Jólablogg

 

Nú er ég í öflugu jólastuði.

Í gær náðum við í Jennýju á leikskólann og hún kom til að gista.

Við erum búin að gera margt skemmtilegt hér á kærleiks og vorum farin að sofa snemma örþreytt enda við gömul og barnið ungt og uppátækjasamt.

Jenný og húsband héldu jólapikknikk á stofugólfinu, límdu upp allskonar á veggina sem Jennýju fannst passa við jólin og svo var dansað smá, farið í þrautakóng, lesnar sögur, sungið um Eiríksjökul og ég veit ekki hvað og hvað.

En núna er stúlkan aðeins að kíkja á "baddnaeddni" í "sjónvartinu" og svo ætlar hún að baka.

Amman má aðstoða.

Við ætlum sem sagt að smákakast.

Oliver er farinn aftur heim til London með foreldrum sínum.  Stutt stopp en þau koma aftur um jólin.

Farin að taka til í bakstur.

Dragið fram barnið í ykkur.

Góð ráð í kreppunni.

En gleymið engu.

Úje

Athugasemdir

[Katrín Snæhólm Baldursdóttir, 6.12.2008 kl. 08:38]

Svona jólakellingum eins og okkur er ekki viðbjargandi Jennsla mín. Reyndar er ég ekki að fara að baka smákökur..en ég er að fara að setja upp jólatré á eftir þegar ömmubarnaprinsessan mín kemur yfir og kætir okkur. Nú ætla ég að hella mér upp á jólakaffi og fá mér sopa eftir slyddulegt morgunþrammið með blöðin.

Knús á kærleiks.

[Greta Björg Úlfsdóttir, 6.12.2008 kl. 08:39]

[Jónína Dúadóttir, 6.12.2008 kl. 08:52]

Æi... ég las "Jólaglögg"...

[Sigrún Jónsdóttir, 6.12.2008 kl. 08:56]

Ég fer í svona ömmujólastúss seinni partinn i dag......en fyrst er það mótmælafundur við Austurvöll

[Greta Björg Úlfsdóttir, 6.12.2008 kl. 08:56]

Þá veit maður hvað er þér efst í huga, Jónína...

[Laufey B Waage, 6.12.2008 kl. 09:25]

Góða skemmtun við ömmubaksturinn.

[Hildur Helga Sigurðardóttir, 6.12.2008 kl. 09:37]

Þið heppnar -eða ekki- að vera allar kommnar í ömmustúss.  Sjálf bara með fermingardrenginn -og þrjá vini í gistingu, eins og oft um helgar.

Skilst á reyndri vinkonu að þetta gistingarstand hætti eftir ca. eitt ár, en finnst það reyndar frekar krúttlegt -þó að með ólíkindum sé hvernig þessir elskulegu slánar nenna að  gista allir saman í einu herbergi;  Það var ekki málið meðan þeir voru minni, en í dag...

Émeina, þetta lið er ekkert nema (langar) lappir og enn lengri handleggir og manni/konu finnst að það geti ekki farið vel um þá alla í frekar þröngu rými.   (Laumast líka inn yfir nóttina og breiði yfir þá aukateppi osfrv.)

En ójú, þeir eru alsælir -og þegar þeir loxins sofna, sofa þeir eins og steinar -til hádegis og gott betur, eins og unglingum er tamt.

Samt eru þeir bara svona litlir /stórir strákar, sem finnst ennþá spennandi að gista margir saman í herbergi.  Að ógleymdri Skottu, sem alltaf er með í dæminu.  Jæja, Er á meðan er... 

[Jónína Dúadóttir, 6.12.2008 kl. 09:46]

Já Gréta, þarna kom ég laglega upp um mig

[Greta Björg Úlfsdóttir, 6.12.2008 kl. 09:51]

[Huld S. Ringsted, 6.12.2008 kl. 09:56]

Það er nú gaman fyrir ömmu að fá að aðstoða! er að fara að smákakast sjálf. Gangi ykkur nöfnunum vel

[Tína, 6.12.2008 kl. 10:28]

Shit hvað ég hefði gefið mikið fyrir að eiga svona afa og ömmu eins og ykkur. Það var að vísu ekki raunin þannig að ég tek bara næsta sem er að ég ætla mér að verða svona amma eins og þú . Verst að ég veit ekki enn hvort litla skvísan sem fæddist í sumar sé ömmustelpan mín og dóttir hans Leifs eða ekki. En ég bæti þá bara upp tapaða tíma svo um munar ef hún reynist vera Leifsdóttir.

P.s Lítið að gera í búðinni þannig að ég ákvað að líta hérna snöggvast inn.

[Brjánn Guðjónsson, 6.12.2008 kl. 10:46]

ég man vel þegar ég var smápatti, að 'hjálpa' mömmu að bara smákökur fyrir jólin.

yndislegar minningar.

nú er ég bara gamli skröggur og hættur að halda jól, enda mamma farin annað.

[Heiða B. Heiðars, 6.12.2008 kl. 10:58]

En Jennslan mín..... þú tekur þér væntanlega frí frá bakarastússi til mótmæla ;) Svo er opið hús í Borgartúni 3 eftir mótmæli. Mikið væri nú gaman að sjá þig og Jenný Unu þar

Ég er pöntuð í piparkökumálaradjobb á morgun með þremur litlum jólasveinum

[Greta Björg Úlfsdóttir, 6.12.2008 kl. 11:27]

Undanfarin jól skreyttum við pabbi piparkökur saman, sem mamma hafði bakað, það var auðvitað hún sem stjórnaði þessu og sá um að við gerðum þetta almennilega.

Nú er pabbi farinn annað og heilsan mín er ekki góð, kannski fær hún aðra til að skreyta, en kannski fer ég og skreyti nokkrar kökur fyrir hana.

[Ásdís Sigurðardóttir, 6.12.2008 kl. 12:43]

Ég var nú svo galvösk áðan að ég hæklaðist inn í herbergisskáp með stórt veski´um hálsinn, fyllti það af jóladóti og dreyfi um alla íbúð, fór einar fjórar ferðir svo nú er þetta að byrja hjá mér.  Hér verður jólatréð skreytt seint, því London dóttir (sem er orðin 30) vill fá að vera með, annars kemur hún ekki fyrr en 23 svo ég veit ekki hvort ég get beðið svo lengi, Köben strákur kemur 21 svo kannski hann geri þetta í ár með mömmu og pabba.  Eigðu ljúfan Jennslu dag, þið ömgur eruð yndi. 

[Einar Örn Einarsson, 6.12.2008 kl. 12:57]

Frábært að lesa. Var farinn að hafa áhyggjur af þér, að kreppan væri bara að gleypa þig.

Njóttu dagsins. Þú átt það skilið.

[, 6.12.2008 kl. 12:57]

Ójá - nú skal jólastússast  Ég er að fara að gera konfekt með störu börnunum og mála (keyptar) piparkökur með litlu börnunum. Eigðu góða helgi

[Hugarfluga, 6.12.2008 kl. 13:26]

Ég kemst ekki yfir hvað Jenný Una er lánsöm með ömmu sína og afa. Spáðu í hvað hún á eftir að eiga góðar minningar um samveruna með ykkur!! Æ lov it!!!

[Marta B Helgadóttir, 6.12.2008 kl. 14:45]

Takk fyrir fallega samúðarkveðju Jenný mín

[Hulla Dan, 6.12.2008 kl. 15:04]

[Hrönn Sigurðardóttir, 6.12.2008 kl. 15:51]

Þið eruð krútt á Kærleiks

[Guðríður Hrefna Haraldsdóttir, 6.12.2008 kl. 16:28]

Ég held að „jólin“ séu bara samsæri stjórnvalda til að fá okkur til að hugsa um annað en kreppuna. Það er ekki einleikið hvað það er stundum gaman (og jólalegt) þessa dagana ...

[Greta Björg Úlfsdóttir, 6.12.2008 kl. 16:45]

Gurra þó

[Greta Björg Úlfsdóttir, 6.12.2008 kl. 16:46]

Úpps, Gurrý, er það ekki?

[Guðríður Hrefna Haraldsdóttir, 6.12.2008 kl. 17:07]

Heheheh, þetta var bara grín ... og auðvitað smá öfund út í ykkur ömmurnar. Það er víst Gurrí, ekki með Ý ... Er í miklu jólastuði og les nú jólabækur út í eitt.

[Greta Björg Úlfsdóttir, 6.12.2008 kl. 17:32]

Jamms, Gurrí, ég þekki þá öfund, ég held samt að ég sé komin yfir hana.

Enda eins gott, þar sem ekkert bólar á barnabarni á mínum bæ, þó systur mínar eigi 18 barnabörn samtals, við erum 5 systur, sem sé 3,6 að meðaltali á hverja systur.

Já, gæðum hennar veslu er svo sannarlega misskipt.

[Greta Björg Úlfsdóttir, 6.12.2008 kl. 17:40]

Að vísu má segja á móti að ég var ekki eins dugleg við að hlaða niður börnum og systur mínar, tvær þeirra eiga 5 börn hvor, sem auðvitað eykur líkur á fjölda barnabarna...

Mér finnst samt, satt að segja, dálítið súrt að yngsta systir mín, sem á "bara" 2 afkomendur eins og ég, skuli hafa orðið amma á undan mér, hún eignaðist sitt fyrsta barnabarn í fyrrahaust, á afmælisdegi pabba heitins, sem var mjög gaman. - Ég er nefnilega einnar-stelpu-mið-holl foreldra minna og 7 árum eldri en yngsta systirin.

Jenný mín, fyrirgefðu þetta familíu-raus í mér og gangi þér vel við baksturinn á kærleiks - en líklega ertu búin að baka núna, svo ég ætti víst að segja: vona að bakzturinn hafi gengið vel (slæddist óvart smá Stgr. með)

[Greta Björg Úlfsdóttir, 6.12.2008 kl. 18:03]

Úpps, þarna feilaði ég mig aðeins og má til að leiðrétta það, ljótt að gleyma einum, barnabörnin eru 19 = 3,8 á mann.

Móðir mín mundi þetta auðvitað upp á hár.

[Sigurður Þór Guðjónsson, 8.12.2008 kl. 00:10]

Hva, er að koma jól? Ég er enn í sæluvímu yfir hitabylgjunni í sumar!