Ætlarðu að giftast´onum?

Varð að setja inn eitthvað sætt fyrir svefninn.

Hér eru Jenný Una og mamma hennar svo kjút.

Jenný var að byrja á Laufásborg sem heyrir undir Hjallastefnuna hennar Möggu Pálu vinkonu minnar og ég er svo glöð yfir því og barnið er yfir sig hamingjusamt með nýja skólann.

Ekki að hún hafi verið neitt óhamingjusöm með gamla leikskólann, hún hefur bara orðið enn hamingjusamari eða hamsingjusamari eins og hún segir sjálf.

Svo á hún tvær vinkonur sem eru rúmum tveimur árum eldri og hún leikur mikið með heima og hún er svolítið að herma talsmátann frá þeim.  Svo hryllilega dúllulegt.

Dæmi:

Mamman (þegar snjóaði um daginn): Jenný sjáðu hvað snjórinn er dásamlegur, svo hvítur og ferskur.

Jenný: Ésérðaalveg, en ertu skotin í snjónum mamma? (Hér fygldi á eftir tryllingslegt stelpufliss).

Mamman: Skotin í snjónum, hvað meinarðu?

Jenný ( enn á flissinu): Já ertu kannski skotin íonum, ætlarðu að giftast´onum?

Þetta er hin svo kallaða forgelgja.

Og í gær við ömmuna:

Jenný: Amma, það þarf að passa smáböddn mjög vel svo þau meiði sig ekki.

Amman: Já alveg rétt, lítil börn geta meitt sig ef maður lítur ekki stöðugt eftir þeim.

Jenný: Já og ef þau borða kannski nammi frá stóru systur sín þá geta þau kyrkst og deyjið ef ÉG missi nammið á gólfið.

Það var þá sem ég áttaði mig á því að varnaðarorð móður og föður um að henda engu á gólfið þar sem Hrafn Óli athafnar sig helst, hafa komist vel til skila.

Aðeins of vel kannski, ekki þar fyrir að líflegt ímyndunarrafl Jennýjar Unu bætir í þar sem dramatíkina skortir.

Svolítið lík ömmu sinni stúlkan.

En þessi litla gólfsuga kemur í fyrramálið og ætlar að halda ömmu sinni selskap.

Þessi ungi maður er alltaf í góðu skapi, svei mér þá.

Lífið er bærilegt finnst mér.

Athugasemdir

[Brynja skordal, 11.11.2008 kl. 21:42]

 þessi aldur er svo skemmtilegur svo miklar pælingar og alltaf að upplifa eitthvað nýtt yndisleg hún nafna þín litla og hugsar vel um litla bróðir Góða skemmtun með litlu gólfsugunni í fyrramálið góða nótt mín kæra

[Sólveig Kristín Gunnarsdóttir, 11.11.2008 kl. 21:46]

En ædisleg barnabørn thú átt. Lífid getur ekki annad en verid gott, thegar madur á fjølskyldu sem madur elskar. Svo eru audvitad adrir hlutir sem gera thad minna bærilegt. Hafdu thad gott. kk. frá dk.

[Tína, 11.11.2008 kl. 21:59]

Lífið er æðislegt Jenný................ þrátt fyrir allt. En úfffff hvað mig er nú farið að langa að hitta hana nöfnu þína. Mér finnst svo endalaust skemmtilegt sem dettur upp úr henni.

Knús á þig yndisleg og til hamingju með að eiga svona fallega fjölskyldu.

[Sigrún Jónsdóttir, 11.11.2008 kl. 22:15]

"Forgelgjualdurinn" enn eitt nýyrðið úr orðaforða Jennýjar Önnu.

Jenný Una er krútt

[Helga Magnúsdóttir, 11.11.2008 kl. 22:19]

Þessi stelpa er vitanlega gargandi snilld eins og "ammasín". Þetta eru ekkert smásæt systkini.

[Eyrún Gísladóttir, 11.11.2008 kl. 22:26]

Þarna liggur mesti fjársjóðurinn okkar í fjölskilduni okkar.

Krúttukrakkarsem þú átt.

[Ásdís Sigurðardóttir, 11.11.2008 kl. 23:24]

Þessi daman hún Jenný er óborganleg.  Knús á þig og þína og njóttu barnanna á morgun

[Jóna Á. Gísladóttir, 11.11.2008 kl. 23:31]

ohohohoho nú hló ég. Já það er eins gott að enginn kyrkst og deyið. Svo er þetta líka svo góð ástæða til að halda fast og vel utan um nammið sitt.

[Kristín Katla Árnadóttir, 11.11.2008 kl. 23:42]

Hún er yndisleg eins og amma hennar góða nótt Jenný  mín.