Þetta er fokkings bænaskjal

Vilhjálmur Vilhjálmsson er elskaður af mörgum og mér finnst ekkert athugavert við að það séu haldnir minningartónleikar um þennan frábæra listamann.

Tónlistin sem hann flutti er ekki að mínum smekk og sem betur fer erum við ekki öll eins hvað það varðar.

Ég er hins vegar með ofnæmi og það illilegt gagnvart "sýningum" þar sem ákveðnir listamenn eru teknir fyrir. 

Þessi andskotans uppákomur ríða yfir á hverju ári og þær eru flestar slæmar og sumar svo slæmar að fólk þarf að vera útúrdrukkið til að njóta þeirra.

Tina Turner t.d. Hver vill í alvöru setja sig í stellingar og reyna að ná upp í að flytja músíkina hennar og reyna að gera konunni góð skil?

Mér finnst það listrænt sjálfsmorð að ætla sér það óvinnandi verk.

Sama hversu góðar söngkonur það eru sem fara í hlutverkið.

Með fullri virðingu fyrir Siggu Beinteins þá er það pjúra klám að níðast á Tínu svo ég taki nú ekki till sterkara orðalags.

Þetta er eins og gerviefnið Formaica.  Muniði; Eretta marmari? Nei Formaica.  Eretta eðalviður?  Nei Formaica.

Er etta Tina Turner?  Nei, Sigga Beinteins.

Þetta er íslenskt plebbafenómen (eða skandínavískt) sem dynur yfir mann á hverju ári.

Broadway (held ég að staðurinn heiti) þar sem maturinn er í besta falli skítsæmilegur og eftirhermusýning með eftirréttinum er sirkabát það síðasta sem ég myndi fleygja peningunum mínum í.

Við eigum svo mikið af frábæru listafólki.  Af hverju fá þeir ekki tækifæri til að vera með tónleika þar sem frumleikinn og sköpunin eru í hávegum hafðar í staðinn fyrir upprifjanir og eftirhermur sem gerir bæði flytjendunum og sárasaklausum orginölunum skömm til?

Ábreiður þurfa að vera betri en orginallinn ef þær eru fluttar á annað borð.

Magni gerði þetta ágætlega í Rock Star.

Einn af okkar bestu söngvurum er litli Jesú, man ekki hvað hann heitir en hann er sérdeilis frábær söngvari drengurinn.  Hann getur endurflutt hvað sem er án þess að verða sér til skammar.  Fáum gefið skal ég segja ykkur.

Ég held að það sé verið að róa á örugg mið með þessum sífelldu ábreiðusýningum.

Algjört "money in the bank" eða "Sure thing".

Vegna þess að pöpullinn vill heyra gömlu fylleríslögin væntanlega til að geta sungið með.

Almenningur er ranglega vanmetinn í þessu sem öðru.

Ég held að "we the people" séum alveg fær um að njóta þess sem nýtt er.

Það segi ég með nokkurri vissu verandi meðlimur í viðkomandi grúppu.

Þetta er fokkings bænaskjal.

Gerið eitthvað nýtt og skapandi. Plís.

Úje og allir glaðir í boðinu.

Aðrir aukatónleikar til heiðurs Vilhjálmi

Athugasemdir

[Ásthildur Cesil Þórðardóttir, 16.9.2008 kl. 11:15]

Sammála þér Jenný, ég las einhverntímann pistil eftir Sverri Stormsker um þetta sama mál.  Hann var ekkert að skafa utan af því pilturinn sá.

[Jenný Anna Baldursdóttir, 16.9.2008 kl. 11:16]

Ég efa ekki að hann hafi sagt umbúðalaust skoðun sína á málinu.

Málið er að það telst til tíðinda að ég skuli vera sammála þeim manni.

Einu sinni verður allt fyrst.

[halkatla, 16.9.2008 kl. 11:23]

Sverrir Stormsker minntist á þessar eftirhermur í níðbréfinu mikla til Stefáns Hilmarssonar, ég var einmitt að hugsa þegar ég las Jenný: "ég hef heyrt þetta áður..." og Ásthildur útskýrði svo málið annars segi ég bara "no comment" því ég er ekkert menningarleg og ALLS EKKI á þennan hátt 

[Sunna Dóra Möller, 16.9.2008 kl. 11:42]

Hef aldrei farið á svona sjóv, vona að ég þurfi aldrei að fara ...alla vega ekki ógrátandi ! Leiðast svona tribjút alveg óendanlega mikið....!

[Edda Agnarsdóttir, 16.9.2008 kl. 13:27]

Bara get ekki verið meira sammála - skil ekki alveg aðdáendur, svona eins og sjálfsfróun nema fróunin fer fram í einhverju slepju/helgileika á lögunum sem hann flutti ofg voru vel flest í sljálfu sér góð en eitthvað kinký er við þetta allt saman frá aðdáendum.

[Sigurður Þórðarson, 16.9.2008 kl. 13:58]

Ég elska Tínu og veit að það fer enginn í skóna hennar. Hef samt umburðalyndi fyrir að Sigga Beinteins reyni. Reyndar er Sigga flott söngkona sem hefur lag á að koma manni alltaf í betra skap.

[Rut Sumarliðadóttir, 16.9.2008 kl. 14:04]

Ekki nógu mikill plebbi til að fara á svona eftirhermur. Verð það vonandi ekki í framtíðinni.

[María Guðmundsdóttir, 16.9.2008 kl. 14:22]

hef aldrei farid á sonna sjóv..ekki mikinn áhuga fyrir thvi. En..auddad eru adrir tónleikar thegar adsóknin er svona mikil..money money money...nota bene..fór EKKI á Mamma mía heldur

[Birna Dis Vilbertsdóttir (IP-tala skráð) 16.9.2008 kl. 14:25]

Ég vil orginanilinn eða sleppa því.Ekkert gerfi hjá mér

[Þröstur Unnar, 16.9.2008 kl. 14:35]

Ég er plebbi. Fer oft á svona uppáKomur til að éta hrygg með rauðvínssósu.

[Guðríður Hrefna Haraldsdóttir, 16.9.2008 kl. 14:54]

Ekkert sem getur laðað mig á svona sýningar, ekki einu sinni hryggur með rauðvínssósu. Fannst lögin hans Vilhjálms alveg yndisleg í flutningi Vilhjálms og ekki var Ellý síðri þegar hún söng. Þetta var poppmúsikin mín í æsku, Óskalög sjúklinga á laugardögum, you see!

En ... þetta virðist virka, fólk fer í hópum á svona tónleika og því er boðið upp á þá. Framboð, eftirspurn og allt það! Skynsemi dagsins var í boði himnaríkis!

[M, 16.9.2008 kl. 15:19]

Erfitt að koma hér inn á eftir þessum pistli og commentum, en ég á miða á Villa Vill !!!!!!!  

[Jenný Anna Baldursdóttir, 16.9.2008 kl. 15:35]

Lesa gott fólk, ég skil vel að fólk sem hafði gaman af Vilhjálmi fari á tónleika til heiðurs honum.

Það eru tribjútin um Queen, Tinu Turner og alla snillingana sem ég þoli ekki.

Arg.  Meðalmennska.

Hryggur með rauðvínssósu í fjöldaframleiðslu hljómar EKKI vel, en þið eruð sjálfsagt ekki vön gourme-mat á Skaganum Þrölli minn

[Örvar (IP-tala skráð) 17.9.2008 kl. 23:48]

Er engin að hrasa um þessa snilldarsetningu úr fréttinni:

Það er t.d. hægt að telja á höndum annarrar handar þá erlendu listamenn er hafa selt yfir 12 þúsund miða hér.“

Kannski er ég bara svona smámunasamur.

[Jenný Anna Baldursdóttir, 18.9.2008 kl. 01:11]

Örvar: Ég er í kasti.