Fyrirgefið á meðan ég garga mig hása

Orðið ljósmóðir er eitt það fallegasta í íslenskri tungu og að mínu mati er starf ljósmóður eitthvað það merkilegasta sem hægt er að hafa með höndum.  Í mínum huga eru þessar konur mikið meira en bara heilbrigðisstarfsmenn, þær eiga alveg sérstakan stað í hjarta mínu og ég er full þakklætis í þeirra garð.

Hjúkrunarfræðingar og annað starfsfólk spítalanna nýtur líka sérstakrar virðingar í mínum huga, það er eitthvað svo stórt og merkilegt við fólk sem vinnur við að bjarga lífi annarra og annast um okkur þegar við erum veik og aum. 

Ég gæti líka talið upp endalaust af fólki sem sinnir öðrum og hefur það að lífsstarfi.  Leikskólakennarar, fólkið sem sinnir öldruðum og á endanum allur sá aragrúi kvenna sem þrífur skít í öllum þeim stofnunum sem sjá um manneskjur.  Þið vitið hvað ég meina.

Og ég er þreytt á að sjá lítilsvirðinguna sem "hið opinbera" sýnir þessu fólki þegar kemur að því að greiða því fyrir vinnuna sína.

Hver króna er talin eftir, það er reynt að blóðmjólka starfskraftana og nú er yfirvofandi brotthvarf ljósmæðra úr starfi vegna launa sem ég persónulega skammast mín fyrir að séu greidd þeim sem taka á móti börnunum okkar og hjálpa foreldrunum með fyrstu skrefin í foreldrahlutverkinu.

Ég er svona við það að springa.

Það er svo ekki á það bætandi þegar einn einn stjórinn og það stjórinn á Lsp. fær 25% launahækkun, fer upp í 1.618.56 á mánuði.

Hann stjórnar batteríinu og fyrirgefðu maður/kona sem ert í djobbinu, finnst þér ekkert siðlaust við þetta fyrirkomulag á meðan fólkið á "plani" fær ekki það lítilræði, sem það á svo sannarlega rétt á, fyrir að halda þessari stærstu heilbrigðisstofnun okkar Íslendinga gangandi?

Ég er svona uþb. að fá endanlega nóg af þessari jakkafatahugmyndafræði sem tröllríður þjóðfélaginu.

Mat á mikilvægi í þessu þjóðfélagi er svo karllægt að það er að verða óþolandi að horfa upp á forgangsröðunina í launamálum og öðrum málum líka reyndar.

Fífl.  Aljgörir jeppar til höfuðsins þetta lið.

Laun forstjóra Landspítala hækka

Athugasemdir

[Hulda Elma Guðmundsdóttir, 11.8.2008 kl. 09:04]

Hjartanlega sammála þér. Og hún ríður ekki við einteyming, jakkafatahugmyndafræðin, gekk alveg fram af mér þegar íslenska Ol. liðið gekk inn á völlinn á setningarhátíðinni - í jakkafötum. Karlaveldi íþróttahreyfingarinnar kom þar berlega í ljós.

[Jóna Á. Gísladóttir, 11.8.2008 kl. 09:11]

Ja hérna. Afhverju kemur þetta ekkert á óvart?

[Kolgrima, 11.8.2008 kl. 09:21]

Ekki ertu að tala um kynbundinn launamun, kona? Þessi hækkun forstjórans er eins og blaut tuska framan í ljósmæður og allar hinar sem vinna á spítulum.

Gerir ríkisstjórninni dálítið erfitt fyrir að tala um að nú sé ekki rétti tíminn til að hækka laun!

[Hrönn Sigurðardóttir, 11.8.2008 kl. 09:22]

Sammála þér! Það kraumar í mér reiðin!

[Hulla Dan, 11.8.2008 kl. 09:34]

Sammála hverju orði og finnst þetta siðlaust.

Mér finnst að þeir sem passa það dýrmættasta í lífinu okkar... börnin, þeir sem vinna við að bjarga lífum, hjálpa nýjum lífum inn í þennan heim og þeir sem annast foreldra okkar og ættingja þegar þeir eru ófærir um það sjálfir... eigi að fá laun samkvæmt því. 

Knús á þig Jenný

[Bjarni Kjartansson, 11.8.2008 kl. 09:49]

Alveg er það furðulegt, hvað menn geta verið blindir á svona lagað og GERSAMLEGA TAKTLAUSIR.

Hvernig í ósköpunum getur það gerst, að einmitt í miðju kafi launaviðræðna, bæði við lækna, hjúkrunarfólk, ljósmæður og í raun flesta starfsmenn í umönnunarstörfum, hvar MARGÍTREKAÐ ER SAGT AÐ EKKI SÉ TIL FÉ og að til að senda EKKI misvísandi skilaboð út í þjóðfélagið, --hækki æðsti stjórnandi Landspítalans svona ÓFORVARENDIS um 25% í launum miðað við forvera sinn?????????????????

Svona GERA menn EKKI!!!!!!!!!!!!!!!!!!!

Miðbæjaríhaldið

hissa,--nei,--- gersamlega bit.

[Ásthildur Cesil Þórðardóttir, 11.8.2008 kl. 09:49]

Algjörlega sammála þér með þessa jakkafatadýrkun.  Ofurlaunagaurar versus öskubuskur.  Andstyggilegt bara.

[Þröstur Unnar, 11.8.2008 kl. 09:49]

Er eiginlega sammála með þarna jakkafatatilvitnunina.

kv

Ljósfaðir með jeppadellu.

[Sigrún Óskars, 11.8.2008 kl. 10:09]

Flott orð: jakkafatahugmyndafræði. Sá sem fær stöðuna klæðist einmitt jakkafötum.

[Jónína Dúadóttir, 11.8.2008 kl. 10:26]

Helvítis ósvífnin ríður ekki við einteyming....

[Lára Hanna Einarsdóttir, 11.8.2008 kl. 10:29]

Ljósmæður annarst fyrst og fremst konur og börn, ergo: Ekki þess virði.
Nýr forstjóri Landspítalans þarf að fá vel borgað fyrir að greiða sem best fyrir einkavæðingu heilbrigðisþjónustunnar, ergo: Mikils virði.

Eða hvað? 

[Emma Agneta Björgvinsdóttir, 11.8.2008 kl. 10:32]

ljósmóðir er mjög fallegt orð og að sjálfsögðu ætti að virða starf þeirra og hækka launin

[Edda Agnarsdóttir, 11.8.2008 kl. 10:40]

Andstyggð.

[Einar Indriðason, 11.8.2008 kl. 10:44]

Svei!  Fólkið á "planinu" má éta það sem úti frýs... Annað dæmi um svona, er lögreglan.  SVEI!

[rut sumarliðadóttir (IP-tala skráð) 11.8.2008 kl. 10:56]

Fussum svei. Lára Hanna hittir naglann á höfuðið, get ekki orðað þetta betur.

[Brjánn Guðjónsson, 11.8.2008 kl. 11:48]

ég er fyllilega sammála þér, utan þess að kalla þetta karllægt. þetta er einfaldlega hreint og klárt siðleysi og ég tel siðleysi ekki fara í kyngreiningarálit.

[Jenný Anna Baldursdóttir, 11.8.2008 kl. 11:52]

Þegar ég tala um "karlaheim" og "karlæga" hluti er ég ekki að beina sjónum mínum að karlmönnum almennt heldur því viðhorfi sem ríkir í þjóðfélaginu sem er stjórnað og uppbyggt af körlum.

Þetta er spurning um hugmyndafræði.  Ekki persónur.

[Hólmdís Hjartardóttir, 11.8.2008 kl. 12:17]

heyr heyr

[Skotta (IP-tala skráð) 11.8.2008 kl. 13:26]

Samála þér í öllu nema því að þetta sé karllægt, mín reynsla er nú sú að konur eru konum verstar. Er kona og hef þessa reynslu.

[Laufey Andrea Emilsdóttir (IP-tala skráð) 11.8.2008 kl. 16:43]

Algjörlega sammála þér, er hjúkrunarfræðingur og er nýbúið að semja um launin mín. Þar sem hluti af okkar hlunnindum geðhjukrunarfræðinga var saminn burt til að hækka upp heildarlaunin???  og Yfirvinnukaupið okkar lækkað líka ?? Þetta er svo mikið andskotans svindl alltaf að ég er alltaf að springa úr reiði yfir þessu öllu. Og þetta kemur eins og blaut tuska undin uppúr klósettinu framan í okkur umönnunarstéttirna sem þurftum að hóta verkfalli til þess að talað væri við okkur og svo var það ekki einu sinni af viti. Er líka reið út í verkalýðsfélagið mitt sem gat ekki staðið sig betur í þessum samningaviðræðum.

[Anna Benkovic Mikaelsdóttir, 11.8.2008 kl. 22:33]

ó hvað þetta er flott færsla...takk"