Hvítvín-rauðvín-bjór (raðist eftir þörfum)

 

Ég hélt að Russel Crowe væri einn af þessum selebbum sem væru búnir að fara í meðferð.

Ónei, en hvernig á kona að henda reiður á öllu þessu þekkta fólki?

Guð, gæti mér verið meira sama?  Tæpast.

En ástæðan fyrir því að ég er að blogga um þessa frétt er einföld; ég stenst ekki mátið þegar alkar í svona bullandi afneitun setja það í heimsfréttirnar.

Sko Russel vinurinn er orðinn pabbi.  Þess vegna hefur hann dregið úr neyslu áfengra drykkja.

Vel að merkja dregið úr neyslu.

Það sem kom mér til að skella uppúr, þó tilefnið sé í sjálfu sér sorglegt er að leikarinn segist ekki geta drukkið dökkt áfengi.

Vodkað og Tequilað eru enn að gera sig hjá honum, hitt fer skelfing illa í hann.

Það var einu sinni sálfræðingur sem var með námskeið fyrir fólk hér á landi um hvernig mætti læra að drekka.

Og nei, þetta var ekki á nítjándu öld, námskeiðin riðu hér húsum á tíunda áratug síðustu aldar.

Vó, hvað ég held að margir alkar hafi stokkið til.  Alveg: Þarna er eitthvað fyrir mig, mig skortir kunnáttu í drykkjumennsku.  Það hlaut að vera.  Farinn á námskeið.

Ég eins og fleiri alkar hef staðið í tegundaskiptum blá í framan trúandi því að ef ég drykki minni bjór og rauðvín á móti þá myndi ég ná alsælu þeirri sem Bakkus boðar.

Nú eða hvítvín/rauðvín/bjór (raðist eftir þörfum).

Niðurstaða: Ég var sama gluggatjaldafyllibyttan án tillits til hvað ég drakk.

En mér persónulega gæti ekki staðið meira á sama um hvað Russel karlinn drekkur eða drekkur ekki.  Ég sá bara ágætis tækifæri til að spinna út frá þessari frétt um minn eigin alkóhólisma.

Minna mig á og svona.

Mikið djöfulli er gott að vera edrú.

Russel Crowe dregur úr drykkju

Athugasemdir

[Lára Hanna Einarsdóttir, 14.10.2008 kl. 16:58]

Hva... hvurslags er þetta! Það skiptir auðvitað ÖLLU máli hvort er drukkið á undan, hvítvíns- eða rauðvínstárið. Og hvort sötrað sé Braga eða Merrild með koníakinu.

Vissirðu þetta ekki, kona? 

[Brjánn Guðjónsson, 14.10.2008 kl. 16:58]

skál í boðinu!

[Sunna Dóra Möller, 14.10.2008 kl. 17:05]

Það er auðvitað bráðnauðsynlegt að vera ekki alltaf á sneplunum þegar maður er komin með börn, bara svona létt kenndur...þetta er stórfrétt dagsins, algjörlega !

....kveðja úr storminum! 

[Guðrún B. (IP-tala skráð) 14.10.2008 kl. 18:35]

Hehehe... alltaf sami snillingurinn sé ég Jenný.. knús og kram frá Klettaborg á þig dúllan mín.

[Jónína Dúadóttir, 14.10.2008 kl. 18:46]

... af því það var svo mikil hætta á að við værum búin að gleyma þér...

[Jóna Á. Gísladóttir, 14.10.2008 kl. 19:44]

asnaleg frétt. asnaleg asnaleg. Það er nú einhver hæðnitónn í henni líka. Ég hef á tilfinningunni að blaðamanni sé illa við Crowe greyið. Helvítið á honum.

Láttu ekki eins og fífl kona. Dökkir drykkir eru stórhættulegir. Það veit hvert mannsbarn. En ljósir eru af hinu góða. Líkt og í vestra-myndunum í gamla daga. John Wayne alltaf með hvítan hatt en vondu karlarnir með svartan. Þetta eru barasta gömul sannindi. Lúsifer með svarta vængi en Gabríel með hvíta. Þú dökkhærð.. ég ljóshærð muuuhhaaaaa 

[Linda Linnet Hilmarsdóttir, 14.10.2008 kl. 20:03]

knús á þig og eitt ljúft fallegt bros

[Helga Magnúsdóttir, 14.10.2008 kl. 20:27]

Það er misskipt mannanna gæðum. Hvað myndi ég gera ef ég gæti bara drukkið ljósa drykki? Það yrðu ljótu vandræðin.

[Himmalingur, 14.10.2008 kl. 21:12]

Skál fyrir því! ( vatn, sóda eða eitthvað annað )

[Heiða B. Heiðars, 14.10.2008 kl. 21:38]

ah.. who gives a flying f***? Dj...vitleysa í þessum "fréttamiðlum" endalaust