Illugi er með´etta

Allt sem maður heyrir ótrúlegt þessa dagana og vikurnar virðist hafa þá tilhneigingu að reynast vera satt.  Að minnsta kosti ansi margt.

Ég hef velt því mikið fyrir mér hvers vegna Geir Haarde er svona dedd á því að halda Davíð í Seðlabanka.  Þrátt fyrir að landið, miðin, löndin og álfurnar vilji hann frá.

Ég var að velta fyrir mér hvort Dabbi hefði eitthvað á Geir, en mér fannst það ótrúlegt af því Geir er ógeðslega streit náungi og ekki líklegur til að vera með eitthvað hanky panky í pólitískum eða persónulegum skilningi.

Svo datt mér í hug að ástæðan gæti verið einhver Frímúrarabinding, að þeir hefðu gengið í klíkubandalag á sellufundi þar, hvað veit maður.  Ég var farin að hallast á  eitthvað svona Bræðraband í þessari endalausu undrun minni á langlundargeði Geirs sem jafnvel hefur logið eins og sprúttsali hvað eftir annað, að fjölmiðlum sko.

Og svona er ég búin að fabúlera um Geir og Dabba bandalagið alveg út í eitt.

En nú hefur Illugi komið með skýringu sem mér sýnist muni vera sönn.

Gvöð hjálpi okkur öllum.

Eða hvað?

Athugasemdir

[Sigrún Jónsdóttir, 4.11.2008 kl. 16:31]

Vá, Sjálfstæðisflokkur þríklofinn,  Davíðsarmur, Geirsarmur og Þorgerðar Katrínar armur....hvernig ætli skiptingin yrði svo úr þessum ca. 20%, sem enn segjast styðja "flokkinn"?

[M, 4.11.2008 kl. 17:22]

Hann Davíð er auðvitað svo veruleikafirrtur og heldur að hann sé endalaust vinsæll, sama hvað hann skítur á sig.

Er búin að fá upp í kok á spillingunni í þessu landi

[Lilja Guðrún Þorvaldsdóttir, 4.11.2008 kl. 17:27]

Þetta er einum of "klikkað" til að vera satt hjá honum Illuga, og því er hættan sú að þetta sé satt. - Enda fer Illugi sjaldnast með fleipur.

   Og það sem meira er,  hann er þekktur fyrir að vera hárbeittur penni og stinga á kýlum þjóðfélagsins, jafnframt því sem hann aflar sér heimilda og sannleiksgildi þess sem hann fjallar um, áður en hann sendir það frá sér. - 

[Greta Björg Úlfsdóttir, 4.11.2008 kl. 17:38]

Dabbi að stofna nýjan flokk, - verða nokkrir í honum nema hann og klíkan hans. Sem virðist þó ótrúlega fjölmenn?

Geir er ótrúlega vandræðalegur þessa dagana, eins og hann viti ekkert í hvorn fótinn hann á að stíga.

Þorgerður á útopnu með stressið eins og blikkandi jólaseríu í kringum sig. 

Samfylkingin plottar og firrir sig ábyrgð á öðrun en tilteknum hlutum stjórnarsamstarfsins.

Þvílík ríkisstjórn. Þvílík endemis vitleysa.

Og útrásarhausaveiðararnir á fullu að gefa "góð" í fjölmiðlum. Svei og aftur svei!

[Greta Björg Úlfsdóttir, 4.11.2008 kl. 17:39]

"góð" ráð, átti þetta að vera.

Held ég leggi mig aftur fram að fréttum.

[Jóhanna Ragnarsdóttir (IP-tala skráð) 4.11.2008 kl. 18:06]

Barnið sagði

"Mamma, mikið er ég fegin að lygin er til .

Ha??? segir mamman

jú hugsaðu þér ef allt sem við heyrum  væri satt"

manni verður oft hugsað til þessara orða undanfarna daga

kveðja 

ókunn Jóhanna Ragnars. 

[Ingibjörg Hinriksdóttir, 4.11.2008 kl. 21:52]

Það er örugglega eitthvað til í þessu hjá Illuga, hann hefur oft hitt naglann á höfuðið og því ekki núna? Þú hefur sjálfsagt líka hitt naglann á höfuðið með tilgátunni um þá reglubræður. Davíðsarmur í íhaldsflokknum er ótrúlega sterkur en ég hef trú á því að Geir langi til að slíta sig frá þeim armi og sýna fram á að hann geti stýrt flokknum án afskipta frá Davíð. Seðlabankastjóri vill það hins vegar ekki og þess vegna er þessi pattstaða komin upp.

Hitt er svo annað mál að mér sýnist varaformaðurinn vera farin að gera sig líklega til að taka við flokknum og fv. bæjarstjóri í Mosó gekk fram fyrir skjöldu með henni í dag. Ég er þó ekki viss um vangaveltur Sigrúnar Jónsdóttur hér að ofan um þrískiptan flokk, Geir mun ekki láta það verða og taka afstöðu með eða móti Davíð.

[Birna Dis Vilbertsdóttir (IP-tala skráð) 4.11.2008 kl. 22:03]

Þarf ekki nokkra til að geta kallast flokkur.Vitið  þið um einhvern annan en Hannes Hólmstein sem mundi fylgja honum?Ekki ég.

[Greta Björg Úlfsdóttir, 4.11.2008 kl. 22:06]

Baldur Guðlaugsson, Kjartan Gunnarsson,...fleiri...?

Þá eru alla vega komnir þrír!

[Jóhanna Magnúsar- og Völudóttir , 4.11.2008 kl. 22:18]

Það er fullt af fólki sem er undir Davíðsregnhlífinni, ótrúlegt en satt.

[Greta Björg Úlfsdóttir, 4.11.2008 kl. 22:50]

Já, kallinn hefur komið ár sinni vel fyrir borð, enda búinn að hafa til þess gott næði.

[Ásdís Sigurðardóttir, 4.11.2008 kl. 22:54]

Ekki kem ég til með að kjósa Dabba svo mikið er víst

[Greta Björg Úlfsdóttir, 4.11.2008 kl. 23:08]

En ef hann stofnaði nýjan flokk yrði hann að sleppa Seðlabankanum...ekki er hann að vasast í pólitík (svona opinberlega, meina ég) á sama tíma, annars svosem aldrei að vita hvað honum dettur í hug í því sambandi...kannski væri bara fínt að kallinn stofnaði flokk og skítfélli svo í kosningum...he, he,... bara sona að bulla...

[Lára Hanna Einarsdóttir, 4.11.2008 kl. 23:52]

Einhvern veginn get ég ekki ímyndað mér að fólk flykki sér í kringum Davíð fyrir utan örfáa sem trúa á hann eins og guð almáttugan - eða þá sem hann hefur eitthvað á.

[Axel Jóhann Hallgrímsson, 5.11.2008 kl. 00:26]

Ég held Davíð yrði meira ágengt en menn grunar, þótt ekki verði neinn stórsigur. Það er nefnilega ótrúlegt hvað flugurnar sækja í skítinn.

[Nína S (IP-tala skráð) 5.11.2008 kl. 00:47]

Sé þessi sögusögn sem Illugi hefur heyrt sönn, þá finnst mér að Davíð ætti nú bara að fara á elliheimili, allavega í þjónustuíbúðir fyrir aldraða, og sé það satt að hann hafi hótað Geir að kljúfa flokkinn, þá hlýtur Geir að þurfa að fara til augnlæknis til að láta athuga sjónina, því flokkurinn er þegar farin að klofna í allar áttir vegna ósættis meðal flokksmanna um það hvernig haldið er á málum. Og það mikilvægasta sem við megum ekki gleyma; þó við sem eldri erum munum vel eftir Davíð á hans blómatíma, þá er fjöldi ungs fólks sem gengur að kjörborðinu í næstu kosningum sem ég tel að sé ekkert að pæla í að fá Davíð upp á dekk í stjórnmálin. Unga fólkið hugsar sitt og er oft mjög skynsamt, ekki satt?

[Greta Björg Úlfsdóttir, 5.11.2008 kl. 11:39]

Það er sorglegt að horfa upp á þetta fyrir þá sem muna Davíð á sínu blómskeiði, þó svo ég hafi aldrei aðhyllst stefnu hans, - maðurinn er orðinn sjúklingur, tillaga þín er því miður ekki svo fjarri lagi Nína.

Þeim mun sorglegra finnst mér þetta vegna þess að konan hans var bekkjarsystir mín í menntaskóla og ljúfari manneskju finnur maður ekki. Mér verður hugsað til hvernig henni muni líða í þessari orrahríð allri. Hún stendur með sínum manni gegnum þykkt og þunnt, en hefur aldrei úttalað sig um pólitík, mér vitanlega.

Guðrún Agnarsdóttir og Ástríður eru systradætur ef mig misminnir ekki og allir þekkja yfirvegað fas þeirrar konu, sem til greina kom að kjósa sem forseta. Kannski hefðum við betur valið hana en ÓRG.