Engin kreppa

Veðrið er í stíl við kreppuna, togari losnar frá bryggju, þakplötur fjúka og það hvín og syngur í öllu.

Ég vakna á óguðlegum tíma þessa dagana og ég skrifa það algjörlega á reikning spennu og óvissu í samfélaginu.

En áður en ég geysist af stað í ástandsbloggi þá er hérna smá kreppujöfnun.

Barnabörnin mín Jenný Una og Oliver Einar eru ekki í kreppu heldur þvert á móti.

Hjá þeim er lífið dásamlegt eins og sjá má af þessari mynd.

Hún er tekin í síðustu viku áður en Oliver fór aftur heim til Englands.

Ég held að taka mér þau til fyrirmyndar og reyni að hafa gaman af lífinu.

Blessuð börnin hafa auðvitað engar forsendur til að skilja að þau eru flokkuð með hryðjuverkamönnum né heldur hafa þau grænan grun um að á þeim muni hvíla skuldir sem gerir hverju stórfyrirtæki í slæmum rekstri skömm til.

Annars les ég mikið sem endranær og ég ætla að dunda mér við það um helgina.

Farið varlega í veðurhamnum krúttin mín.

Ég kem aftur tvíefld eftir morgunbænir.

Jájá.

Togari slitnaði frá bryggju

Athugasemdir

[Ía Jóhannsdóttir, 24.10.2008 kl. 07:46]

[Jónína Dúadóttir, 24.10.2008 kl. 07:54]

[Edda Agnarsdóttir, 24.10.2008 kl. 08:20]

_Þau eru æði.

[Katrín Snæhólm Baldursdóttir, 24.10.2008 kl. 08:28]

Morgunbæn.....Kæri herra/frú Guð. Viltu vera svo mikið yndi að vekja fólk til vitundar um að standa upp fyrir rétti sínum og framtíð barna sinna hér á landi og smygla þeim á einhvern guðdómlegan hátt með húfur og velltinga á Austurvöll á morgun laugardag klukkan 15.00 svo að hinir háttvirtu stjórnarherrar og frýr sem ekki hyggjast taka mark á lýðnum, skilji að okkur er fúlasta alvara. Þú veist þarna með að láta ekki endalaust vaða yfir okkur á skítugum spariskóm og snýta okkur með sparifé landsmanna.

Æ Jenný mín...vildi bara taka þátt í morgunbænum með þér fysrt ég er löngu vöknuð eins og þú!!!