Djúpar samræður á dada-ísku

 

Í morgun hefur mér verið skemmt af litlum sjö mánaða kút sem heitir Hrafn Óli og þar sem skólinn hjá mömmunni er byrjaður og pabbinn á hljómsveitaræfingu, þá tók ég yngsta barnabarnið og passaði það.

Á því hef ég lært ýmislegt.

Ég veit núna að að það er í raun nóg að geta sagt dadada í hinum ýmsu tóntegundum til að gera sig skiljanlegan.

Dadada (rómablítt og smá væmið í fallegri merkingu þess orðs): Mér líður vel amma.

Dadada (ákveðið en samt með smá húmor): Amma, ætlarðu að knúsa mig í klessu, kommon ég er ungabarn!

Dadada (ergilegt og alveg á gargmörkunum): Ég hef ekki sofið síðan ég vaknaði kl. 7 kona, komdu mér í vagninn, núna! 

Dadada (yfirpáta pirringslegt og skerandi): Ég er svangur, hvað get ég sagt, mig vantar graut, nema auðvitað að það sé boðið upp á annað.

Og svo lékum við okkur, barn er kominn í skriðstellingu þ.e. að segja núna skríður hann afturábak.

Skelfing er ég heppin að eiga svona skemmtileg barnabörn.

Krúttkrampi

En nú er það Westurbærinn, elsta barnabarn bíður.

Hírækomm.

 

Athugasemdir

[Jónína Dúadóttir, 25.8.2008 kl. 13:59]

Tungumálakunnáttu þinni er viðbrugðiðÞú ert heppin

[Sigrún Jónsdóttir, 25.8.2008 kl. 14:01]

[Brynja skordal, 25.8.2008 kl. 14:38]

Dad-íska er fallegt mál

[Elísabet Sigurðardóttir, 25.8.2008 kl. 15:03]

Hér er töluð dada-íska mjög mikið og aðaldadarinn talar dada líka upp úr svefni.  

[Edda Agnarsdóttir, 25.8.2008 kl. 15:08]

Þetta getur ekki verið betra - að fá að vera svona nálægt þessum elskum.

Ég var að koma heim úr vinnu til barnabarns og hún er sofandi. Afinn er búin að sýna henni fjóra róluvelli og hún var í skýjunum. Þetta er alveg yndislegt.

[Sólveig Kristín Gunnarsdóttir, 25.8.2008 kl. 16:01]

æi hvad hann er sætur, og heppinn ad eiga ømmu sem kann ad tala dadísku.

[Hólmdís Hjartardóttir, 25.8.2008 kl. 17:34]

dada

[Jón Bragi (IP-tala skráð) 27.8.2008 kl. 06:00]

Samgleðst þér að eiga svona yndislegt barna-barna-barn!

Og er ekki þeirra mál einfalt og auðskiljanlegt...