Gullfossinn í Kaupþingi

Tvö núll fyrir Katrínu og plús í kladdann fyrir HR sem ætlar ekki að taka ræðuna hennar af heimasíðu, þrátt fyrir að einhverjir drengir sem eru samskipa Katrínu í lögfræðinni séu með ritskoðunartilburði.

Nóg um það.

En ég var að pæla í glerfossinum í anddyri Kaupþings.

Þið hafið væntanlega tekið eftir honum? 

Hann nær hátt upp í loft og vatnið rennur stöðugt á tilkomumikinn hátt.

Það eru gjarnan tekin viðtöl við stóru bomburnar í viðskiptalífinu (fyrirgefið þetta ætti að vera í fortíð ) við þennan peningafoss.

Eftir hrun halda þeir áfram að mynda við fossinn.  Þennan manngerða Gullfoss.

Mér finnst þetta minnismerki um horfna tíma um græðgina og oflætið algjör tímaskekkja.

Vinsamlegast myndið annarsstaðar í þessari höll, t.d. í salnum þar sem erlendu viðskiptin fóru fram en þar er allt tómt, hver kjaftur farinn.

Eða slökkvið að minnsta kosti á helvítis rennslinu. 

Já, ég læt ýmislegt fara í taugarnar á mér þessa dagana.

Erða nema von?

Ræða Katrínar ekki tekin út

Athugasemdir

[Ía Jóhannsdóttir, 27.11.2008 kl. 13:20]

Hehehehe 

[Þröstur Unnar, 27.11.2008 kl. 13:35]

Róa sig kona.

Veistu ekki að vatn hreinsar andrúmsloft?

[Hrönn Sigurðardóttir, 27.11.2008 kl. 14:23]

Mér finnst hann svo flottur þessi foss! Ég var einmitt að spá í að kaupa hann úr þrotabúinu.....

[Lísa Björk Ingólfsdóttir, 27.11.2008 kl. 14:32]

Noh - það er bara svona kona.......

[Brjánn Guðjónsson, 27.11.2008 kl. 14:35]

„þrátt fyrir að einhverjir drengir sem eru samskipa Katrínu í lögfræðinni séu með ritskoðunartilburði“

afhverju segirðu drengir?

ef þú skoðar facebook síðuna sérðu að kvenpeningurinn aðhyllist ekki síður sovét-kínverskum málum.

[Jenný Anna Baldursdóttir, 27.11.2008 kl. 15:03]

Það voru fjórir piltar sem skrifðuðu grein um málið Brjánn minn.  Ég er að vísa í þá.

Hrönn: Þú drepur mig.

[Kolgrima, 27.11.2008 kl. 15:29]

Sammála Hrönn, fossinn er flottur :D Myndi skíra hann Fallandi ef ég ætti hann.

[Ásdís Sigurðardóttir, 27.11.2008 kl. 16:04]

Mér finnst hafa hægt á rennslinu í fossinum blauta

[Kristín Katla Árnadóttir, 27.11.2008 kl. 16:35]

Kær kveðja.

[nicejerk, 27.11.2008 kl. 18:14]

Rennandi vatn stýrir góðri lukku samkvæmt Kínverjum. Þess vegna sér maður rennandi vatn eða gosbrunna hjá þeim sem mega sín einhvers eða óska þess.

Það virkaði sum sé ekki hjá Kaupþing. Þeir voru Norðar og fóru niður.