Íslenskir þrælahaldarar

Ef það er rétt að þessi veitingahúsaeigandi á Café Margrét á Breiðdalsvík sé búin að vera að misnota fólkið sem hann er með í vinnu amk. síðan 2005, af hverju hefur enginn stoppað manninn af?

Reyndar hafa afspyrnu fáir íslenskir þrælahaldarar verið stoppaðir af, sbr. alla útlendingana í uppsveiflunni sem fengu laun langt undir töxtum og var holað niður í húsnæði sem ekki hæfir fólki.

Ef þjóðfélagið vill að reglur og lög varðandi réttindi verkafólks séu virt hvernig væri þá að loka á þetta lið sem fitnar eins og fjandans púkinn á fjósbitanum á kostnað fólks sem getur tæpast borið hönd fyrir höfuð sér.?

Og ef rétt reynist með þennan restaurant á Breiðdalsvík, sem ég er ekki í aðstöðu til að fullyrða neitt um þó allt virðist benda til þess, þá á fólk auðvitað að sitja heima þangað til maðurinn Horst Müller hefur æft sig í mannlegum samskiptum og virðingu við fólk, svo ég minnist nú ekki á að virða íslenska vinnulöggjöf.

Halló. einhver heima?

Arg.

Líkir vinnu í veitingahúsi við fangelsisvist

Athugasemdir

[Helga Magnúsdóttir, 4.9.2008 kl. 12:24]

Það hvarflar að manni að það mætti reka einhverja aðra en Paul Ramses úr landi.

[Anna Ragna Alexandersdóttir, 4.9.2008 kl. 12:48]

Þýsk stúlka sem vann á Café Margréti á Breiðdalsvík árið 2005 líkir dvölinni við fangavist.Bíddu gat hún ekki sagt upp eða farið úr fangelsinu ???

[Huldabeib, 4.9.2008 kl. 14:28]

Bara týpískt mál þar sem báðir aðilar eru sárir og svekktir og orð á mót orði.... hvor þeirra hafi meira rétt fyrir sér er annað mál.

[Hildigunnur Rúnarsdóttir, 4.9.2008 kl. 17:04]

Anna Ragna, væntanlega gerði hún það, enda er hún ekki enn að vinna þarna.  Huldabeib, jú en það eru orðin svolítið mörg orðin á móti en bara eitt með, er það ekki?  Þetta er alls ekki í fyrsta skipti sem svona mál kemur upp á þessum stað, maður skilur ekki hvernig starfsleyfið helst alltaf inni.

[Halla Rut , 4.9.2008 kl. 18:06]

Að hún átti aðeins að vinna 4 tíma á dag setur upp spurningamerki hjá mér.

Af hverju fór hún ekki? Frá 2005 er næga vinnu að fá allstaðar og sérstaklega í þessum geira.