Hvað sagði Davíð?

Hvað sagði Davíð spyr Mogginn undrandi?

Síðan tíundar hann Kastljósviðtalið við kóng okkar allra.

En í Englandi spyrja menn þá væntanlega; What did this Davidperson actually say to make the P.M. go bonkers?

Svarið er komið.

Klikkið í hægra hornið til að fá enska textann.

Enginn þarf að vera hissa á því sem eftir kom.

Eða hvað?

P.s. Þetta myndband fer eins og eldur í sinu um víða velli netheimsins.

 

Hvað sagði Davíð?

Athugasemdir

[Huld S. Ringsted, 14.10.2008 kl. 09:16]

Nei ég held að enginn sé hissa á öllu fjaðrafokinu

[Sesselja Fjóla Þorsteinsdóttir, 14.10.2008 kl. 09:25]

Úff þessi ömmudrengur er ótrúlegur.

[Jónína Dúadóttir, 14.10.2008 kl. 09:35]

Jæja... ekki er ég neitt undrandi...

[Sigrún Jónsdóttir, 14.10.2008 kl. 10:38]

Veruleikafirring Moggamanna er algjör, þegar kemur að þessum gamla "höfuðpaur"

[Ragnheiður , 14.10.2008 kl. 10:38]

ja..ekki skal mig undra. Næst þegar það kemur kreppa þá byrjum við á að kefla alla ráðamenn

[María Guðmundsdóttir, 14.10.2008 kl. 10:58]

held thad hefdi átt ad kefla "suma" fyrir løngu og thad for good

[Svanur Gísli Þorkelsson, 14.10.2008 kl. 11:06]

Þegar að þetta samtal var tekið var Breska ríkistjórnin þegar búin að lýsa því yfir við almenning í Bretlandi að hún mundi ábyrgast endurgreiðslu allra sem áttu inni hjá Icesave. Þetta er staðfest á heimasíðu Icesave. 

Davíð veit að ekki er hægt að gera íslensku ríkisstjórnina ábyrga nema fyrir hluta af skuldum Icesave við Breta, eða eins og komið hefur í ljós, nákvæmlega því sem nemur láninu sem Bretar ætla að veita íslandi til að greiða breskum skuldunautum.

Davíð segir að hann vilji ekki láta þjóðina borga umfram það sem hún er skuldbundin til að borga. - Sé ekki hvað er rangt við það. -

Gordon Brown var þegar búinn að ákveða að taka allt í Bretlandi sem tilheyrði Íslandi og láta Íslendinga borga til að standa við yfirlýsingar hans sem gengu einkum út á að styrkja hann pólitískt séð í sessi. Hann var ekki beint vinsæll áður enn þessi alda reið yfir. -

Með því að eyðileggja Kaupþing var hann kominn með hreðjatak á Íslendingum, sem geta annað hvort látið eftir og borgað allar skuldir sem útherjar okkar hafa  komið sér í, eða brugðist við eins og Davíð og lýst því yfir að ekkert verði borgað umfram það sem ríkið væri lagalega bundið til að borga.

[Svavar Bjarnason (IP-tala skráð) 14.10.2008 kl. 11:07]

Hvað skyldu þessi orð Davíðs eiga eftir að kosta okkur Íslendinga? Það er greinilegt að þessi orð gáfu Gordon Brown tilefni til þeirra aðgerða sem hann greip til. Þarna sá hann tækifæri til að slá sig til riddara heima fyrir, enda mikill lýðskrumari.

[Ómar Ragnarsson, 14.10.2008 kl. 13:26]

Ég var í Bandaríkjunum í daglegu sambandi við fólk heima sem sagði við mig: "Þú getur enga grein gert þér fyrir því sem er að gerast hér nema vera hér."

En ég var vestra þegar hægt var að sitja á miðjum degi að þarlendum tíma og horfa á talsmann Íslendinga segja skorinort og endurtaka það upp í opið geðið á heimsbyggðinni að Íslendingar ætluðu ekki að borga.

Þetta var komið í fréttatíma sjónvarpsstöðvanna sama dag og vegna tímamismunarins gekk þetta aftur og aftur.Þið sem sátuð heima og hélduð að þið væruð að horfa á Davíð Oddsson fara á kostum og brillera í viðtali á Íslandi, - þið voruð ekki erlendis og upplifðuð það hvernig þetta leit út fyrir tugmilljónum sjónvarpsáhorfenda þar.

Og á sama hátt og sagt var við mig að ég gæti ekki gert mér fulla grein fyrir ástandinu og aðstæðunum heima get ég á móti sagt við ykkur: Ég man ekki eftir því að hafa orðið vitni að því á eins dramatískan hátt að orðstír og heiðri íslensku þjóðarinnar hafi verið sturtað niður í klósettið á einu augnbliki.

Ég var viðstaddur erlendis þegar þetta gerðist, - þurfti að taka á móti viðbrögðunum hjá fólki af öllum toga og berjast vonlausri baráttu við að útskýra málið.

Allar tilraunir til útskýringa og leiðréttinga voru og virðast enn vonlausar því að það er dæmalaus frétt þegar talsmaður þjóðar segir að hún ætli EKKI að borga en engin frétt þótt sagt sé að hún ætli að borga, því að það eiga jú allir að reyna að gera, það er venjan og því engin frétt.