Þekki ekki bónda í sjón - me

Það er eins og að nefna snöru í hengds manns húsi að hafa skoðanir á landbúnaði, þ.e. ef maður er ekki samansúrraður bændaaðdáandi.

Ég held að íslenska lambakjötið sé með því besta sem hægt er að fá og jafnvel þótt það væri hægt að kaupa erlent lamb myndi ég aldrei gera það.  Ekki þó það væri ókeypis.

En ég er þreytt á matarverðinu.  Ég er þreytt á því að nánast allir peningar fari í mat, amk. þannig að á þessu heimili er ekki mikið aflögu fyrir annað.

Ég læt ekki hvað sem er ofan í mig unnið kjöt er eitt af nónóum þessa heimilis.

En að kjarna málsins.  Einu sinni enn kemur þessi dulda hótun frá bændum, að þeir séu að hugleiða að bregða búi.

Fyrirgefið, þannig er lífið, ef þetta gengur ekki strákar mínir og það með alla þessi styrki sem þið fáið, þá er lífið stundum svona.  Maður snýr sér að öðru.

Ég veit að ég blaðra út í bláinn, þekki ekki bónda í sjón þó hann gargaði á mig, kann varla að beygja orðið, en ég kaupi afurðirnar frá honum og hef ekki eitt andskotans val um það.

Ég veit líka að það eru styrkir á styrkir ofan sem halda sumum bændum gangandi.

Er ekki hægt að samræma og skoða reksturinn upp á nýtt?

Það tíðkast í fjölbýlinu.

Arg, ekki gott að lesa þetta í morgunsárið.  Bændur pirra mig, sko ekki þeir persónulega heldur landbúnaðarstefnan.

Ef ég myndi hugleiða það að bregða búi af því að heimilisreksturinn gengur fyrir bjartsýninni einni saman þá myndi það ekki koma í Mogganum. 

Fólk myndi segja: Só?

Bændur hugleiða að bregða búi

Athugasemdir

[Birna Dis Vilbertsdóttir (IP-tala skráð) 25.8.2008 kl. 09:07]

.´Só ? Góð í morgunsárið

[Jónína Dúadóttir, 25.8.2008 kl. 09:11]

Já góðan daginn

[Guðríður Hrefna Haraldsdóttir, 25.8.2008 kl. 09:23]

Góðan dag, darling. Ansi hár matarreikningurinn á mínu heimili þrátt fyrir sparnað og aftur sparnað!

[Ía Jóhannsdóttir, 25.8.2008 kl. 09:32]

Alltaf er nú íslenska lambið best, við fáum það bara allt of sjaldan hér á þessu heimili.  Vona að það rætist úr þessu hjá bændum annars verðið þið bara að fara að kaupa norskt forekjött.  Oj bara þá vil ég frekar benda ykkur á það nýsjálenska, næstum alveg eins og okkar meeee.....

[Sigurður Baldursson, 25.8.2008 kl. 09:41]

Þetta er svossem alvg rétt hjá þér Jenny. Ég  er bóndi  reyndar kúabóndi en alveg sama, Það sem pirrar mig mest er það að þú kaupir lambalæri í búðinni á 1700 til 2000 kr kílóið  en bóndinn fær bara um 480 kr/kg frá sláturhúsinu fyrir lambið . Síðan  fær hann , ef hann á framleiðslurétt , greitt frá þér og öllum öðrum skattborgurum landsins eitthvað um 100 -150 kr /kg að auki.  En það er með þennan rekstur eins og allan annann að ef tekjurnar duga ekki fyrir gjöldum þá er útlitið svart. En mér finnst sjálfsagt að ræða það .

[Ásthildur Cesil Þórðardóttir, 25.8.2008 kl. 09:59]

Ætli hluti vandans liggi ekki einmitt í þessu litla orði "sláturleyfishafar" sum sé einokun.  Milliliðir sem ráða bæði verði út í búð og hvað bóndinn fær greitt.  Þetta eru nú orðið örfáir aðilar, sem einoka alla slátrun, og passa vel upp á sitt.  Til að lækka sláturkostnað held ég að þyrfti að gera skurk í að leyfa heimaslátrun í meira mæli.  Það er til dæmis óþolandi að bændur á Vestfjörðum skuli þurfa að aka með fé sitt í annan landsfjórðung, yfir a.m.k. fimm til sjö sauðfjárveikivarnagirðingar, með tilheyrandi sulleríi og tilheyrandi dauða lamba sem ekki þola troðning, eða ofkælingu nautgripa sem fluttir eru í opnum búrum beint úr hlýju fjósinu.  Hvar eru dýraverndunarsamtök hér ?  Þau hafa ekkert látið í sér heyra í sambandi við þessi mál.

Í noregi eru bændur með lítil hagkvæm sláturhús, sem þeir sameinast um.  Þaðan selja þeir svo sínar afurðir beint.  Svo eru líka til færanleg sláturhús á hjólum.  En "sláturleyfirhafar", vilja ekki svona samkeppni, þeir vilja alveg eins og L.Í.Ú hafa þetta allt í sinni helgreip, græða nóg og allt er þetta gert í nafni hagræðingar. 

Bændur eiga að fá leyfi til að slátra og vinna sitt kjöt sjálfir og selja fólkinu í þessu landi.  Þá værum við að tala um samkeppni.  Þess vegna er þýðingarmikið að þeir vinni áfram að hugmyndinni um Frá haga til maga.  Eða beint af býli.  Einokun er aldrei til góðs. 

[Hrönn Sigurðardóttir, 25.8.2008 kl. 10:06]

Segi eins og Sigurður Baldursson. Mér finnst sjálfsagt að ræða afkomuvanda sauðfjárbænda!

Ég les það nú ekki sem neina hótun af þeirra hálfu þótt þeir hugleiði að bregða búi! Ef maður lifir ekki af tekjum sínum er þá ekki bara sjálfsagt að hugleiða önnur úrræði? Útlitið hjá þeim er dökkt! Því verður ekki mótmælt!!

Ef ég væri með þeirra tímakaup þá væri ég að íhuga að skipta um vinnustað! 

[Jóhanna Magnúsar- og Völudóttir , 25.8.2008 kl. 10:23]

Veit lítið um þetta, en það sem ég veit er að maginn á mér er eins og ég sé komin 2 mánuði á leið vegna mikils lambakjötsáts um helgina = ég ber lamb undir belti!

[Jenný Anna Baldursdóttir, 25.8.2008 kl. 10:39]

Sigurður: Takk fyrir þetta.  Fróðlegt, ég veit minna en ekki neitt um þessa hluti.

Ásthildur: Sömuleiðis þín athugasemd.  Ég held að þetta sé athugandi, þetta gengur amk. ekki svona.  Kjötið er svo dýrt að það á sér enga hliðstæðu annars staðar.

Hrönn: Ég tek þetta sem hótum, eða orða það öðruvísi; þetta er ekki að gera sig, ef við fáum ekki aðstoð erum við hættir að framleiða.

[Jenný Anna Baldursdóttir, 25.8.2008 kl. 10:40]

Jóhanna: Ég ber lamb undir belti líka og maginn tútnar út.

Keli: Takk.

Ía: Vinkona mín hún Brynja (tengdó hennar Mayu minnar) keypti í kjötsúpu í fyrra (úti í London) af nýsjálensku.  Það var óætt algjör viðbjóður.  En hún hefur kannski lent á slæmu kjöti.

[Hrönn Sigurðardóttir, 25.8.2008 kl. 10:48]

...þá spyr maður sig! Er ekki í lagi að borga meira fyrir góða vöru?

Og þetta með hótunina! Jú jú það má svosem skilja það þannig! En það er líka oft þannig að ef við berum ekki úr býtum það sem okkur finnst við eiga skilið að fá er oft gripið til þessa ráðs! 

Hver þekkir ekki úrræðið að hóta því að segja upp vinnunni/eða að það hafi verið boðið betur í þig annarsstaðar en þú sért nú tilbúin að halda áfram: "ef þú færð hærri laun, bílastyrk, greiddan símakostnað ...... " eða hvað það nú er sem við viljum fá í gegn! 

[Ragnheiður , 25.8.2008 kl. 10:50]

Það eru milliliðir sem eru að ganga frá bændum, tek undir með Sigurði. Ég lít ekki á þessi ummæli sem hótun, frekar staðreynd.

Rekstrarumhverfi bænda er ansi erfitt.

Ég myndi vilja fá að kaupa beint lambakjöt frá búinu, milliliðalaust.

Ég tek hinsvegar undir hjá þér með að erlent lambakjöt myndi ég ekki kaupa.

[Jenný Anna Baldursdóttir, 25.8.2008 kl. 11:03]

Hrönn: Er ekki í lagi að borga meira fyrir góða vöru?  Jú en þú verður að hafa val um annað.  Hér erum við tvö í heimili ég kaupi það sem hugnast mér.  Það er ekki mannmargt á þínu heimili heldur.

En stór hluti íslensku þjóðarinnar eru barnafjölskyldur.  Ég held að þær hafi margar ekki efni á að borga meira fyrir betri vöru.

Í staðinn er verið að kaupa unna kjötvöru ofan í krakkana og það er gert í skólamötuneytum líka.  Börnin eiga betra skilið.

Ragga: Sammála.

[SE (IP-tala skráð) 25.8.2008 kl. 11:05]

Hér er reyndar hægt að kaupa lambakjöt beint frá bónda.  Þetta er ekki stórt en endilega skoðið það sem hafið áhuga. http://www.austurlamb.is

[Ragnheiður , 25.8.2008 kl. 11:18]

Kærar þakkir SE

Þetta set ég strax inn hjá mér, ég hef verið að leita að þessu um allt

[Jenný Anna Baldursdóttir, 25.8.2008 kl. 11:28]

Takk SE, prufa þetta.

[Hrönn Sigurðardóttir, 25.8.2008 kl. 11:30]

Takk fyrir þetta SE! Ég keypti einu sinni kjöt af Austurlambi - var að reyna að rifja upp hvaðan ég hafði keypt það! Mjög gott kjöt!! Mæli með því

[Hrönn Sigurðardóttir, 25.8.2008 kl. 11:31]

Jenný! Vissulega er mitt heimili ekki þungt! Sé samt ekki hvað það kemur vanda sauðfjárbænda við!

[Jenný Anna Baldursdóttir, 25.8.2008 kl. 11:36]

Hrönn: Þú hefur bloggað nánast jafn lengi og ég.

Við höfum átt ágætis samskipti.

Það er í fínu að hafa ólíkar skoðanir en í gær og í dag ertu á bakinu á mér kona.

Var ég valin sérstaklega? 

Þú talar um að það sé í lagi að borga betur fyrir góða vöru.

Þá ertu væntanlega að tala um sjálfa þig.

Þess vegna bendi ég á að fámörg heimili eru ekki aðal fórnarlömb glæpsamlega háu matarverði.

Capíss?

[Jenný Anna Baldursdóttir, 25.8.2008 kl. 11:41]

Fámörg heimili, hm..  á að vera fámenn heimili.  Jájá.

[Brjánn Guðjónsson, 25.8.2008 kl. 11:51]

hallelúja!!

láttu samt ekki Guðna heyra til þín. öll gagnrýni á hans ástkæra miðstýrða niðurgreiðslukerfi veldur honum of háum blóðþrystingi

[Elísabet Sigurðardóttir, 25.8.2008 kl. 11:58]

Ætla að kíkja á Austurlamb, takk SE. 

Ég er svo hjartanlega sammála með börnin, það væri langeinfaldast og ódýrast að vera með þau á unnum kjötvörum en auj það er ógeð og mjög óhollt, ég vil ekki sjá þennan mat á mínu heimili en það er meira en að segja það að kaupa bara hollan mat, miklu dýrara. 

[Hrönn Sigurðardóttir, 25.8.2008 kl. 12:05]

Farðu nú ekki að persónugera þetta!

Mér líkar ljómandi vel við þig! Ég er bara ekki sammála þér! Ekki í dag og ekki í gær!! 

[Sigrún Jónsdóttir, 25.8.2008 kl. 12:05]

Ég held að flestar þjóðir og þjóðasambönd (ESB) stundi niðurgreiðslur á sínum landbúnaðarvörum.  Ég tek undir með þeim sem telja að milliliðir s.s. sláturhús og aðrir umboðssölumenn eigi stærsta sök á "okrinu".

Síðast þegar ég borðaði "Nýsjálenskt" yfirgnæfði lopakeimurinn kjötbragðið....algjörlega óætt!

Ég kaupi ekki íslenskt lambakjöt, nema um Jólin......hef einfaldlega ekki efni á því! og ég er mjög fámennt heimili....bara ein.

[alva (IP-tala skráð) 25.8.2008 kl. 12:22]

já, það eru milliliðirnir sem eru að drepa niður fjár búskapinn hér á landi, ég þekki marga bændur og þeir eru að sligast og þá skiptir ekki máli hvort búin eru stór eða lítil og vinna þeir nánast allir við eitthvað annað samhliða sinni búgrein og hrikalegt vinnuálag á þeim og þeirra fjölskyldum. Það er hrikalegt okur á milliliðunum, þeir bera ábyrgðina á því að bændur eru að fara á hausinn eða að sligast vegna vinnuálags, því þetta snýst ekki bara um það að slátra og koma kjötinu í verslanir, það þarf að fóðra dýrin, bera á túnin og hirða þau, halda við útihúsum og annað, gefa alskyns bóluefni, rýja og ég veit ekki hvað, þarna eru líka milliliðir sem eru viðbjóslega dýrir...og dýralæknar, þar er nú meira helvítis okrið + það að það er varla hægt að fá dýralækni á bæina, þeir eru svo fáir á Íslandi.  En fólk almennt gerir sér ekki grein fyrir öllum aukaliðum í þessu.

kveðja frá sveitastúlku..

[Jenný Anna Baldursdóttir, 25.8.2008 kl. 12:36]

Hrönn: Alltaf gott þegar fólk fer að segja skoðanir sínar.  Til hamingju og tuðaway.

Alva: Takk fyrir upplýsingar.

Sigrún: Svíarnir segja að lambakjöt bragðist eins og golla.  Hvað sem til er í því.

[Hrönn Sigurðardóttir, 25.8.2008 kl. 12:47]

Bíddu! Ertu þá að segja að ef ég er ekki á sama máli og þú þá sé ég að tuða?

[Ía Jóhannsdóttir, 25.8.2008 kl. 13:25]

Um..... ekki sammála með þetta Nýsjálenska, e.t.v. hefur bæði Brynja og Sigrún fengið gamlan sauð, þetta verður að vera lítið lamb svona oggu sætt meee.... bauð einu sinni fólki hér í mat og átti einn ísl. hrygg í frysti en vantaði ábót, keypti Nýsjálenskt og steikti báða um leið.  Það fann engin mun og þetta voru allt landar mínir sem ég bauð hingað í mat. 

Elskiði svo friðinn stelpur mínar. 

[Jenný Anna Baldursdóttir, 25.8.2008 kl. 13:36]

Nei, ég er að segja að þetta er orðið þreytandi.  Já og þegar fólk getur ekki hætt þá er það tuð.

Viltu ræða sauðfjárbændur eitthvað meir?

Ía: Þetta er misjafnt ábyggilega hvernig kjöt maður fær.

[Hrönn Sigurðardóttir, 25.8.2008 kl. 13:46]

Alltaf gott að hafa skilgreiningarnar á hreinu

[Ragnheiður , 25.8.2008 kl. 13:48]

En hvurn röndóttan á ég að éta þegar verður búið að koma sauðfjárbændum á hausinn ?

Ég hef áhyggjur af þessu !!

En ég ætla að panta hjá www.austurlamb.is

[Jenný Anna Baldursdóttir, 25.8.2008 kl. 13:54]

Ég er að pæla í því Ragga af hverju maður þarf að panta á sértökum bæ, ég veit ekki hvort það er munur á bæjum.  Ég vil heiðalamb.

Láttu mig vita ef þú finnur út úr þessu.

[Ragnheiður , 25.8.2008 kl. 14:00]

Það er ekki málið, veldu Hákonarstaði. Það ætla ég að gera .

[Jenný Anna Baldursdóttir, 25.8.2008 kl. 14:08]

Ókí en verð ég að kaupa heilt lamb?

Spurning um geymslu. Ók, redda því.  Ertu búin að panta?

[Ragnheiður , 25.8.2008 kl. 14:14]

Ég er ekki búin að panta, vantar frystipláss í augnabliki en ætla að leggja það fyrir nefnd á eftir. Sko þegar nefndin kemur heim úr vinnunni.

Það eru mismunandi pakkingar þarna, smellir bara á austurlamb 1-4 og þá sérðu hvað innihaldið er.

Svo er greinilega hægt að kaupa bara lærin undan rollunum eða hryggina ofan af þeim. Svaka patent..!

[Jóhanna Magnúsar- og Völudóttir , 25.8.2008 kl. 15:35]

Meeeeee.....

[Hrönn Sigurðardóttir, 25.8.2008 kl. 15:35]

Við skulum ræða sauðfjárbændur!

Þú segist ekki þekkja þá í sjón. Ég þekki þá marga og kannast við enn fleiri!! Þeir hafa það skítt – þrátt fyrir alla þá styrki sem þú og fleiri eru að sjá ofsjónum yfir til þeirra! Þeir vinna baki brotnu og koma með ágætis kjöt á markað sem þú, ég  og vonandi fleiri hafa ánægju af að bæði elda og borða. Margir hverjir vinna önnur störf samhliða bústörfum. Í sauðburði vaka þessir bændur svo til sólarhringunum saman yfir lambánum og á haustin fara þeir um fjöll og firnindi við misjafnar aðstæður í öllum veðrumog safna fénu saman til slátrunar.

Eitt að lokum! Það kæmi mér ekki á óvart þótt mogginn slægi því ekki upp á forsíðu að þú værir að hugleiða það að bregða búi enda mér vitanlega ekki í neinni framleiðslu!  Ég mundi persónulega sjá meira eftir þeim bændum sem bregða búi sínu vegna framfærsluerfiðleika.

[Jenný Anna Baldursdóttir, 25.8.2008 kl. 15:37]

[Jenný Anna Baldursdóttir, 25.8.2008 kl. 15:55]

Ó Hrönn las ekki seinni málsgreinina fyrr en núna.

Var einhver að tala  um að gera þetta ekki persónulegt!

[Steingrímur Helgason, 25.8.2008 kl. 17:44]

Það er bara blezzuð blíðan, hvað segja bændur við því, bregða búi ?

Mitt ket mætir á mitt heimili á fæti, bóndinn rukkar eitt Bónusbúðarlæri fyrir gjörvallann vel heiðaralinn skrokkinn & telur það hinn besta díl.  Alltént betri en hann fær frá sláturhafa, með styrkjum.

[Jenný Anna Baldursdóttir, 25.8.2008 kl. 22:56]

Ég ætla að panta mér lamb frá austurlamb.  Það er díll.

[Steingrímur Helgason, 26.8.2008 kl. 00:22]

Éttu þá þetta ofan í kjattinn á þér,.

(einz & lángafi zagði....)