Í langvarandi friggings blakkáti

 

Þegar ég var í rauðvíninu og svefnpillunum (ásamt róandi ofkors) var ég í langvarandi stöðugu blakkáti.

Þetta tók á sig öflugar birtingarmyndir.

Þegar af mér rann hafði fólk skilið, fyrirtæki farið á hausinn, loftslag jarðar tekið verulegum breytingum og alls kyns hlutir gerst í pólitík sem eiga eftir að verða skráðir á spjöld sögunnar.

Ég alveg: Vááá, er hægt að borga með svona plastmiða í búðum?  Æi þið vitið hvað ég meina, tilfinningin var alveg þannig sko.  Þyrnirósa vöknuð í áfalli yfir breyttum tímum.

Allt var nýtt fyrir mér sem hafði verið meira og minna vímuð í þetta 2-3 ár með einhverjum hvíldum og við þessu gengst ég fúslega, enda með minnisbetra fólki í dag og bláedrú á eigin safa.

En ráðamenn muna ekkert.  Þeir eru í stöðugu óminni og mér finnst ég alveg vera að kallast á við alkann í mér þegar ég les fréttir þessa dagana.

Ég man ekki eftir þessu símtali, segir Geir.

Ég man ekki eftir neinum fundi á þessum tíma, segir ISG.

Hinir alveg: Ha, sagði hann það?  Hvenær?

Allir alveg komandi af fjöllum eins og jólasveinar.

Sko, ég var í óminni af kemískum ástæðum.  Heilinn á mér var í stöðugri maríneringu og eftirtektin og minnið voru eftir því.

Nú veit ég að ráðamenn eru bláedrú og ekki að nota lyf í óhófi enda ekki reikandi um með vímusvip sem þekkist í fleiri kílómetra fjarlægð. 

Trúið mér, vanir menn vönduð vinna hérna.  Er sérfræðingur í greininni.

Hvaða andskotans afsökun hefur þetta fólk fyrir sínu stöðuga blakkáti?

Mér er bara fjandans spurn.

Hikk.

P.s. Tók þessa mynd af einhverjum bloggvini.  Vona að mér verði fyrirgefið en þarna hefur einhver hitt naglan gjörsamlega á höfuðið.

Man ekki eftir símtali við Davíð

Athugasemdir

[Birna Dis Vilbertsdóttir (IP-tala skráð) 5.12.2008 kl. 10:17]

Það eru ýmsar ástæður fyrir blekkáti og ein þeirra vegna þess að heilinn er dofinn,ein vegna þess að heilinn er á floti í spíra,ein vegna .........................................................

[Sigrún Jónsdóttir, 5.12.2008 kl. 10:18]

Ég vil nú samt að þetta lið skili allt þvagprufu, svo ganga megi úr skugga um hvort lyf eða eitthvað annað valdi þessu rugli

[Ásthildur Cesil Þórðardóttir, 5.12.2008 kl. 10:25]

Já það er svo sem í lagi að taka þvagprufur, en ég held að við lygi komi ekkert í ljós við svoleiðis.  En það er ef til vill hægt að fara í endurhæfingu gegn lygasýki sem hrjáir þetta fólk.  Best væri bara að það léti sig hverfa úr stjórnarstólunum, og léti öðru góðu fólki eftir að hreinsa til, og koma skútunni aftur á flot.

[Katrín Snæhólm Baldursdóttir, 5.12.2008 kl. 10:40]

Er þetta ekki bara psykopata heilkennið í jakkafötum og drögtum??? Hefur það líka eitthvað verið rannsakað að þetta fólk sé með heila og þar af leiðandi minnisstöðvar? Ég man ekki eftir að það hafi verið rannsakað af nokkurri einustu skilanefnd.  Ekki einni.

[Ásdís Sigurðardóttir, 5.12.2008 kl. 12:19]

Þetta er ekki blakkát hjá þeim heldur selective memory

[Hugarfluga, 5.12.2008 kl. 12:26]

Minnir mig á Úllen dúllen doff sketchið: 

"Þannig er mál með vexti læknir, að ég man ekki neitt stundinni lengur".

"Jahá, hvenær fórstu fyrst að finna fyrir þessu?"

"Finna fyrir hverju?"

"Nú, þessu minnisleysi!"

"Hvaða minnisleysi?"

"Þú sagðist þjást af minnisleysi."

"Sagði ég það? Ekki man ég eftir því."

P.s. Takk fyrir kveðjuna á blogginu mínu, darling. 

[Aradia, 5.12.2008 kl. 12:44]

Það þarf eitthvað að skoða kelluna sem hellir upp á kaffið í stjórnarráðinu.

[Greta Björg Úlfsdóttir, 5.12.2008 kl. 17:15]

Já, það er örugglega einhverju laumað í kaffið þeirra...

[Nína S (IP-tala skráð) 5.12.2008 kl. 19:42]

Minnisleysi og blackout stjórnmálamann á ekkert skylt við kemískan sjúkdóm. Held að þeir læri þessi varnarviðbrögð í uppeldisbúðunum og af að umgangasts eldri pólitíkusa. Helst notað þegar þeir þora ekki að svara. Eða eru vissir um að búið er að kveikja á púðurtunninni sem sprengir stjórnarsamstarfið og hafa allan hugann við hvenær hún springur og þá eru þeir auðvitað utan við sig. Hvað hefur þjóðin að gera með fólk sem talar annað tungumál en við? Er nema von að allt er upp í loft, við skiljum ekki tungumál stjórnmálamanna, skiljum ekki tvöföld skilaboð, andlitsgrettur, andlitsgrímur, tvíræð orð o.s.frv. Æ, væri ekki gott að stjórnin talaði mannamál, íslenska tungu?

[Hrönn Sigurðardóttir, 5.12.2008 kl. 23:28]

heheheheh þú ert góð :)