Skrifað af hrúgu manna

Það var reynt að innræta mér virðingu fyrir áktoriteti.

Það tókst ágætlega og lengi vel hneigði ég mig átómatískt ef ég sá menn í búningum. 

Löggur, dómarar og fógetar (já og skipstjórar) fengu mig til að fara á hnén (í huganum).

Síðan hefur þetta rugl rjátlast af mér og nú orðið ber ég virðingu fyrir þeim sem mér finnst eiga það skilið.

Það er allur gangur á þessu hjá mér enda skiptir það engan máli nema sjálfa mig.

Menn úti í bæ eru ekkert í heita pottinum í laugunum á klíkufundum alveg: Ætli Jenný Anna Baldursdóttir beri virðingu fyrir mér núna eftir að ég klúðraði sóandsóbankanum og laug í fjölmiðla?  Ætli hún sé sár út í okkur fyrir að hafa verið að taka út háar summur rétt áður en allt féll?  Ha?  Er von um fyrirgefningu hjá konunni haldiði strákar?  Halló  frú mikilvæg.is komdu niður á jörðina. 

Ég held að þeir séu að tala um rjúpnaveiðar, nýjasta plottið nú eða minnkandi séns í stelpurnar eftir að einkaþoturnar hófu að hrynja af þeim og samdráttur kom í bílífið.

En hver er skúrkur og hver er ekki skúrkur?

Eru menn kannski bæði skúrkar og ekki skúrkar í dásamlegri blöndu?

Getur Davíð til dæmis verið ekki skúrkur í samskiptum við ritarann sinn en algjör skúrkur við Björgólf Thór?  Hreinlega logið upp á drenginn?

Er Björgólfur Thór kannski bölvaður lygari við Kompás en algjörlega heiðarlegur við húshjálpina, lyftuvörðinn og garðyrkjumanninn?

Nú eða v.v.

Ekkert er svart hvítt lengur.  Af hverju er friggings lífið ekki eins og ævintýri?

Allt í tjóni frá fyrstu blaðsíðu fram á þá næstsíðustu.

Þá eru skúrkarnir brenndir á báli, kastað í sjóinn eða sendir í útlegð og svo fara allir hinir í sleik og lifa hamingjusamir til æviloka.

Hver er að ljúga hérna?

Dabbi eða BjörgólfurThór?

Damn, damn, damn, hvað ég orðin þreytt á að lifa í geðveikri glæpasögu með engum endi skrifaða af hrúgu manna með Munchausen heilkennið.

Adjö!

Seðlabanki andmælir Björgólfi

Athugasemdir

[Jakobína Ingunn Ólafsdóttir, 27.10.2008 kl. 17:54]

Eftir allt klúðrið sem undan er gengið held ég að þetta fólk eigi ekki að vera að sýsla með peninga. Kann ekkert á það. Eru barnalegir og kenna hinum um.

[Guðrún (IP-tala skráð) 27.10.2008 kl. 17:55]

Ég held að Seðlabanki geti varla logið þessu. Því miður þá eru þessir menn ekki trúverðugir, og það held ég að Bretinn hafi verið búin að komast að. Því miður þá sást það með sjóðina hjá fólki hvað þessir herrar gengu langt

[Greta Björg Úlfsdóttir, 27.10.2008 kl. 18:31]

Yndisleg færsla, Jenný krútt.

Var ekki Hitler rosa barngóður og duglegur að klappa þeim á kollinn, kurteisin uppmáluð við mæður þeirra? Minnir að hafa lesið það einhvers staðar.

Æ, þetta er allt svo skrítið.

[Greta Björg Úlfsdóttir, 27.10.2008 kl. 18:36]

Ég er núna að endurlesa ævintýrið um Snædrottninguna eftir H.C. Andersen (helsta athvarf mitt þessa dagana), þar sem segir frá spegli skrattans sem afskræmdi allt á versta veg. Árarnir ætluðu með spegilinn upp í himnaríki og láta englana spegla sig í honum. En á leiðinni brotnaði spegillinn í þúsundir mola sem dreifðust yfir jörðina og stungust inn í augu mannanna svo þeir sáu allt bjagað og inn í hjörtu þeirra svo þau urðu að ís.

[Guðríður Hrefna Haraldsdóttir, 27.10.2008 kl. 18:57]

Get bara ekki beðið eftir því að lesa opinskáar ævisögur og sögubækur eftir svona 10 ár! Þá hlýtur allt að koma upp á yfirborðið. Þangað til langar mig að setja á pásu! Nenni ekki kreppu ...

[Lísa Björk Ingólfsdóttir, 27.10.2008 kl. 19:09]

Þú ert yndisleg Jenný - svei mér ef þú gerir kreppuna ekki bara að ævintýri.  Maður á að bera virðingu fyrir sjálfum sér - aðrir verða að vinna til hennar the hard way. Maður veit ekkert í dag hver lýgur og hver ekki, hverju er logið og hverju ekki.....  Á ekki hver þessara auðmanna um sig eigin miðil þar sem þeir geta blásið sig fína?  Þetta er allt orðið einsog risastór hnykilbrandari sem stækkar og stækkar - nema að þetta er enginn brandari.........

[Gunnar Hrafn Jónsson (IP-tala skráð) 27.10.2008 kl. 19:32]

Maður hefur nú alveg þekkt fólk á lífsleiðinni sem maður veit eða frétti seinna að kæmi fram við annað fólk eins og skepnur. Fólk er ótrúlega mismunandi eftir því við hvern það er að tala, stundum geta verstu óþokkar komið ágætlega fyrir og jafnvel verið hvers manns hugljúfi í fjölskylduboðum og þvílíka.

[Ásdís Sigurðardóttir, 27.10.2008 kl. 19:44]

Maður trúir sko engum núorðið.

[Helga Magnúsdóttir, 27.10.2008 kl. 20:31]

Ég trúi öllu illu upp á Dabba. Svo er það þetta með virðinguna. Ég hef ekki borið jafnmikla virðingu fyrir nokkrum manni og skipstjóra nokkrum. Hann var ekki í úniformi heldur gallabuxum og lopapeysu með sixpensara. Ég elska hann samt.

[Sigrún Jónsdóttir, 27.10.2008 kl. 20:34]

Þegar stofnun eins og SÍ er komin í vörn er frontið farið að klikka og þá fer all af stað....

[Ásthildur Cesil Þórðardóttir, 27.10.2008 kl. 21:21]

Það er nokkuð ljóst eftir að hafa hlustað á viðtalið við Björgúlf, að við eigum handónýtt lið við að stjórna peningamálum, og landinu.  Þetta fólk þarf að fara burtu STRAX.  Það er ólýsanlegt klúður hjá þeim, að bregðast ekki við, til bjargar íslenskri þjóð, þegar bretar ætluðu að koma að málinu.  Ótrúlegt klúður.  Og mönnum var hreinlega ekki svarað.  Þvílíkur djöf..... asna-og þumbaragangur, þessa menn ætti að taka og setja í fangelsi strax, og leyfa nýjum aðiljum að reisa landið við.  Þeir eru EKKI færir um það.  Það er á hreinu.  Skil ekki hvernig Geir Haarde of Björgvin Sigurðsson ætla að sýna smettið á sér fyrir framan alþjóð eftir þetta viðtal.

[Greta Björg Úlfsdóttir, 27.10.2008 kl. 22:32]

Svo er að sjá sem Björgólfur sé hvítþveginn engill eftir þennan þátt ...

[Linda litla, 27.10.2008 kl. 22:43]

ég er alveg hætt að fylgjast með þessu, ég botna ekkert í þessu og ef að ég skil eitthvað´, þá gerir það mig bara reiða.

[Birna Dis Vilbertsdóttir (IP-tala skráð) 27.10.2008 kl. 23:07]

ALLIR SAKLEYSIÐ UPPMÁLAÐ.Fussum svei.----------

Minn maður á búning