"Go Oli, go, go, go"

 

Við Britney eigum eitt sameiginlegt.  Við elskum að þrífa og búa til kvöldverð.

Í mínu tilfelli er engin húshjálp til að rífa af mér þessi uppáhaldsverkefni mín en Britney greyið er ekki eins heppin, hún er með húshjálp sem eyðileggur oftar en ekki fyrir Britneyju á þessum vettvangi.

Ööömurlegt fyrir stelpuna.

Annars er ég að ljúga, mér leiðist að þrífa en ég hef sætt mig við ástand sem ég fæ ekki breytt.  Fyrir löngu reyndar.  Málið er að ef maður tilheyrir ekki Bónusfeðgum, Landsbankamógúlnum eða bresku konungsfjölskyldunni þá er nokkuð ljóst að maður þarf að taka sér kústa, klúta og moppu í hönd með reglulegu millibili.

En klaufaskapurinn sem ég sagði ykkur frá í færslunni hér á undan var ekki einangrað tilfelli vegna álags út af borgarmálum.  Ónei.  Hlutir héldu áfram að gerast. 

Þannig vildi til að ég bakaði æðislegt pæ til að hafa sem eftirrétt og meiningin var að bjóða húsbandi upp á volga sneið með þeyttum rjóma.

Ég henti á mig svuntu sem á stendur "Go Oli, go, go, go" og byrjaði að þeyta rjómann.

Ég þeytti og þeytti og þeytti og þeytti.  Rjóminn breyttist ekki í skálinni nema hann varð svona froðulegur og skrýtinn.

Ég alveg: Svona er sumarrjóminn hann þeytist ekki eða alveg ferlega illa. Lalala. Brrrrrrrrrrrrrrrrrr og áfram hélt ég.  Tíu mínútum og mögnuðum fingrakrampa síðar gafst ég upp því þá var rjóminn eins og já .. ég fer ekkert nánar út í það.

Og ég teygði mig í rjómafernuna og sjá, ég var að þeyta matvinnslurjóma.

En það getur nú komið fyrir alla.

Eþaeggi?

Britney elskar húsverkin

Athugasemdir

[Steingrímur Helgason, 15.8.2008 kl. 23:16]

Þetta kemur fyrir lángbezda fólk....

(Jamm, mig líka...)

[Ester Sveinbjarnardóttir, 15.8.2008 kl. 23:33]

Ómægod.. hélt að þetta gerðist bara hjá mér :)

[Jón Bragi (IP-tala skráð) 15.8.2008 kl. 23:57]

Hæ Jenny

Ég var að lesa um ömmubarnið þitt sem ekki taldi það vera sitt mál að tína upp af gólfinu. Frábært!

Ég á því miður ekki börn eða barnabörn. En ég á mörg systkynabörn sem ég er í góðu sambandi við.

Í fyrrasumar var ég mikið með systursyni mínum að veiða og svoleiðis. Og þegar hann hafði fengið nóg af liðinu heima sagði hann: "Næst þegar Jón Bragi frændi minn kemur hingað, þá ætla ég að pakka niður mínu dóti og fara með honum til Svíþjóðar. Og þú mamma þarft ekkert að spyrja hann hvort ég megi það. Við Jón Bragi erum vinir og getum talað um það sjálfir".

[Edda Agnarsdóttir, 16.8.2008 kl. 00:19]

Góður þessi hérna á undan mér!

Annars bara góð og mundu næst þegar þetta hndir þig með rjómann, þá seturðu bara 2 stífþeyttar eggjahvítur út í og þá er komin ágætis þeytirjómi!

(lærði þetta af Gísellu)

[Þóra (IP-tala skráð) 16.8.2008 kl. 00:45]

Ertu ekki ánægð að fá konu sem Borgarstjóra?

[Hrönn Sigurðardóttir, 16.8.2008 kl. 00:52]

Ég legg til að þú hættir að fylgjast með pólitík og hugir að einhverju öðru.... Þetta er hvort sem er alltaf sama sagan

[Lilja Guðrún Þorvaldsdóttir, 16.8.2008 kl. 01:15]

   Guð sé lof að það er ekki skipt um Borgarstjóra nema svona ársfjórðungslega. - 

  Hvernig heldurðu að væri komið fyrir þér,  ef það væri skipt út 1x í mánuði.  

[Edda (IP-tala skráð) 16.8.2008 kl. 02:46]

Ha, ha, ha  ... sammála síðasta "ræðumanni"  

[Lilja G. Bolladóttir, 16.8.2008 kl. 04:25]

Æ Jenný mín, þú ert nú bara yndisleg ....

[María Guðmundsdóttir, 16.8.2008 kl. 04:38]

 jújú...svona kemur fyrir besta fólk sko....

[Jónína Dúadóttir, 16.8.2008 kl. 07:02]

Áttu í alvöru svona svuntu ?

[Linda litla, 16.8.2008 kl. 09:09]

ha ha ha

[Tína, 16.8.2008 kl. 09:29]

Ég er alveg að sjá þig fyrir mér þarna í eldhúsinu að reyna að koma viti fyrir fjandans rjómanum. Annars er ég talin frekar góður kokkur en er einhverra hluta vegna er mér lífsins ómögulegt að þeyta rjóma, þannig að ég kaupi bara gervirjóma og allir sáttir við það.

Knús á þig frábæra kona og takk fyrir öll knúsin þín. 

[Anna Margrét Bragadóttir, 16.8.2008 kl. 09:33]

[Jenný Anna Baldursdóttir, 16.8.2008 kl. 09:36]

Tína: Takk sömuleiðis.

Jónína: Nebb, var að ljúga, fannst bara krúttleg tilhugsun um að eiga svona svuntu nú þegar Óli er going.

Lilja Guðrún: Segðu, ég þoli ekki mikið meira.

[Jenný Anna Baldursdóttir, 16.8.2008 kl. 09:38]

Edda: Takk kærlega, aðeins of seint í rassinn gripið en samt gott fyrir næsta skipti.  Hahahaha

Jón Bragi: Takk fyrir að deila þessu.  Börn eru dúllur.

Hrönn: Það skiptir ekki máli þó þetta sé það sama.  Einkum og sérílagi þess vegna verðum við að vera á verði.

[Jenný Anna Baldursdóttir, 16.8.2008 kl. 09:39]

Þóra: Ég hef lengst af verið mjög ánægð með HB sem stjórnmálamann þó ég sé algjörlega ósammála henni í pólitík.  Ég er ekkert sérstaklega ánægð með að hún skuli verða borgarstjóri, hún er einfaldlega búin að klúðra borgarmálunum of oft.

Steingrímur: Gott og þið hin líka sem hafið gert þessi mistök.  Stofnum stuðningshóp.

Takk öll fyrir þátttöku.