Siðblindustefnan

Það eru líkur á að Baldur Guðlaugsson ráðuneytisstjóri í fjármálaráðuneytinu, hafi búið yfir innherjaupplýsingum um hlutabréf Landsbankans þegar hann seldi bréf sín í bankanum.

Til þess að fá málið nákvæmlega á hreint þarf að komast að því hvað var rætt á fundi með Darling viðskiptaráðherra Breta þ. 2. sept. s.l. en þann fund sat ráðuneytisstjórinn.

Hálfum mánuði seinna seldi hann bréfin.

Kommon, maðurinn er ráðuneytisstjóri í fjármálaráðuneytinu.

Af hverju gengur hann ekki úr starfi á meðan málið er rannsakað?

Á meðan minnsti vafi leikur á því hvort þarna orki eitthvað tvímælis á hann auðvitað ekki að vera að vasast í vinnu á meðan.

Það á ekki að þurfa að segja fólki svona.

Þetta virðist sér íslenskt fyrirbrigði.  Að sitja sem fastast eins lengi og stætt er.

Það er þessi nananabúbú stefna.  Siðblindustefnan.  Ég fer ekki rassgat nema þið getið sannað eitthvað.

Ég ætlast til að maðurinn fari að minnsta kosti í launalaust leyfi þar til málið hefur verið rannsakað.

Ég er algjörlega að tapa mér yfir þessari siðblindu í stjórnkerfinu.

ARG.

Ráðuneytisstjóri hugsanlega innherji

Athugasemdir

[Ásthildur Cesil Þórðardóttir, 19.11.2008 kl. 14:42]

Það sem mér gremst mest er að það virðist vera alveg saman hvað þetta fólk gerir, það er jafn heilagt og Jésú.  Það er ekki hróflað við elítunni, meðan karlinn sem stal einum lyfrarpylsukepp var handtekinn, tala nú ekki um barnið sem opnaði umbúðirnar í Toys are us  Getur þetta fólk ekki áttað sig á að með þessari vernd á stórþjófum og siðleysingjum er verið að setja almennt siðferði niður á lægra plan fyrir okkur hinum.

[Greta Björg Úlfsdóttir, 19.11.2008 kl. 15:10]

Ehemm, Jenný, þó það sé nú aukaatriði:

"Þetta virðist sér íslenskt fyrirbrigði.  Að sitja sem fastast eins lengi og stætt er."

Kannski hefði ég frekar að senda þér tölvupóst um þetta, en mér fannst þetta bara svo óborganlega fyndið...

Taktu bara þetta komment út ef þú breytir þessu...

[Greta Björg Úlfsdóttir, 19.11.2008 kl. 15:11]

En kannski var þetta viljandi hjá þér?

[Jenný Anna Baldursdóttir, 19.11.2008 kl. 15:21]

Jabb ég hló mikið Greta mín þegar ég skrifaði þetta.

Þ.e. ég sá þetta um leið og ég las yfir og mér dettur ekki í hug að breyta þessu.

Hehe.

Ásthildur: Sammála.