Vinir í raun

Á ögurstundu kemst fólk gjarnan að því hverjir eru vinir í raun.

Flestir, ef ekki allir hafa staðið frammi fyrir því að þurfa á alvöru vinum að halda og ég er þar engin undantekning.

Mín reynsla er sú að það megi skipta "vinagenginu" í fjóra flokka.

1. Vinirnir sem gefa ekki einungis skít í þig á örlagastundu heldur sparka í þig liggjandi. 

2. Þeir sem hlaupa af stað og það má lesa greinilega skónúmerið undir skónum þeirra.  Þeir hverfa og sjást ekki meir. 

3. Þeir sem ætla að hjálpa, bráðum að uppfylltum skilyrðum - seinna, oft miklu seinna.

4. Sjaldgæfi hópurinn en sá dýrmætasti sýnir þér vináttuna í verki án þess að býsnast mikið yfir því hvað þá að hreykja sér af því.

Það má flokka "vinaþjóðir" Íslendinga í þetta bókhaldskerfi og það auðveldlega.

Í byrjun október þegar allt hrundi fengum við í kaupbæti með krísunni það sjaldgæfa tækifæri að komast að því hverjir eru vinir okkar meðal svo kallaðra vinaþjóða.

Í dag er það ein þjóð sem er óumdeilanlega vinaþjóð í raun.  Færeyingar eru einfaldlega þeir einu sem tilheyra flokki fjögur.

Allir vita hvar Bretarnir standa.

Kanarnir, mér sýnist þeir nota skó númer 66.

Norðurlandaþjóðirnar eru hér sýnist mér í þriðja lið, hummandi og hóstandi.  Þeir vilja hjálpa, við erum frændur, við elskum ykkur en... við viljum ekki fordæma Breta fyrir hryðjuverkastimpilinn.  Við viljum heldur ekki snara út peningum fyrr en við erum búnir að hlusta á Alþjóða gjaldeyrissjóðinn.

Gulltryggðir í bak og fyrir.

Ég gef ekki afturenda fyrir svoleiðis vináttu.

Geir Haarde sagðist hafa orðið fyrir vonbrigðum með að Norðurlöndin hafi ekki strax lýst því yfir að þeir ætluðu að koma okkur til aðstoðar.

Ég skil Geir afskaplega vel þarna.

Og hvað sem annars má segja um forsætisráðherrann og hans pólitík þá verð ég að viðurkenna að hann á alla mína samúð þessa dagana.  Að ganga um með einhverskonar betlistaf meðal "vinaþjóða" er ekki öfundsvert verkefni.

Svo minni ég á undirskriftalistann; "Við erum ekki hryðjuverkamenn."  Nú ríður á að skrifa nafnið sitt og vera með.  HÉRNA.

Takk Færeyjar.  Skelfilega hlýjar þetta mér um hjartaræturnar.

Siðferðileg skylda að hjálpa

Athugasemdir

[Hrönn Sigurðardóttir, 29.10.2008 kl. 09:15]

Ég verð að segja að mér leið eins og drukknandi konu þegar Færeyingar fleygðu til mín kút!

Ég lofa samt ekki að hætta að flissa að því hvernig þeir tala - enda eru þeir dásamlegir.

Takk Færeyjar. 

[Ía Jóhannsdóttir, 29.10.2008 kl. 09:22]

Færeyingar komu mér ekkert að óvart.  Þeir hafa alltaf staðið með okkur í gegn um súrt og sætt þrátt fyrir að við höfum næstum alltaf gert pínu grín af þeim. 

Ég held það vanti eitt 6 í skóstærðina sem Kanarnir nota Jenný mín.

Góð samantekkt svona í morgunsárið.  Góðan dag!

[gaius (IP-tala skráð) 29.10.2008 kl. 09:35]

Innilega sammála þessum pistli. Gott að sem flestir láti í sér heyra um hversu vinarhugur Færeyinga og rausnarskapur er mikils metinn.

[ASE (IP-tala skráð) 29.10.2008 kl. 10:41]

Heyr, heyr

Tek undir hvert orð. Færeyingar hafa enn og aftur sannað sig gagnvart okkur Íslendingum, skemmst er að minnast hvernig þeir komu til aðstoðar þegar snjóflóðin voru á Vestfjörðunum 1996-7.

Því miður held ég að við höfum hingað til ekki metið þá sem skyldi. Legg til að nú verði gerð bragarbót þar á :-)

Tek svo undir með Gaius, látum heyrast hversu mikils við metum þetta framlag Færeyinga. Ekki einhver Færeysk bloggsíða sem við getum skráð nöfn okkar á? Eða dagblað? Ekki einhver sem þekkir til í Færeyjum og getur komið með hugmynd?

[Hólmdís Hjartardóttir, 29.10.2008 kl. 11:14]

Já þeir eru sannir vinir Færeyingar og vonandi getum við látið þá njóta þess.

Sil vel Norðurlandaþjóðirna að hiksta áður en þeir setja peninga í hítina en þeir munu hjálpa okkur.

Nei Geir er ekkert öfundaverður.....fjarstýrður ofan úr Svörtuloftum.

[María Guðmundsdóttir, 29.10.2008 kl. 11:31]

já er thad ekki alltaf thannig ad thegar á reynir sér madur hverjir eru sannir vinir, mikid flott og gott framtak hjá FRÆNDUM okkar færeyingum og já,væri gaman ef vid gætum sýnt thad i verki einhvernveginn svo thad yrdi theim sýnilegt ad thjódin kann ad meta thetta.

[Ásdís Sigurðardóttir, 29.10.2008 kl. 11:50]

Færeyingar eru yndisleg þjóð ekki spurning, sá er sko vinur sem í raun reynist.  Sammála þér 100% með þessa vinagreiningu, það hefur reynt á það í gegnum tíðina.  Kær kveðja inn í daginn þinn

[GAIUS (IP-tala skráð) 29.10.2008 kl. 11:58]

Hér eru slóðir þar sem hægt er að þakka Færeyingum og fjölmargir Íslendingar munu þegar hafa gert það:

Netfangið hjá Dimmalætting er: [e-mail] og hjá Lögþinginu: [e-mail]

[Hulla Dan, 29.10.2008 kl. 12:11]

[alva (IP-tala skráð) 29.10.2008 kl. 13:07]

Flott vinagreining, alveg svaðalega sönn.

[Jónína Dúadóttir, 29.10.2008 kl. 13:15]

Færeyingar eru og hafa alltaf verið, langflottastir ! Ég þarf að vera innskráð til að komast á þessar síður til að geta þakkað þeim...

[Lísa Björk Ingólfsdóttir, 29.10.2008 kl. 13:52]

Þetta er sko alveg nákvæmlega eins og talað úr mínum munni Jenný.  Þetta var það þjóðarkrúttulegasta og vinsamlegasta atvik sem við litla sokkna vogunarsjóðsþjóðin höfum orðið vitni að lengi.  Litli bró er til í að selja báðar rollurnar sínar til að hjálpa stóra bró.  Ef það er ekki vinskapur þá er vinskapur ekki til.  Annars er með sorglegt hvað "vinur í raun" er orðið sjaldgæft fyrirbæri..............

Færeyjingar eru stórasta þjóð í heimi.

[ASE (IP-tala skráð) 29.10.2008 kl. 15:27]

Takk Gaius.  Ætla að senda þeim póst um hæl og hvet sem flesta til hins sama.

[Birna Dis Vilbertsdóttir (IP-tala skráð) 29.10.2008 kl. 16:18]

Ég þekki allt of vel 1-2 og 3.En Færeyingar eru flottir.Þekki nokkra og eru þeir frábært fólk.

[Valgerður Sigurðardóttir, 29.10.2008 kl. 16:20]

Skil þetta vel, alveg rétt. Mikið óskaplega var þetta sætt af Færeyingunum

[Hagbarður, 29.10.2008 kl. 16:27]

Ég held að þetta sé einhverskonar "meðvirknisviðbrögð" hjá þér varðandi Norðurlandaþjóðirnar og kannski aðra sem hafa boðist til að reyna að koma okkur á lappirnar aftur. Þetta er ekki ósvipað hjá okkur og þegar einhver er búinn að dópa og drekka í marga mánuði og búinn að missa allt og ætlar síðan að leita á náðir ættingjanna til að fá aur til að koma undir sig fótunum aftur. Mætir í fjölskylduboðið vatnsgreiddur og til í að hefja nýtt líf. Ekki skrítið að einhverjum skuli detta í hug að meðferð á Vogi væri kannski það besta sem hægt væri að gera. Þetta held ég að sé því miður staðan sem við erum búin að koma okkur í. Við verðum að hefja meðferðina áður en að við getum farið að slá hjá vinum og ættingjum.

[Alla (IP-tala skráð) 29.10.2008 kl. 18:59]

Færeyjar eru STÓRASTA eyjan í öllum heiminum