Hnöppum hneppt

Hlutirnir gerast hratt þessa dagana, ekki hjá mér reyndar en ég er plebbi og alltaf á skjön og ská.

Grey Ólafur Ragnar sem auðvitað trúði manna heitast á íslensku útrásina hefur auðvitað þurft að horfast í augu við að ekki er allt sem sýnist í þessum klikkaða heimi.

Nýja bókin um forsetatíð Ólafs Ragnars Grímssonar hefur verið innkölluð úr prentsmiðju vegna nýliðinna atburða.

Höfundurinn ætlar að breyta for- og eftirmála.

Pælið í þið krakkar hvurs lags havarí hefði orðið í prentsmiðjunum ef samtímis væri verið að gefa út bækur um Geir Haarde, Árna dýra og Davíð Oddsson ásamt litlum krúttlegum bæklingi sem fjallaði um dúllulega viðskiptaráðherratíð Björgvins G? Almó hjálpi mér.

Ég er hrædd um að það stæði ekki steinn yfir steini og mikið fjör hjá höfundum.

Ég ætla ekki út í ysið og þysið sem væri brostið á ef bók um Hannes Smárason væri á leiðinni.

"Hvernig hnöppum er hneppt í Kensington".

Farin að sinna ungviðinu.  Hrafn Óli a.k.a. Lilleman og Oliver Einari Nordquist.

Jösses hvað mér er trúað fyrir miklu.

Sé ykkur og það er ekki langt í það.

En mikið rosalega er á hreinu að ég mun lesa bókina um Pres.  Í henni eru birt ástarbréfin sem fóru á milli Davíðs og ÓRG.

Haldiði að það hafi verið sláttur á lyklaborði mannanna?

Forsetabók afturkölluð úr prentsmiðju

Athugasemdir

[Jónína Dúadóttir, 14.10.2008 kl. 13:43]

Þú stendur auðveldlega undir ábyrgðinni, ég vildi ég hefði átt ömmu eins og þig

[Kristín Katla Árnadóttir, 14.10.2008 kl. 13:55]

Já satt er það hlutirnir gerast hratt en plebbi ertu ekki.

[María Guðmundsdóttir, 14.10.2008 kl. 14:42]

plebbi edur ei.. lovjah  

[Sunna Dóra Möller, 14.10.2008 kl. 14:52]

Snilldartitill á bókinni um Hannes Smárason......!

Gangi þér vel að sinna ungviði

[Líney, 14.10.2008 kl. 14:53]

knús

[Lísa Björk Ingólfsdóttir, 14.10.2008 kl. 16:37]

Gevööð - plebbi á ská og skjön - það eru sko uppáhalds manneskjumerkið mitt :)