Snilld dagsins, Erill í startholum og ég í krúttkrampa

Takið eftir, takið eftir, þessi færsla er ekki um handbolta.

Hún er meðal annars um Eril sem er nýbúinn að láta taka af sér þessa mynd.

Það er hreinlega ófrumlegt að halda áfram að dæla færslum um handbolta inn í cypertómið.

Við unnum, ég er glöð, þið eruð glöð.  Get over it.

En þessi færsla er líka um Dorrit ofurkrútt og dúllurass.  Hún er flott þessi kona, klár og frábær, hún er pr-kona ársins.

Mér finnst að Óli og Dorrit eigi bara að vera á launum sem péerristar fyrir Ísland.

Við droppum þessum forsætiskjaftæði.

"Ísland er stórast í heimi" er setning ársins og ég bölva mér upp á að hún á eftir að öðlast vængi. Þessi setning gerir það líka að verkum að mig langar að kasta mér í vegg í heví  krúttkrampa.

En..

Ég held að þjóðin taki Ólaf bókstaflega og haldi þjóðhátíð í kvöld og svei mér skal ég hundur heita ef Erill, helvítið á honum er ekki búinn að fara í ríkið og birgja sig upp, kaupa lambleifar á grillið og er að pússa skóna sína í þessum töluðu orðum..

Innsæi mitt og spádómsgáfa segir mér að í fyrramálið munu fyrirsagnir sjást í miðlum sem hafa nafn Erils í fyrirsögnum og það ekki á jákvæðu nótunum.

Ég fer ekki í ríkið enda óvirkur alki í dag sem alla aðra daga burtséð frá íþróttaafrekum heimsins og jákvæðum lífsmörkum frá dómsmálaráðuneyti.

En það er skrýtin tilfinning að vera ánægð með Björn Bjarnason, en það er ég að upplifa núna í allra fyrsta sinn.  Þetta venst örugglega.

Paul Ramses kemur heim.

Það er snilld dagsins.

Þegar Dorrit veifaði

Athugasemdir

[Jóhanna Magnúsar- og Völudóttir , 22.8.2008 kl. 17:00]

Les það fyrst hér hjá þér að Paul Ramses komi heim, þetta er aldeilis stórastur dagur í langan tíma  .. gleði, gleði, gleði ..

[Jóhanna Magnúsar- og Völudóttir , 22.8.2008 kl. 17:03]

p.s. You are so DEEP PURPLE .. þessi litur gerir mig skyggna  

[Jenný Anna Baldursdóttir, 22.8.2008 kl. 17:04]

Hehe, ég er svo andleg þessa dagana Jóka mín.

[Brynja skordal, 22.8.2008 kl. 17:19]

Bara krúttfærsla en ég ætla að nota mína sæluvímu án áfengis og knúsa og lúlla með ömmukrílum það er besta víman

[Ragnheiður , 22.8.2008 kl. 17:38]

Ég þarf ekki vímu til að halda hátíð.

Ég er samt hálf undarleg í dag, í fyrsta sinn er ég ánægð með Björn Bjarnason. Ég er ekki alveg viss um að mér líki tilfinningin en ég ætla að kyngja henni fyrir Paul.

[Rut Sumarliðadóttir, 22.8.2008 kl. 18:15]

Svo glöð yfir þessum málalokum. til hamingju fjölskylda.

[Jónína Dúadóttir, 22.8.2008 kl. 20:00]

Segi það líka, þeir unnu, auðvitað frábært, allir glaðir, ekki ofgera  Ramses á heimleið og við eigum flotta forsetafrú

[Ía Jóhannsdóttir, 22.8.2008 kl. 20:07]

Ja hérna allir bara í krúttkasti yfir Dóríði, en ég bíð rosalega spennt eftir sunnudeginum hún fer örugglega í splitt á vellinum ef við vinnum gullið.  Strákarnir okkar eru bara flottastir og standa sig með sóma.

[Sólveig Kristín Gunnarsdóttir, 22.8.2008 kl. 20:57]

Nú veit ég ekki svo mikid um Dorritt, en er ekki fínt ad hún sé svona ánægd med land og thjód. Annars má madur alveg fara í splitt og spígat yfir árangri landslidsins. og líka drekka sig hálf eda heilfullan ef mann langar til thess. (ég væri alveg til í ad fá mér smá bjór yfir leiknum, en er med barn á brjósti svo thad verdur ad bída betri tíma)

[halkatla, 22.8.2008 kl. 21:13]

110% sammála

[Jóna Á. Gísladóttir, 22.8.2008 kl. 22:20]

you purple woman, you.

Ég er sko ekki komin yfir þennan leik í dag. og ef ég hefði ekki verið stödd innan um vinnufélaga þá hefði ég svo sannarlega farið að brynna músum. En ég hélt aftur af mér. Verð að halda hörku-kvendis-standarnum í vinnunni.

Mér líst vel á þetta með spíkatið hennar Dorrit og skora hér með á hana.

Ísland er stórast... er krúttleg setning og hefur nú þegar fengið vængi.

[Steingrímur Helgason, 22.8.2008 kl. 22:22]

Með pírð augun, rýnandi gegnum 'skezzulúkkið' sé ég að þú ert líklega að blogga um handbolta ???

Kvuzzweggna ?

[Laufey B Waage, 22.8.2008 kl. 22:53]

Já þetta er stórkostlegt með Paul Rames. Vona að honum og fjölskyldunni eigi eftir að líða vel á Íslandi.

Og auðvitað er Dorrit ofurkrútt og dúllurass. 

[Huld S. Ringsted, 22.8.2008 kl. 23:23]

Mig langar líka að kasta mér í vegg í krúttkrampa yfir þessari setningu hennar Dorrit, hún er bara krútt sigurinn var góður hjá strákunum en ánægðari var ég þó yfir fréttinni um Paul Ramses, hún ein orsakar fjöldaveggjakast!

[Jenný Anna Baldursdóttir, 23.8.2008 kl. 00:35]

Ég verð að blogga  um mál dagsins Szteingrímur.

Hehe, þið eruð jafn biluð og ég.

[Jenný Anna Baldursdóttir, 23.8.2008 kl. 00:35]

Fær myndin ykkur ekki til að verða morðóð?

Djöfuls plebbi þessi maður.

[Marilyn, 23.8.2008 kl. 14:26]

Það er eitthvað að gerast með íslensku ánægjuvogina ;)