Ég er gömul og á leiðinni í bótox

 

Hér er smá jólafærsla börnin mín södd og sæl.

Í dag hef ég haft hana nöfnu mína hjá mér og við vorum að jólast hérna heima.

Það kom að því að ég hafði þvegið eldhúsgluggann, straujað jólagardínur og sett ljós í glugga.

Svo fór þessi kona sem hér skrifar upp á stól til að hengja upp gardínurnar.

Jenný Una: Amma villtu passa þig mann getur dettið af stólum og þá getir þú deyjið.

Amman: Nei, nei, ég passa mig elskan og svo er ég ekkert að fara að deyja.

Jenný Una: Jú þú ert gömul þá deyrðu ef þú ferð upp á stól.

Amman: Ég er ekki gömul Jenný mín.

Jenný Una ákveðin: Jú ömmur eru gamlar.  Passaðuðig.

Og síðar í rúminu þar sem amman sagði sögur og sú stutta vildi ekki fara að sofa.

Jenný Una: Amma, ekki fara fram, ér hrædd.

Amman: Við hvað ertu hrædd?

Jenný Una: Það er vondur maður í glugganum.

Amman: Hvaða vitleysa barn, ég sé engan mann.

Jenný Una (hneyksluð): Hann er ósýnilegur manneskja.

Svona er lífið hér á kærleiks.

Amman er farin í bótox.

 

Athugasemdir

[Linda Linnet Hilmarsdóttir, 29.11.2008 kl. 22:54]

Innlitskvitt og kveðjur

[Sigrún Jónsdóttir, 29.11.2008 kl. 22:56]

Jenný Una er yndisleg og amman er líka yndisleg

[Ía Jóhannsdóttir, 29.11.2008 kl. 22:56]

Æ hvað það var gaman að heyra frá Jenný Unu ég var farin að sakna hennar svo hræðilega.  Knús inn í kærleiksheimilið.

[Hugarfluga, 29.11.2008 kl. 23:28]

 Jenný Una er engri lík.

[Magnús Geir Guðmundsson, 29.11.2008 kl. 23:55]

Jújú, Jenný U er lík Jenný Ö, hefur mikla þörf fyrir að tjá sig og liggur oftast mikið á hjarta!

En skynugt barnið léti nú ekki svona tímabundna upplyftingu plata sig, neinei, bara heimskir kallar sem falla fyrir slíku! En alvöru fegurðaraðgerðir geta verið´til góðs og af sönnum fagmönnum framkvæmdar, það þekki ég nú og veit fyrir víst!(en kemur efninu hérna samt ekkert við haha!)

[Róslín A. Valdemarsdóttir, 30.11.2008 kl. 00:10]

Algjör krúsla!

Ég ætla aldrei að fara upp á stól þegar ég verð gömul....

[alva (IP-tala skráð) 30.11.2008 kl. 01:37]

Þið eruð æðiflottar samanþað er ein svona amma hérna, mamma mín, sú yngsta mín er sjúklega hrifin af henni

[Beturvitringur, 30.11.2008 kl. 03:20]

Mæli með bótoxi og sílíkoni. Fékk mér á magann og undir hökuna. Allt annað líf!

[Jónína Dúadóttir, 30.11.2008 kl. 07:00]

[Helga skjol, 30.11.2008 kl. 08:04]