Ég bíð og bíð

Ofsalega er orðið þreytandi að bíða eftir að fá fréttir af ástandi mála úr Ráðherrabústaðnum.

En enginn segir orð.

Blaðamennirnir ættu að fara heim og bíða eftir að það verði hringt í þá, það verður gert um leið og jakkafötin hafa eitthvað að segja.  Bílífjúmí.

Pétur Blöndal skammaðist yfir því í Silfri Egils að fólk væri með svartsýnisraus.

Halló karlugla, rólegur á kröfunum, það er líf okkar venjjulega fólksins í landinu sem er undir í þessum hildarleik kapítalismans.

Ágúst Ólafur og Pétur Blöndal voru eiginlega aumkunarverðir í tilraunum sínum til að vera landsföðurlegir og ábyrgir bjargvættir okkar múgsins.

Ekki einn einasti ráðamaður getur látið eins og hann sé frír frá ábyrgð af þessum ósköpum.

Og ég veit ekkert hvað mér finnst um að lífeyrissjóðirnir reddi málunum með því að færa peningana okkar til Íslands.  Auðvitað er leitað til almennings þar líka þegar allt er komið í þrot.

Ég er alls ekki viss um hvort ég treysti landstjórninni fyrir okkar lífeyrissjóð.

En allir verða að standa saman og ladídadída og það er auðvitað rétt.

Þess vegna bíð ég spennt eftir að bankarnir fari að losa um eignir í útlöndum.

Ég myndi vilja sjá margramilljónkallana fara á venjuleg laun í takt við annað fólk í þessu landi.

Lárus Welding, skila 300 milljónunum takk, þetta er minn banki og nú eru breyttir tímar í bissniss.

Tími ykkar Þyrlupallanna er vonandi að líða undir lok.

Við erum öll á sama báti sagði Pétur Blöndal í Silfrinu en ég bendi honum og hinum jakkafötunum á að við almenningur erum ennþá lónandi í okkar hefðbundnu kænu en nú bregður svo við að snekkjufólkið vill stökkva yfir til okkar.

Þar kom að því.  Undur og stórmerki.

Make room for the rich and fucking famous.

Já ég er reið.  Er það nema von. 

Athugasemdir

[María Guðmundsdóttir, 5.10.2008 kl. 16:06]

heyr heyr!!

[Sunna Dóra Möller, 5.10.2008 kl. 16:13]

Mikið er ég sammála þér! Ég er svo hrædd um það að þegar þessi blessaða aðgerðaráætlun verður kynnt, verði hún ekki nógu kjarkmikil til að gera það sem raunverulega þarf að gera. Ég held að Geir hafi ekki kjark í að skipta t.d seðlabankastjórninni út og hreinsa til eins og þarf. Og bullið um að ekki eigia að vera að eyða tímanum í að finna sökudólga, það kemur að því að það þarf að gera, eins og gerðist í Noregi, sem endaði þar með fangelsisdómum. Er ekki kominn tími á það á Íslandinu góða að einhver axli ábyrgð og nú held að ég að mistökin séu nógu stór, alla vega gagnvart almenningi í landinu sem á nú að stíga fram og leggja lífeyrissparnaðinn sinn í þessa botnlausu hít!

Ég held svei mér þá, að ég sé líka reið !

[Himmalingur, 5.10.2008 kl. 16:21]

Er ekki svo bjart framundan? Svo segir Geir H og co! Þetta eru allt saman fávitar!

[Jónína Dúadóttir, 5.10.2008 kl. 16:26]

Heyr heyr

[Líney, 5.10.2008 kl. 16:42]

svo sammála

[Ólína Kjerúlf Þorvarðardóttir, 5.10.2008 kl. 17:14]

ÉG tel mig ekki vera á sama báti og Lárus Welding, Bjarna Ármanns, Hannes Smárason eða hvað þeir heita nú allir þeir ágætu menn sem hafa verið með tugi milljóna króna í laun á mánuði og kaupréttarsamninga sem venjulegt fólk hefur ekki hugmyndaflug til að gera sér í hugarlund. Þessir menn hafa grætt milljarða á stjórnvisku sinni og komið þeim peningum úr landi. >:(

Nei, þeir mega bara róa sína leið - árans beinin.

[Ólína Kjerúlf Þorvarðardóttir, 5.10.2008 kl. 17:15]

Er semsagt pínu pirruð líka ;)

[Linda Linnet Hilmarsdóttir, 5.10.2008 kl. 17:18]

[Helga skjol, 5.10.2008 kl. 17:31]

Heyr heyr orð í tíma töluð

[Edda Agnarsdóttir, 5.10.2008 kl. 17:48]

Ég er bara döpur. - Annars er ég bara sæmileg.

[Eyrún Gísladóttir, 5.10.2008 kl. 17:57]

orð í tíma töluð.

[Sesselja Fjóla Þorsteinsdóttir, 5.10.2008 kl. 18:08]

Þetta er ein pólitísk spilling eins og hún hefur verið árum saman.  Vonum það besta eða næstbesta.  Persónulega ber ég ekkert traust til ráðamanna minnar þjóðar.  Allir eiga VNI hér og þar innan veggja nefnda, banka........uss uss.  Hef ekki fengið í magann ennþá en brot af pirrrrrr.

[Sesselja Fjóla Þorsteinsdóttir, 5.10.2008 kl. 18:09]

VINI vildi ég skrifa en ekki VNI

[Jóna Á. Gísladóttir, 5.10.2008 kl. 18:38]

Bare et liten beskjed fra Berlin. Grosse grosse

[Sólveig Kristín Gunnarsdóttir, 5.10.2008 kl. 18:49]

Thú ert bara svo gódur penni, ad thad er alltaf gott ad lesa pistlana thína, thó their fjalli um svona erfida og pirrandi hluti. Heyr heyr.

[Heiða B. Heiðars, 5.10.2008 kl. 20:36]

you said it woman!! klippt og skorið.....eins og oftast ;)

[Steingrímur Helgason, 5.10.2008 kl. 20:44]

Það er alveg hægt að hafa jafn gaman af þér & þínum pistlum, þó maður í sveit 'gryfjudetti' stundum í að vera sammála þér líka.

[Salvör Kristjana Gissurardóttir, 5.10.2008 kl. 22:01]

Það er mikið virðingarleysi sem stjórnvöld sýna okkur almenningi í þessum landi. Fyrir hálfum mánuði neituðu þau að horfast í augu við að eitthvað væri að. Ég held ekki að það sé allt unnið vel núna í ráðherrabústaðnum. Vinna sem er unnin með svona miklum hraði af fólki sem hefur svona litla innsýn í hvað er að gerast í heiminum getur ekki orðið annað en flaustursverk.

[Sigrún Jónsdóttir, 5.10.2008 kl. 23:48]

Ég er pirruð, hrædd, vonsvikin og afar döpur.  Frábær færsla hjá þér Jenný og segir allt sem segja þarf.

[Jóna Kolbrún Garðarsdóttir, 6.10.2008 kl. 02:15]

Biðin er á enda, það þarf ekkert að gera allt er í góðum gír.  Geirharður segir að þetta upphlaup var bara allt í plati upphlaup,  það er nóg af peningum málinu er bjargað   Þeir halda að fólk sé fífl..  Arg garg...

[Rut Sumarliðadóttir, 6.10.2008 kl. 10:22]

á sama báti uss og fruss. Bara enn eitt dæmið um að það vantar algerlega tenginu við veruleika pöpulsins. Ég er sko líka reið.