Peningagredda eða ágengni?

Ég hef alltaf verið stolt af Vigdísi Finnbogadóttur.

Svo var ég í sjálfboðavinnu í Svíþjóð við að svara spurningum um hana, þegar ég bjó þar á meðan hún var kjörin forseti.

Svíarnir elskuðu hana.  Eins og ég reyndar líka og mér var það því ljúft og skylt að tala um konuna í lengd og bráð.

Vigdís vinnur sífellt á ef það er mögulegt. 

Og þvílík hvatning sem hún hefur verið konum til þátttöku í samfélaginu og þá meina ég víða um heim.

Nú er hún í viðtali við spænska dagblaðið El País.  Hún segir að íslenska þjóðin hafi verið niðurlægð vegna hruns bankanna.

Hún talar líka um að starf sitt við kynningu á landinu hafi orðið að engu með sama.

Allt rétt og satt.

Svo er hún svo kurteis og mild hún Vigdís þegar hún talar um að konur verði að koma að uppbyggingunni hér á landi....vegna þess að þær hafi ekki eins ágengt viðhorf til lífsins og karlar.

Ég er í krúttkasti.

Enginn hefur áður orðað græðgis- og peningagredduna í körlunum á eins kurteisilegan máta svo ég hafi séð.

Ég dáist að þessari konu.

Íslendingar verða að endurheimta virðinguna

Athugasemdir

[hh (IP-tala skráð) 19.11.2008 kl. 15:50]

Það eru fleiri sem dá þessa konu og hafa gert nánast alla tíð!

[Nína S (IP-tala skráð) 19.11.2008 kl. 15:57]

Já, Jenný, hún Vigdís er engri lík. Hvernig hún orðaði öll okkar vandamál í fáeinum setningum á þann hátt sem er engum líkur, en kristallaði samt allt sem við vildum sagt hafa á kurteislegan, djúphugsaðan máta, var alger snilld. Að geta sagt svona "krúttlega" eins og þú myndir orða það, tvö aðalatriðin í vanda okkar Íslendinga, þetta með bankana og orðstírinn. Hugsa að það sé rétt hjá henni að nú þurfi kvenlegan hugsunarhátt til að taka við völdum, eða þannig. Áfram Vigdís, hin vísa kona.

[Elísabet Sigurðardóttir, 19.11.2008 kl. 16:01]

Þú ert langkrúttlegust.

[Ía Jóhannsdóttir, 19.11.2008 kl. 16:05]

Góðan daginn frú Jenný.  Varð að blogga líka um þetta núna þegar ég kom heim enda Vigdís í miklu uppáhaldi hjá okkur hjónum.  Gott að vera komin heim.

[Dísa Dóra, 19.11.2008 kl. 16:42]

Vigdís er frábær kona og var frábær forseti.  Hef lengi dáð hana og virðing mín fyrir henni eykst bara með árunum.

[Edda Agnarsdóttir, 19.11.2008 kl. 16:57]

Æðislegt - og munum þetta með "ágengnina"!

[Birna Dis Vilbertsdóttir (IP-tala skráð) 19.11.2008 kl. 17:30]

Hún Vigdís er flott,hún er landi og þjóð til sóma hvar sem hún kemur.

[Hilmar Hafsteinsson (IP-tala skráð) 19.11.2008 kl. 17:54]

... Birna bankastýra hvað?

[María Guðmundsdóttir, 19.11.2008 kl. 17:57]

thetta er bara frábærlega ordad , Vigdís er sjentilkona og bara flýgur upp virdingarstigann langt framúr ØLLUM køllum

[Einar Indriðason, 19.11.2008 kl. 18:34]

Vigdís Finnbogadóttir er enn minn forseti.  Þetta er ekkert flókið.  Og hana nú.

[Jónína Dúadóttir, 19.11.2008 kl. 18:49]

Sammála hverju orði

[Greta Björg Úlfsdóttir, 19.11.2008 kl. 19:33]

Mjög vel orðað hjá Vigdísi. Við getum alltaf verið stolt af henni.

[Jóna Á. Gísladóttir, 19.11.2008 kl. 19:53]

Hún er löngu orðin goðsögn þessi kona. Svo er hún svo djö.. flott manneskjan. Mikið yngri í útliti en árin segja til um

[Auður Matthíasdóttir, 19.11.2008 kl. 22:32]

Mér hefur  alltaf fundist blessuð konan alveg óumræðilega leiðinleg.  Íslensk tunga og plöntum trjám hefur verið aðalinnlegg hennar og nánast það eina  í gegnum árin.  Og þegar hún  loksins hætti þá þurfti hún ekstra pening til að borga aðstoð við að svar pósti. Eins og hún hafi ekki haft nóg uppúr starfinu.

[Greta Björg Úlfsdóttir, 19.11.2008 kl. 22:56]

Lady in blue, þú hlýtur nú samt að geta viðurkennt að það er skömminni skárra að planta trjám og dásama íslenska tungu en að mæra jakkafataterroristana í útlöndum og skála við þá á Bessastöðum.

[Laufey B Waage, 20.11.2008 kl. 09:49]

"ágengt viðhorf". Yndislegt. Ég á örugglega eftir að stela þessu orðalagi frá henni. Hún er náttla bara frábær.

[Hilmar Hafsteinsson (IP-tala skráð) 20.11.2008 kl. 21:55]

... svo ekki sé minnst á Elínu Sigfúsdóttur LandsbankaLord