bjarni Kjartansson, 10.12.2008 kl. 09:55]

Ég verð aldrei kjaftstopp.

Ég þagna stundum, þegar sáraukinn verður mér um megn.  Tek málhvíld.

Tek svo aftur til máls og bulla eitthvað áfram,--að mati þeirra sem þykjast hafa ,,faglegar forsendur " til að vita miklu betur.

Nú er svo komið á ég held, að sumir af þeim sem valist hafa til ráðherrastarfa og annarra starfa fyrir land og þjóð, séu lítt gefnir.

Segjast ekki tala við lykilstofnanir síns embættis, segjast ekkert muna um hitt og þetta, haf ekki vitað um tengsl, sem um var ritað í öllum fjölmiðlum, nema Fréttablaðinu af eðlilegum tengslaástæðum.

Lúðvík segir að það  sé í lagi, að selja Singmann og Goodmann allt sem er í ,,þrotabúum bankana" líkt og Svíar gerðu.  Ford fékk Volvo á tombóluverði.  GM fékk SAAB Goodmann og Singmann, -frændur FAgins gamla fóru hendi  um eigur stáliðnaðarins í Svíþjóð, emð tilheyrandi atvinnuleysi.

Af hverju heyrist ekkert  í Emerítusi og fleirum Lögfræðiprófessorum núna???

Er ekkert um að tala mena árásir á aumingja Baugsmenn Stoðmenn??????

Áfram Baugsmenn Stoðmenn.

Lesa þessir aular ekkert annað en Lísu í Undralandi ???

Miðbæjaríhaldið

hefur orðið fyrir afar slæmu áfalli með trú á heiðarleika margra fyrrum vina sinna.

Hrynjum í það og dönsum fram á rauða nótt undir vinylplötum með rock i og blues.

Það GETUR EKKI VERIÐ VERRA EN ÞETTA TRIPP SEM VIÐ ERUM Á.

óskaðu mér svo til hamingju.

Ég er einsárs í  dag, ekki reykt síðan 10. des í fyrra (nema tvær í sumarbústað síðsumars)

luv

Miðbó

[Baldvin Jónsson, 10.12.2008 kl. 10:07]

Þú verður sem sagt eins árs í reykbindindi einhvern tímann síðsumars Bjarni standirðu þig þangað til.

Það er ekkert gaman að fagna einhverju sem maður veit að er ekki satt

En þú mátt engu að síður vera mjög stoltur af því að hafa ekki reykt síðan síðsumars, það er meira en margur getur státað af

[Hrönn Sigurðardóttir, 10.12.2008 kl. 10:11]

Lúðvík er ömurlegur!

[Bjarni Kjartansson, 10.12.2008 kl. 10:45]

Þó menn falli einusinni eftir hrösun andans, er það afar harðneskjulegt, að telja karlinn reykingamann, að þeim degi og frá 10. des.

Annars er mér skítsama,--held bara upp á þetta aftur einhverntíma í ágúst.

live and let live.

[Baldvin Jónsson, 10.12.2008 kl. 10:50]

Mér líst vel á það Bjarni, flott að fagna tvisvar. Fyrst við upphaflega ákvörðun og svo við áfangann. Það er góð hugmynd.

En fyrirgefðu þusið, til hamingju með árangurinn.

[Ólína Kjerúlf Þorvarðardóttir, 10.12.2008 kl. 11:00]

Takk fyrir ádrepuna Jenný Anna - þetta ástand er orðið þyngra en tárum taki.

Ég segi eins og þú - nú er maður orðinn hræddur.

[Birna Dis Vilbertsdóttir (IP-tala skráð) 10.12.2008 kl. 11:09]

Kjaftstopp og þegi fram eftir degi

[Guðrún Sæmundsdóttir, 10.12.2008 kl. 11:13]

ég hef því miður ekki haft heilsu til að taka þátt í mótmælum en svo sannarlega er ég með í anda! Mér var að detta í hug hvort að það væri ekki sniðugt að fólk útbyggi sér mótmælamiða og hefði í bílrúðunni, eða festi upp í gluggum nú og flestir eiga prentara það er lítið mál fyrir fólk að prenta út slagorð á A-4 og líma útum allt, t.d verslunum og öðrum mannmörgum stöðum

[Greta Björg Úlfsdóttir, 10.12.2008 kl. 11:35]

Mér fannst merkilegt að sjá hvernig Atli Gíslason hallaði sér aftur í stólnum, þagði og horfði vorkunnaraugum á andmælandann - slíkt sést ekki oft í íslenskum umræðuþáttum - en sagði allt sem segja þurfti.

[Jenný Anna Baldursdóttir, 10.12.2008 kl. 13:19]

Bjarni og Baldvin: Takk fyrir skemmtunina.  Gott að geta hlegið smá.

Ólína: Segðu.

Greta: Sko ég hef aldrei séð þetta áður.  Atli hallaði sér aftur á bak í sætinu og brosti dulítið, Helgi lét Lúlla bara tala.  Stundum er það mest upplýsandi.  Sko ekki steypan í Lúlla heldur viðbrögð hinna tveggja.

Takk öll fyrir þátttöku.

[Baldvin Jónsson, 10.12.2008 kl. 13:43]

Ef þig langar að hlægja meira Jenný, þá finnst mér þessi reynslusaga frá því í morgun af 7 ára frænda mínum mjög vænleg til árangurs:

Afi (pabbi minn) hringdi í nafna sinn og systurson minn áðan og spurði hvað hann vildi í jólagjöf. Nafninn svaraði að bragði að hann vildi eitthvað flott Legó dót.

Afinn spurði þá hvað hann héldi að mamma hans vildi í jólagjöf.

Aftur svaraði gaurinn snarlega og sagði:


Hún vill bara að ég sé ánægður á Jólunum!! :D

[Nína S (IP-tala skráð) 10.12.2008 kl. 13:57]

Kjaftstopp? Segðu frekar andateppu. Svo hjartanudd, opna augun og sami málglaði maðurinn að bulla og bulla og bulla. Atli sat bara sallarólegur. Eftir því sem Lúðvík talaði meira, því meir óttast ég um stjórn landsins og aðdraganda bankahrunsins. Algert klúður. Stjórnin er ekki hæf til að rannsaka svona stórt mál. Það var löngu vitað. Og svo er opnað fyrir að fólk geti farið getu farið í mál.