Úllendúllendoff aðferðin

Ég vann ekki stóra vinninginn í Lottóinu, djöfuls óréttlæti.

Ó, fyrirgefið, ég var ekki með en það er sama ég hefði átt það svo innilega skilið.

En það eru mánaðarmót á morgun!

Mér líður yfirleitt vel alla daga mánaðarins, mis vel auðvitað, en ég held að ég sé þokkalega ánægð með mig og mitt svona á heildina litið.

Nema fyrsta dag hvers mánaðar.

Þá finn ég svo óþægilega fyrir því hvað manni vantar upp á til að endar nái almennilega saman.

Ég er alltaf með hjartslátt þann fyrsta, alveg fram yfir hádegi.

Þangað til að búið er að borga hverja krónu sem inn hefur komið en þá fer liturinn að koma aftur í andlið og þrýstingur verður eðlilegur, svona nokkurn veginn.

Samt grunar mig að það komi að því hér á mínu heimili og víða annars staðar að maður verði að taka úllendúllendoff aðferðina á reikningana.  Strax á morgun reyndar.

Það er borga þennan - bíða með þennan - borga þennan og svo framvegis.

En það er ekki kreppa, ISG sagði það í Viðskiptablaðinu.

Á morgun ætla ég að segja upp öllum óþarfa áskriftum af fjölmiðlum. 

Það er sparnaðaraðgerð nr. 1

Æi, ég er alls ekki að kvarta.  Hef það ágætt og sérstaklega miðað við marga aðra.

Þjáist bara af smávegis mánaðarmótaskjálfta.

En það hefði verið asskoti gott að vinna í Lottóinu.

Verð með næst.  Jeræt.

Fyrsti vinningur gekk ekki út

Athugasemdir

[Jónína Dúadóttir, 31.8.2008 kl. 08:57]

Þú hefðir alveg mátt fá vinninginn

[Ía Jóhannsdóttir, 31.8.2008 kl. 09:03]

Sunnudagskveðja

[Helga Dóra, 31.8.2008 kl. 09:47]

Æi, ég er sammála þér.... Hefði langað í einn vinning.... Ekkert endilega 60 millur.... Bara 3-5 væri fínt til að komast á núll og geta farið í ferðalag með börnin sem ég hef ekki getað í 6 ár. Með smá vinning þyrfti ég ekki að hafa áhyggjur af fermingu frumburðarins í vor...... Var að spá í að ganga í Vottana og sleppa við ferminguna og hefði fengið í bónus að þurfa ekki að halda jól....

Já, ég er fúll á móti þegar kemur að jólum......

Eigðu góðan dag....  

[Guðríður Hrefna Haraldsdóttir, 31.8.2008 kl. 10:08]

Vann ekki heldur, enda keypti ég ekki lottómiða. Möguleikarnir á að einhver dytti í lukkupottinn vikulega voru gerðir minni þegar tölunum var fjölgað. Væri reyndar alveg til í vinning upp á 100 millur einhvern daginn. Úje. Góðan daginn annars.

[Edda Agnarsdóttir, 31.8.2008 kl. 10:57]

Góðan daginn fagra mín!

Ég gæti alveg þegið svona pening, sérstaklega til að gleðja mína nánustu.

[Bergljót Hreinsdóttir, 31.8.2008 kl. 11:32]

...ohhh...gleymdi að lotta...hefði alveg verið til í smá aukapééééning....

Verð bara að halda mig við úllendúllen aðferðina enn um sinn....

[Sesselja Fjóla Þorsteinsdóttir, 31.8.2008 kl. 11:35]

Það hefði verið gaman að lesa hér um að þú hafir fengið lottóvinning.  Úllen....aðferðin !  Prófaðu hana.

[Eva Benjamínsdóttir, 31.8.2008 kl. 11:55]

Ég heiti hér með á bloggvini mína næs út að borða og fleira skemmtilegt svo kaupi ég myndlist fyrir afganginn, ef ég vinn.

[M, 31.8.2008 kl. 11:57]

Þótt oft sé sagt að peningar skipta ekki öllu máli, þá myndi það létta heilmikið að komast af út mánuðinn án magapínunnar.  Að hafa nóg í sig og á ætti að vera skilyrði en það er því miður ekki þannig á mörgum heimilum. 

En góðan daginn  

[Jenný Anna Baldursdóttir, 31.8.2008 kl. 12:36]

Krakkar: Getraunir eru alltaf að vinna í Lottóinu.  Hafið þið tekið eftir því?  Hehe,

Eva: Díll.  Og lottaðu þá.  Ég hinsvegar er algjörlega búin að gera það upp við mig að treysta á sjálfa mig í lífsins lottói. 

[Sunna Dóra Möller, 31.8.2008 kl. 12:57]

Ég er eins um mán.mót...er ekki róleg fyrr en ég sé hvað ég á og hvað fer í reikninga......nóg af þeim þessi mánaðarmótin, sérstaklega með þrjú börn sem eru í grunnskóla.....bara skólamáltíðir og heilsdagsvistun kosta nærri 20.000 og svo bætist allt hitt ofan....rándýrir neocolor litir ofl..ofl..... samt er skólaskylda á Íslandi ! Jamm...en það er svo sem ekki skylda að setja börnin í skólasel.....en maður á svo sem engra kosta völ þegar vinnan er annars vegar!

Ég er hætt að tuða...enda hvíldardagur og upprisudagur og þá á ég að vera glöð ...smæla framan í heiminn !

Eigðu góðan dag...