Snillingurinn - villingurinn - vinkona mín

Hún er vinkona mín.  Hún er falleg, hlý, gefandi, klár, skemmtileg og með svartan húmor sem fær mig til að gráta úr hlátri.

Hún heitir Jóna Ágústa Gísladóttir og hún var að skrifa bók.

Flestir sem þekkja til bloggheima þekkja til Jónu.  Þeir þekkja þann Einhverfa, Gelgjuna, Unglinginn og Bretann ásamt Litla Rasistanum sem hefur verið skýrð Lafðin í bókinni. 

Bókin fjallar um þann Einhverfa og fjölskylduna hans séð frá sjónarhóli mömmunnar.

Bókin er eins og bloggið hennar Jónu um sama efni.  Hún fær mann til að hlægja og gráta, stundum samtímis.

Ég vissi lítið um einhverfu áður en ég fór að lesa bloggið um þann Einhverfa.

Ég hafði lesið mér til en það er eins og með svo margt í lífinu það er erfitt að máta það inn í eigin reynsluheim þangað til að það er sett í persónulegt samhengi.

Ég held að þessi bók eigi erindi við alla og það án tillits til hvort þeir þekki til einhverfu eður ei.  Öll þekkjum við til barna með þroskafrávik.  Það er bara mannbætandi að kynna sér þennan heim og í leiðinni gerir það okkur að betra fólki með örlítið meiri skilning og aðeins víðari sjóndeildarhring.

Ég mæli að sjálfsögðu með þessari bók í jólapakkann þið sem enn hafið ekki festið kaup á henni.

Jóna bloggar hér.

Nú fer ég og sef í hausinn á mér.

Athugasemdir

[Tiger, 3.12.2008 kl. 23:56]

  Var einmitt að lesa þessa bók núna nýverið og er að fara að skella tveim eða þrem í jólapakka fyrir þessi jól. Mæli með því að fólk kaupi bækur núna - og þessi bók er bara yndisleg að lesa.

Sé Jónu fyrir mér í anda "hoppandi og skoppandi á Trampolini" - en í réttu brjóstarhaldi sem betur fer ...

P.s. Til hamingju með Móður þína Jenny mín - vonandi var dagurinn ljúfur! Kram og kreist ...

[Sigrún Jónsdóttir, 4.12.2008 kl. 00:06]

Bókin verður keypt á þessu heimili....ef hún kemur ekki sem afmælisgjöf, get ekki beðið eftir að lesa hana.

Til hamingju með afmæli mömmu þinnar

[Kolgrima, 4.12.2008 kl. 00:11]

Þetta er yndisleg, dásamleg, æðisleg, fyndin, skemmtileg, næs, tilfinningavekjandi, töff bók sem fær lesanda til að glaðvakna. Takk

Hún fer í nokkra jólapakka hjá mér, ekki verra ef hægt væri að fá þær áritaðar?

[Birna Dis Vilbertsdóttir (IP-tala skráð) 4.12.2008 kl. 01:38]

Þetta er flott bók

[Hildur Helga Sigurðardóttir, 4.12.2008 kl. 05:17]

Já, ég er viss um að þetta er yndisleg bók.

[Jónína Dúadóttir, 4.12.2008 kl. 07:00]

[María Guðmundsdóttir, 4.12.2008 kl. 08:02]

les alltaf Jónu á blogginu , efast ekki um ad bókin er frábær eins og hún sjálf. Myndi alveg vilja fá hana i jólapakkann .

hafdu gódan dag Jenný

[Ásdís Sigurðardóttir, 4.12.2008 kl. 08:04]

Vona að þú hafir sofið vel mín kæra, ég bíð spennt eftir að lesa bókina, þarf að fara að komast í bókabúð eða senda einhvern fyrir mig.  Eigðu ljúfan dag.

[Huld S. Ringsted, 4.12.2008 kl. 09:11]

Ætla að gefa sjálfri mér bókina í jólagjöf