Að fara í sleik og það ofaní kok

Björgólfur tekur fulla ábyrgð ... en

það var samt í stórum dráttum öðrum um að kenna hvernig fór fyrir Landsbankanum.

(Reyndar held ég að helvítis neyðarlögin hafi átt sinn stóra þátt í þessu öllu saman en kommon).

Hvað ætli við séum búin að sjá mörg keisaraviðtöl við höfuðpersónur og leikendur bankahrunsins og kreppunnar?

Þau hlaupa eflaust á tugum, svei mér þá.

Öll "viðföngin" hafa undantekningalaust lýst ábyrgð á hendur sér og á eftir hefur fylgt þetta litla orð EN sem hefur í för með sér að ábyrgðinni er varpað á þann sem er nefndur á eftir eninu.

Ég tek ábyrgð á þessu og hinu .. en þetta er sóandsó um að kenna.

Ergó: Þetta er ekki mér að kenna.

Getur verið að fólk trúi því núna að almenningur þurfi ekki að borga Icesave?

Af því Björgólfur segir það og af því stjórnvöld segja að Landsbankinn dugi fyrir þessum skuldum?

Ég trúi því ekki - fyrr en ég tek á.

Það hefur nefnilega ekki staðið steinn yfir steini í málflutningi allra aðalmannanna.

Og að tala um að kyssa á vöndinn.

Nú er talað um að "lausn" sé að fást í Icesave málinu.

Það sem í síðustu viku hét "við látum ekki kúga okkur" heitir núna lausn.  Frelsandi lausn sem felst í ábyrgð á Icesave reikningunum í Englandi (og Hollandi?).

Íslensk þjóð borgar brúsann, að minnsta kosti er ekkert fast í hendi.

Þetta er ekki að kyssa á vöndinn, þetta heitir að fara í sleik við hann og það alla leið ofan í kok.

Sniðug aðferð að breyta kúgunarhugtakinu yfir í lausnina.

Það taka þessu allir örugglega fagnandi.

Hverjum er illa við lausnir?

EKki mér.

Björgólfur í Kastljósinu

Skuldir lenda ekki á þjóðinni

Athugasemdir

[Heidi Strand, 14.11.2008 kl. 09:53]

Sigmar gleymdi aðalspurningunni. Hvert fóru allar þessir ICESAVE peninga?

[Hákon Jóhannesson (IP-tala skráð) 14.11.2008 kl. 10:01]

Það er aumkunarvert að sjá hvað ráðamenn vísa hver á annan - auðmenn eru ekki undanskildir þessu þegar kastljósinu er beint að þeim -  minnir á börn í sandkassa - það var ekki mér að kenna - hann/hún gerði það, en ekki ég.

Auðmennirnir staglast á því að það séu til eignir fyrir skuldum; eru búnir að segja það svo oft í svefni og vöku að þeir eru sjálfir algerlega sannfærðir um það, búnir að heilaþvo sjálfa sig.

Ég tel nú, að ef svo væri, þá væru þessar vanskilaskuldir framkvæmda- og ábyrgðarmanna Icesave ekki búnar að setja hér allt á hvolf með sýnilegum afleiðingum í nútíð og ófyrirsjáanlegum hvað framtíðina varðar.

Hvað er búið beygja stóran hluta í slensku þjóðarinnar í þessu botnlausa rugli  - hve stór hluti fólks hér er komið á hnéin og reiðir fram fé sitt í algerri undirgefni til bjargar fjárglæfrafólkinu ? Einhver ? -  % ?

Ég veit allavega af einum - einn bloggarinn fullyrti í morgun að við þyrftuum að brjóta odd af oflæti okkar -  og greiða -  dapurleg fullyrðing kengbogins manns á hnjánum...  Þetta snýst ekki um oflæti - heldur heilbrigða skynsemi.

Eins og ég orða þetta og mun koma á framfæri víðar þá eru þessi hlutafélög,  s.s. Landsbankinn hf. og Kaupþing banki hf. sem störfuðu hér á markaði og eru í dag komin í alvarleg vanskil við erlenda viðskiptavini,  í eigu einstaklinga hér á Íslandi mér og fólkinu í landinu óviðkomandi. Viðskiptagjörningar þeirra, eignir og skuldir hafa verið og eru mér óviðkomandi. Þetta eru einfaldar staðreyndir .

Ráðamenn hafa ekki mitt umboð til að skuldsetja mig eða börn mín fyrir vanskilaskuldum þessara einstaklinga, enda samþykki ég það ekki.

Kveðja [e-mail]

[Katrín Snæhólm Baldursdóttir, 14.11.2008 kl. 10:17]

Tek undir hvert orð hjá þér Hákon. En heldur þú að ráðamenn munu spyrj a þig eða mig  áður en þeir skuldsetja okkur og niðja okkar??

I dont think so

[Magnús Geir Guðmundsson, 14.11.2008 kl. 10:27]

Ekki er nú alveg ljóst, frekar en svo margt annað, hvort þessir peningar hafa farið eitt eða neitt og ef Björgólfur segir satt, þá þurfa hvorki íslenskir skattborgarar eða breskir eigendur þessara innlána að hafa áhyggjur, eignir Landsbankans breska svo miklar! Og ef svo reynist, þá verðum við að vona að þær hafi ekki rýrnað svo mikið eða skroppið svo saman í bölvaðari frystigeymslunni hjá Tjallanum, en B sagði þær jú svo miklar að jafnvel helmingsrýrnun kæmi ekki í veg fyrir að málið gæti samt reddast!

Annars vil ég, sem ekki gerist nú oft, benda fólki á að lesa færslu vinkonu minnar Auðar H. Ingólfsdóttur um hvernig hugsanlega (já, Jenný mín) LAUSNIN gæti hugsanlega litið út

aingolfs.blog.is

Þú býrð til alvöruhlekk á þetta Jenný mín ef þér líst vel á.

Og svo þetta.

Jenný hún er kona keik,

þó krjúpi fyrir okinu.

Með Vendinum nú vill í sleik,

í víðáttunnarkokinu!?

[Hákon Jóhannesson (IP-tala skráð) 14.11.2008 kl. 10:57]

Katrín Snæhólm ...þú heldur ekki ...

Þú ert ekki alveg viss um hvort ráðmenn muni spyrja. Jarðbundið mat  - ályktun - byggð  á fyrri reynslu.

Þeim ber að spyrja. 

Ég svara: 

Það að ég gefi stjórnvöldum í dag mitt samþykki fyrir því að ég og börnin mín taki að okkur að greiða persónulega vanskilaskuldir einstaklinga út í bæ - er ekki inn í myndinni.

Ef það er niðurstaða stjórnvalda í dag, þá er það þvingun - kúgun - valdníðsla - sem hefur ekkert með "þjónustu við viðskiptavininn" að gera.

En finni hver fyrir sig réttu lýsingarorðin.

Ég vona svo sannarlega að fleiri og fleiri leggi af þrælslundina - sýnist það vera málið - þetta er að koma.  Kveðja Hákon

E.S. Mætum á Austurvöll á morgun :-)

[Steingerður Steinarsdóttir, 14.11.2008 kl. 11:20]

Þú hittir svo sannarlega naglann á höfuðið þarna.

[Ragnheiður , 14.11.2008 kl. 11:34]

Og samt gekk mér betur að "trúa" Björgúlfi en ríkisstjórninni...(how low can you sink ) Það segir mér að það er búið að ljúga of mikið að mér fyrst ég er farin að trúa sumum (sem eiga það væntanlega ekki skilið)

Kveðja til þín

[Socrates (IP-tala skráð) 14.11.2008 kl. 11:36]

Elsku Jenný, mér þykir miður að þér þyki ég ekki skemmtilegur.

 Þú ættir að skella þér í smá sjálfsskoðun því skv. öllum færslum þínum síðustu mánuði þá má með fullri vissu segja að þú fallir í hóp þess fólks: SEM LÍÐUR BEST ILLA.  Why?

Ég held þú hafir kannski bara of mikinn tíma, þú ættir kannski að tékka á vinnumarkaðnum aðeins í stað þess að gráta stöðugt eins og stunginn grís.

Anyway, skoðaðu þetta.

Góðar stundir

[Ásthildur Cesil Þórðardóttir, 14.11.2008 kl. 11:45]

Sammála þér Jenný og ykkur hér sem hugsið á sama hátt.  Hingað og ekki lengra. 

[Ben.Ax. (Benedikt Jóhannes Axelsson), 14.11.2008 kl. 11:50]

Ég hef tekið þann kúrs í hæðina að trúa öllum. Sérstaklega þeim sem ég veit að eru að segja ósatt.

[Heiða B. Heiðars, 14.11.2008 kl. 12:01]

Úff ég veit ekki hvar ég á að byrja......

Best að hafa þetta stutt og laggot... Hákon, frábær...Socrates..not so much :)

[Jenný Anna Baldursdóttir, 14.11.2008 kl. 12:08]

Takk öll.

Sókrates: Ég hef ákveðið að láta mér ekki sárna gasprið í þér þar sem ég reikna með að þú þekkir ekki til minna aðstæðna.  Stundum er best að þegja.

[Jenný Anna Baldursdóttir, 14.11.2008 kl. 12:25]

Magnús Geir: Hahahaha, takk fyrir vísuna.  Ég tékka á Auði.

[Þorgeir Ragnarsson (IP-tala skráð) 14.11.2008 kl. 12:29]

Þó ábyrgð yfirvalda og eftirlitsstofnana sé mikil þá eru það fyrst og fremst bankarnir og auðmennirnir sem eiga sökina. Þeir vissu hvað þeir voru að gera og þeir eiga að hanga fyrir það.