Úje og klár í bátana

 

Er enginn endir á skelfingarfréttum eða hvað?

Látum vera þó hér stefni í sögulegan fjölda atvinnulausra.

Eða stórkostlegt eignatap borgaranna.

Nú eða hrun banka og annarra fyrirtækja.

Við munum lifa þetta af vegna þess að við eigum ekki val um annað.

En mér finnst þetta gengið helvíti langt ef sígarettur og Prins Póló verða út úr mynd.

Í B.S.R.B. verkfallinu 1985 féll samstaðan á sígóinu.

Ókei, smá ýkjur en ég var ein af þeim sem var orðin ansi léleg í baráttunni þegar ég sá að stefndi í algjöra þurrð.

Verð að játa að sterkari á svellinu var ég nú ekki.  Hefði samið upp á hvað sem er hefði það verið á mínu færi, sem það var sem betur fer ekki.

Þá reykti ég allt sem að kjafti kom, eins og Lucky Strike (sem var afskaplega vel við hæfi), Pall Mall og Chesterfield ef það hefði verið enn á markaði.

Núna hins vegar, er ég orðin svo pen í reykingunum. 

Ég treysti mér alveg til að fara á úðann ef allt um þrýtur.

En Prinsinn maður lifandi, á að ganga endanlega frá manni?

Annars er Prins Póló nútímans lélegur brandari.  Það er ekki líkt eðalprinsinum sem við borðuðum í æsku minni.

Ég skal samt segja ykkur það að ég er að fokka í ykkur með Prinsinn.  Borða ekki súkk.  Einfalt mál.

Möguleg brennivínsþurrð kemur ekki við mig enda meðferðuð upp að eyrum.

Rjúpurnar heyra sögunni til - ekki hægt að kreppa þær af diski vorum við hirðina.

Hugs, flett, flett, hvað er hægt að taka af manni meira en orðið er?

En mikið skelfing vildi ég óska að það væri bara verkfall í gangi og það yrði samið innan tíðar og allt gæti farið í sitt venjulega horf.

Því miður þá erum við ekki svo heppin gott fólk.

En til að hressa ykkur við krúttin mín þá lesið ÞETTA.

Stundum talar fólk alveg fyrir mína hönd og annarra án þess að hafa hugmynd um það.

Sé ykkur í boðinu.

Úje og klár í bátana.

Prins Polo á þrotum?

Athugasemdir

[Heiða B. Heiðars, 27.10.2008 kl. 13:14]

omg!!! Farin að kaupa bílfarma af prins pólo.................og sígó

[Ragnheiður Arna Magnúsdóttir (IP-tala skráð) 27.10.2008 kl. 13:14]

Ég myndi gráta Prinsinn ef hann væri enn í álpappírnum!!

[Helga Dóra, 27.10.2008 kl. 13:21]

Græt hvorki Prins né sígó.... Reyki semsagt ekki, borða ekki sykurinn eða hveitið í Prinsinum svo að ég er í góðum málum..

[Brjánn Guðjónsson, 27.10.2008 kl. 13:50]

alltílæ, ég reyki ekki Prince

[alva (IP-tala skráð) 27.10.2008 kl. 13:53]

hahaha þegar ég var að hætta að reykja þá var ýmisslegt prófað, en það lá við ferð á spítalann þegar ég prófaði nefúðann. Hjoooo, ég hélt hreinlega að nefið væri að brenna af andlitinu á mér.

Gamla prinsið hvað ég sakna þess...þétt undir tönn.

En vóóó, í verkfallinu þá var ýmisslegt brallað til að fá reyk, úff, við gengum um og tæmdum sígarettustubba og settum tóbakið í pípu og reyktum...laaangt leiddir nikótínistar...þá..

[Hrönn Sigurðardóttir, 27.10.2008 kl. 14:51]

Prince er hvort sem er ekki gott kaupa bara esselte eða hvað það nú heitir! Alvöru pólskt prins póló :)

Mikið lifandi skelfing mundi ég líka vilja að það væri bara verkfall! Ég var svo hrikalega vinsæl í þessu verkfalli - átti bæði sígó og bús

...nú á ég hvorugt og engum þykir vænt um mig

[Ásthildur Cesil Þórðardóttir, 27.10.2008 kl. 15:12]

Ég tók við mér og hamstraði brúnan sykur, er hætt að bjóða mínu fólki upp á hvítan, og þessi brúni er oft uppseldur, svo segja má að þessi frétt hafi komið mér til allavega. Keypti líka hveiti um daginn til öryggis, svo ég ætti til í sósuna.  En annars reyni ég að versla sem mest íslenskt, ójá, vonandi lifa bændurnir okkar kreppuna af.  Og sjómennirnir. Ætli við verðum ekki að fara að hætta að sigla með fiskinn, við verðum náttúrulega að éta hann sjálf.  Íslenskt Já Takk!

[Kristín Katla Árnadóttir, 27.10.2008 kl. 15:16]

Besta Prince Pólo í denn og kók.

[Jakobína Ingunn Ólafsdóttir, 27.10.2008 kl. 16:17]

Já Prins pólóið var betra hér áður

[Sævar Einarsson, 27.10.2008 kl. 17:21]

Ég hætti að fá mér Prinsinn eftir að hann skipti yfir í nýjar umbúðir! Þá fór maður að fá þetta ferskt og lint, gamla Prinsið var miklu betra, skraufa þurrt og stökkt !

— ICELAND'S MOST WANTED —

GORDON BROWN

Wanted, alive and preferably in working order - for treason and severe plotting against the innocent Icelandic nation. Also wanted for sheep theft, tekið héðan  en myndin er ekki sú sama.

Er að skipuleggja aðgerðina "Víkingur Delta 2" "Operation Viking Delta 2"  Endilega ef þú getur að aðstoða mig með því að smella á linkinn hér fyrir ofan og tilgreina í hvaða hryðjuverkastétt þú ert í, með fyrirfram þökk. Sævarinn hryðjuverkaatvinnulausi.

 

[Jónína Dúadóttir, 27.10.2008 kl. 17:36]

Mér fannst gamla Prinspólóið vont og það nýja ennþá verra, svo er mér sama ? Já reyndar...

[Gunnar Hrafn Jónsson (IP-tala skráð) 27.10.2008 kl. 19:34]

Mér finnst Prins frá Góu vera ótrúlega líkt gamla Prins Póló í smjörpappírnum.