Ég vildi að ég væri bindishnútur

Tækifærin til að leggjast í þunglyndi koma á færibandi þessa dagana.

Jarðskjálfti í morgun og hamfarir um allan heim gefa ekki tilefni til sérstakrar gleði.

Fjármálaheimurinn er á þvílíkri hraðferð til helvítis að enginn yrði hissa þó fólk yrði flutt í förmum á geðdeildir heimsins.

Bindishnútarnir í heiminum sem eru ábyrgir fyrir fjármálakreppunni keppast við hver um annan þveran að útskýra málið og sjá; þeir hafa ekkert með ástandið að gera, "utanaðkomandi og ófyrirsjáanlegar aðstæður" er glæpasnifsið í málinu.

Það er catch 22 hundalógían sem blívur.

Enginn er ábyrgur þessa dagana.

Ekki Geir, ekki Solla, ekki Áddni og svo yppa allir öxlum og hrista hausinn.

Við almenningur misskiljum bara og náum ekki (sökum heimsku vænti ég) hvað allir eru að fórna sér biggtæm fyrir okkar hönd.

Hundalógían er í hávegum höfð hjá lögreglustjóranum í Reykjanesbæ.

Við skiljum ekki málið, segir hann ábúðarfullur, rökstuddur grunur er fyrir hendi um ólöglegt athæfi hælisleitenda.

Þess vegna má rífa af þeim allt lauslegt. 

Ef einhver hringdi á bjöllunni hjá mér núna frá ríkislögreglustjóra og segði við mig að ég væri grunuð um landráð þá færi ég auðvitað á límingunum vitandi að ég er búin að rappa þjóðsögnin og taka hann í öllum öðrum mögulegum útgáfum og það er bannað með lögum.

Ég myndi spyrja fyrir hvað eins og hvítþvegin engill í andlitinu.

Og þeir væru eins og sprúttsalar í framan og myndu segja mér að það væri rökstuddur grunur um að ég hafi framið voðaverk gegn landi og þjóð.

Ég: Rökstuddur grunur?  Hver er hann?

Þeir: Við látum ekkert upp um það, við verðum að halda heimildum okkar leyndum.

Svo yrði ég sett í bönd, leidd út í Blökku Maríu og látin í svarthol.

Rökstuddur grunur er öflugt vopn í baráttunni við vonda og hættulega fólkið.

Ég vildi óska að ég væri bindishnútur.

Þá væri bókstaflega andskotans ekkert mér að kenna.

Blame it on the weather!

Annars í stuði og ég hjala eins og geðgott smábarn.

Later my friends.

Snarpur jarðskjálfti

Athugasemdir

[alva (IP-tala skráð) 16.9.2008 kl. 09:03]

[Anna Margrét Bragadóttir, 16.9.2008 kl. 09:11]

[Sunna Dóra Möller, 16.9.2008 kl. 09:15]

Ég hef aldrei kunnað að binda bindishnút, kenni bara kvefi um allt í dag! Eigðu góðan dag, það er að koma stormur með kvöldinu og stutt í jól !

[Jónína Dúadóttir, 16.9.2008 kl. 09:20]

Yndislegt hjal...

[Villi Asgeirsson, 16.9.2008 kl. 09:22]

Kann ekki heldur að binda bindishnút. En það er mikið rétt, ástandið er ekki bindunum að kenna. Þetta er bara svona. Og að lokum, farir þú í svarthol geturðu huggað þig við að við fylgjum á eftir þegar öreindirnar skella saman. Eða hvað?

[Jóhanna Magnúsar- og Völudóttir , 16.9.2008 kl. 09:26]

Sko þar sem ég er svona ökkla eða eyra kona og vil ekki leggjast í þunglyndi, hef ég ákveðið að leggjast í léttlyndi .....

p.s. örugglega skárra að vera bindishnútur er umferðahnútur

[Jóhanna Magnúsar- og Völudóttir , 16.9.2008 kl. 09:28]

..ég er líka perfeksjónisti og verð að leiðrétta mig, það vantar eitt í þarna inn í setningu hjá mér, það á að vera ....í ökkla eða eyra ....

[Klara Jakobsdottir (IP-tala skráð) 16.9.2008 kl. 10:11]

Ég hef rökstuddan grun um ótrúlegt virðingaleysi stjórnvalda gagnvart launakröfum ljósmæðra. Það er dapurlegt á að horfa og geta ekki aðhafst neitt......eða hvað? Er ekki komin tími á samúðarverkfall kvenna

[Jenný Anna Baldursdóttir, 16.9.2008 kl. 11:15]

Klara: Það er kominn tími á að við konur rísum upp á afturfæturna varðandi ljósmæðradeilduna og vegna ömurlegs ástands í launamálum kvenna yfirleitt í þessu landi.

Þið eruð skemmtileg að venju og Villi gott að fá félagsskap í svartholið.  Híhí.

[Anna Guðný , 16.9.2008 kl. 13:59]

Þegar ég leit yfir fyrirsagnirnar á athugasemdnunum við þessa frétt til að skoða hverjar væru mest spennandi. Þú áttir vinninginn

Jarðskjálfti v. bindishnútur. Verð að sjá það