Edo - edo - edo

Þessi færsla er bömmerjöfnun.

Það sem heldur í mér sönsunum þessa dagana eru bækurnar mínar og Hrafn Óli Eriksson, sem ég hef fengið að vera með fyrir hádegi þessa vikuna.

Það er tæpast til betri félagsskapur en barnanna (á öllum aldri auðvitað).

Í morgun lékum við okkur all svakalega mikið við Lilleman.

Hann gengur með öllu og hermir eftir hverju hljóði sem hann heyrir.

Svo trommar hann, eins og pabbinn auðvitað og lemur í allt sem hann kemur nálægt.

Svo kom pabbinn að ná í barn og sá stutti brosti út að eyrum, sem hann gerir reyndar alltaf, afskaplega glaðsinna þessi drengur, eins og hin þrjú barnabörnin reyndar líka.

Pabbinn sagði:

"Lilleman, säg hej då til mormor".

Og litla skottið sagði, "edo, edo, edo og var enn að þegar hann var kominn út að bíl.

Ég var í heví krúttkrampa lengi á eftir.

Lífið er dásamlegt.

Ójá.

Athugasemdir

[Brynja skordal, 30.10.2008 kl. 13:36]

Krúttfærsla Awww fallegur Gullmoli

[Sunna Dóra Möller, 30.10.2008 kl. 13:43]

..það er nauðsynlegt að bömmerjafna, þetta er frábær leið til þess !

[Magnús Geir Guðmundsson, 30.10.2008 kl. 14:03]

Hann er glaðsinna já og brosir út að eyrum, sem hin þrjú barnabörnin gera líka! Ertu þðá að segja, að þau líkist ömmu Jenfo ekki svo mikið!?

Með stríðnisglotti kveðjum vér yður frú jennýpenný!

[Laufey B Waage, 30.10.2008 kl. 14:31]

Já lífið er dásamlegt, þegar maður á í samskiptum við ömmubörnin.

[Jóna Á. Gísladóttir, 30.10.2008 kl. 15:05]

Er barnið orðið svona stórt?? Hann fæddist bara í síðasta mánuði...

þessi mynd er artí. Hún er svakalegt krútt, þ.e. myndin, en hún er líka alveg sérlega flott. Hver tók?

[Elísabet Sigurðardóttir, 30.10.2008 kl. 15:07]

Litla sæta krúttið sem þú átt.  Yndislegur.

Hafðu góðan dag í góða veðrinu.  

[Kristín Katla Árnadóttir, 30.10.2008 kl. 15:22]

[Hildur Helga Sigurðardóttir, 30.10.2008 kl. 15:42]

Mikið svakalega er barnið sætt  -og þú heppinn að eiga svona lítinn gleðigjafa innan seilingar.

Megi "Edoið" vera með okkur öllum.

[Linda Linnet Hilmarsdóttir, 30.10.2008 kl. 15:49]

Knús knús og bestu kveðjur

[Dísa Dóra, 30.10.2008 kl. 16:19]

Þetta er algjör krúttmoli

[Guðrún B. (IP-tala skráð) 30.10.2008 kl. 16:42]

OMG.. dúllurass.

[Sigrún Jónsdóttir, 30.10.2008 kl. 17:29]

Yndislega flottur strákur

[Jenný Anna Baldursdóttir, 30.10.2008 kl. 17:33]

Takk öll fyrir fallegar kveðjur.

Jóna: Sara tók þessa mynd af prinsinum.  Hann er dúlla.

Magnús Geir: Amman er alltaf glöð, alltaf góð og alltaf að skiptast á.