Helvítis fjölmiðlamennirnir

Össur segir að það sé eitthvað rotið í Seðlabankanum.

Ég segi; Velkominn til raunheima Össur minn, en það þurfti engan stjarneðlisfræðing til að reikna þetta út, staðreyndin hangir svo gott sem á nefinu á þér.

Guðlaugur heilbrigðis kemur síðan og súmmerar upp kreppuna og hefur ekki fyrir að svara spurningum fjölmiðlamanna um nýjustu skandaliseringu Davíðs.

Hafið þið tekið eftir að þegar íhaldið er spurt hvað það ætlar að gera við risavaxna dekurdýrið í Seðló þá fara þeir alltaf að tala um eitthvað sem aðrir eru að gera sem má betur fara?

Hann segir einfaldlega að fjölmiðlamenn stjórni umræðunni og fókusinn sé kannski ekki réttur, nær væri fyrir þá að beina sjónum sínum að því sem máli skiptir, hvað sem það nú er..

Úff.. helvítis fjölmiðlamennirnir búnir að kollkeyra þessa vesalings þjóð.

Hugsa sér og allan tímann hélt ég að það væri við banka, embættismenn og stjórnvöld að sakast.

Sillí mí.

Ég lofa að passa mig í framtíðinni.

Fjölmiðlamenn skammist ykkar og takið pokann ykkar!

Djöfuls rugl, hvað dettur þeim í hug næst íhaldsráðherrunum til að réttlæta foringjann á Svörtu?

Eitthvað rotið í Seðlabankanum

Athugasemdir

[Ásthildur Cesil Þórðardóttir, 5.12.2008 kl. 13:43]

Já það er alveg með ólíkindum hvað þau leggjast lágt, eða teygja sig hátt til að klóra í bakkann.  Allt einhverjum öðrum að kenna, og þá helst okkur almenningi í landinu

[Sigrún Jónsdóttir, 5.12.2008 kl. 14:04]

Hvað verður okkur boðið upp á þennan farsa lengi?  Þetta er bara smá "mjálm" í Össuri, Samfylkingarmenn eru ekkert að gera.....þeir gætu nefnilega misst "stólana" sína

[Birna Dis Vilbertsdóttir (IP-tala skráð) 5.12.2008 kl. 14:16]

Kannski það þurfi líka að skipta um "eldhúskonu"þarna eins og í stjórnaráðinu þar sem allir eru í blakkáti.Er sama kaffikonan á báðum stöðum??????Er eitthvað að skemmast í skápunum .

Þetta er svo ótrúlegt að meira að segja ég er að verða orðlaus

[Einar Indriðason, 5.12.2008 kl. 14:25]

Bein spurning... ef þú vilt koma þér undan henni... þá notarðu smjörklípu(r).

Ef beina spurningin er endurtekin... þá snýrðu þér að viðmælanda og segir:  "Það er ekki spurningin, heldur...."

Ef beina spurningin er endurtekin... þá snýrðu þér að næsta spyrjanda og spyrð:  "Næsta spurning"

Svona er hægt að komast af ... án þess að svara...

(Nánari útfærslur, sjá í þáttunum "Yes, Minister" frá BBC, þekktir hér á landi sem "Já, Ráðherra").

Fyrst skal þó kanna með smá smjörklípu, sjá hvort það dugi til.

Ef það er eitthvað sem við getum þakkað Dabba, er að hann kenndi okkur meira en við vissum fyrir, um hvernig má nota smjörklípur (og ketti).

[Jenný Anna Baldursdóttir, 5.12.2008 kl. 14:27]

Einar: Takk fyrir þetta hraðnámskeið í hvernig skal búllsjitta á sem öruggastan máta.

Hahahaha.

Aumingja konan í eldhúsinu.

[Katrín Snæhólm Baldursdóttir, 5.12.2008 kl. 16:31]

Jólasveinarnir frá Fjölmiðlunum sitja fastir í strompinum...úldnir og rotnir..ojojojoj. Hafa örugglega ætlað að troða sér inn og freistast til að ná tali af seðlabankastjórum.

[Sunna Dóra Möller, 5.12.2008 kl. 16:40]

Mér finnst bara alveg ótrúlegt að á meðan þjóðin borgar brúsann af hruninu, almenningur missir vinnuna og lífsviðurværi, ungt fólk íhugar landflótta og sífellt fleiri leita eftir mataraðstoð, þá situr einn maður í seðlabankanum og er í einka-pólitískum leik og hindrar það um leið að hægt sé að vinna að því sem þarf til að allt komist hér í sæmilegt horf. Þegar börnin mín eru í frekjukasti, set ég þau inn í herbergi og bið þau að vera þar þangað til þau geta hagað sér eins og menn.......getur ekki einhver hent Davíð inn í herbergi og látið hann dúsa þar á meðan að þetta ástand varir og fólk sem setur þjóðina ofar einkahagsmunum sinnir björgunarstörfum.....!

[Ía Jóhannsdóttir, 5.12.2008 kl. 21:37]

Dúa er með þetta á hreinu en fyrst höldum við jól ekki satt? 

[Tína, 5.12.2008 kl. 23:34]

Rétt að skjóta inn örknúsi á þig vinkona.

Njóttu helgarinnar elskan mín

[Tína, 6.12.2008 kl. 00:01]

Hmmmmmmmm áttaði mig á að örknús þýðir í raun lítið knús. Ætla því að breyta þessu í tröllaknús. Mátt samt eiga örknúsið áfram.

[Jónína Dúadóttir, 6.12.2008 kl. 08:01]

Risavaxna dekurdýrið