Jia-you Maó formaður

Húsband (spenntur): Hvernig fór leikurinn í morgun?

Ég: (kúl eins og agúrka): Við unnum sá ég á blogginu.

Hb: Ha, unnum við, váváá, veiveivei, ég meina það, algjör gapandi brilljans.  Ertu ekki glöð?

Ég: Ha, jújú, en það var ekki verið að leysa hungurvandamál heimsins, rólegur á gleðilátunum.

Hb: Gerir þú þér enga grein fyrir hvað þetta er mikið afrek, við erum komin í úrslitabaráttuna??

Ég: Jú ég heyri það og sé bæði á þér og bloggheimum.  Þið eruð í skýjunum yfir strákunum "ykkar".

Hb: Hvernig er hægt að verða ósnortinn?  Og Þorgerður Katrín á leiðinni út aftur bara allt að gerast (hér læddist kvikindislegt glott yfir ásjónu eiginmanns, hann veit hvað ég er viðkvæm fyrir ferðalögum ráðamanna til Kína).

Ég (kuldalega): Villtu ekki slást í för með henni bara.

Hb: Þú ert algjört gleðispillir.  Þetta er stórkostlegt fyrir Ísland.

Ég: Jia-you Þorgerður Katrín, Jia-you þú elskan og Jia-you Mao formaður.

Hb. Ha???

Ég var búin að lesa Moggann ekki hann. 

1-0 fyrir mér.

Úje

Jia-you Is-land

Athugasemdir

[Signý, 20.8.2008 kl. 23:10]

HAHAHAHAHA! Greyið maðurinn... Hann á ekki breik...

[Brjánn Guðjónsson, 20.8.2008 kl. 23:11]

[Brjánn Guðjónsson, 20.8.2008 kl. 23:13]

þetta átti sko að vera Maó. kannski hann sé bara orðinn að hringi, þríhyrningi og ferningi eftir öll árin í gröfinni

[Sigrún Jónsdóttir, 20.8.2008 kl. 23:19]

Jia-you Jenny Anna

[Jenný Anna Baldursdóttir, 20.8.2008 kl. 23:19]

Signý: Þessi maður tekur mig svo illilega stundum í orðaskylmingum að ég skríð næstum undir borð.  Eilífar skylmingar aldrei leiðinlegt. Þess vegna elska ég manninn.  Hann er með munninn fyrir neðan nefið.  Að þessu sinni vann ég.  Muhahahaha,

Brjánn: Ég var síst að skilja í hvaða ferhyrningur þetta væri.  hehe.

[Jenný Anna Baldursdóttir, 20.8.2008 kl. 23:20]

Sigrún: Sömuleiðis.

[Hrafnhildur Ýr Vilbertsdóttir, 20.8.2008 kl. 23:31]

Jenný mín...kínamenn eru á horni Skólavörðustígs og Óðinsgötu það er hægt að fá tíma með skömmum fyrir vara allt til 11 á kvöldin, síminn er að ég held 5527305. Kannski við hittumst þar um helgina....það væri frábærtjá meðan ég man...þeir taka bara pening, engin kort.

Þorgerður fer til kína en þú ferð og hittir kínamenn....

[Jenný Anna Baldursdóttir, 20.8.2008 kl. 23:32]

Hrafnhildur: Jia-you darling.

Ég hringi.  Takk.

[Linda litla, 20.8.2008 kl. 23:41]

Já eru þetta ekki strákarnir "okkar" þegar allt gengur vel ??? En ekki ef að það gengur illa.

Knús..

[Lilja Guðrún Þorvaldsdóttir, 21.8.2008 kl. 00:25]

  Jia-you Jenný Anna !!!!!

[Edda Agnarsdóttir, 21.8.2008 kl. 00:26]

Hrikaleg hló ég af myndinni hans Brjáns af Maó!

Annars er húsbandið þitt snillingur.

[Tína, 21.8.2008 kl. 06:18]

Úfffffffff ég er nú bara spennt að fá ykkur hjónin í búðina til mín!!!! Held ég að það verði stuð.

Knús á þig elskulegust og haltu endilega áfram að vera þú. Enda ertu frábær með eindæmum.

[Ía Jóhannsdóttir, 21.8.2008 kl. 06:50]

Hehehhe ég fékk svona yfirholningu með kvöldmatnum í gær.  Veistu við erum komin í úrslit, það er bara allt brjálað í handboltaheiminum á Íslandi, Þorg. Katrín ætlar út og Dorrit kyssir alla.  Jia- you so what!

Mér gæti ekki staðið meir á sama og ekki ætla ég að hoppa hæð mína ef þeir fá bronsið eða veifa fána hér um allar sveitir.

Annars er bara kominn góður og nýr dagur held ég.

[Jónína Dúadóttir, 21.8.2008 kl. 07:19]

Góðan daginn heillin, hver er staðan í handboltaheiminum í dag

[Huld S. Ringsted, 21.8.2008 kl. 09:19]

Haha ekkert ósvipaðar samræður eiga sér stað á mínu heimili........handbolti hvað??