Tónleikasalur öreiganna

Ég er ekkert svakalega hrifin af Clapton en hann er auðvitað gítarsnillingur.

Ég get ekki fyrirgefið honum að hafa stungið undan Harrison (jeræt).

En það er að koma út ævisaga kappans á íslensku, þýdd af vini mínum Orra Harðarsyni, snillingi.  Ég les allt um rokk sem kemur út og bíð spennt.

Og svo las ég að karlinn hafi valið Ellen Kristjánsdóttur til að hita upp fyrir sig.  Fyrirgefðu Clapton en ég er hrifnari af Ellen en ég er af þér.  Þú kannski hitar upp fyrir hana?

Að öllu gríni slepptu þá finnst mér Clapton hafa valið eina af flottustu söngkonunum okkar hana Ellen. 1-0 fyrir karli.

En svo að tuðinu.

Ég var að lesa í DV að OR mitt og þitt fyrirtæki væri búið að bjóða 50 útvöldum viðskiptavinum á tónleikana.  Til að styrkja viðskiptasambönd.  Halló.

Ég er búin að fá hundleið á þessu andskotans brölti stjórnenda hjá opinberum fyrirtækjum með peninga almennings í allskyns uppákomur frá laxveiðum til tónleika.

Þetta lið getur borgað fyrir sig sjálft.

Ég sit heima.  Jájá og er sátt við það.

Miðinn kostar litlar 8.400 krónur. 

Ég er ekki búin til úr peningum. 

En ég græt það ekki, ég fer á Youtube.

Tónleikasal öreiganna.

Dásamlegt lag og söngur.

 

Þeir sem ætla á Claptontónleika gefi sér tíma

Athugasemdir

[Lára Hanna Einarsdóttir, 7.8.2008 kl. 12:30]

Ekki bauð OR mér á tónleikana... skil ekkert af hverju! 

[Jenný Anna Baldursdóttir, 7.8.2008 kl. 12:31]

Hvað þá ég og ég sem er í bullandi skilum með rafmagnsreikninginn.  Dem.

[Neddi, 7.8.2008 kl. 12:34]

Við erum greinilega ekki nógu mikilvægir viðskiptavinir.

Kannski að ég fari að koma servernum upp heima svo ég fari að eyða meira rafmagni.

[Einar Örn Einarsson, 7.8.2008 kl. 12:41]

HAHAHAHA Jenný! Tónleikasalur öreiganna, þetta er bara snilldarorð hjá þér.

En hvurn andskotann er Orkuveitan að gera með þessu? Ég bara á ekki orð. Er ekki til einhvernslags pappír yfir starfssvið þessa fyrirtækis. Hélt að tilgangurinn væri að sjá manni fyrir raforku og vatni, og sjá til þess að slík orka sé til reiðu fyrir land og lýð.

Útvaldir?? Hver útvelur? Hvað hafa hinir útvöldu gert sem er svo vel þokkað af þessu opinbera ORKUSAMLAGI. Hvað kemur næst í boði OR? Nudd? Stólpípur hja Jónínu? Stand up hjá major Blörr? Tónleikar með þeirri færeysku í háskólabíó?

Stórt er spurt.

Sveitattann.

En annars góðan og gleðilegan daginn, gleðst með þér í dag með allt hitt mín kæra

[Júlíus Valsson, 7.8.2008 kl. 12:42]

Mæli eindregið með www.pandora.com

IP verður þó að vera "rétt" til að það virki

[Edda Agnarsdóttir, 7.8.2008 kl. 12:44]

Heyrðu elskan, ætlar þú á tónleikanna?

Ef þú ferð - kem ég!

[Edda Agnarsdóttir, 7.8.2008 kl. 12:46]

Ég er að fara út á flugvöll núna með strákinn minn - hann er að flytja út. Þú getur hringt í mig! Í farsímann.......

[Hulla Dan, 7.8.2008 kl. 12:46]

Eitthvað segir mér að hinir útvöldu séu einmitt kannski fólk sem hefur efni á að borga miða.
En ég segi eins og Einar Örn. Hvað á þetta að þýða eiginlega.
Hann sagði þetta reydar ekki alveg svona, en þú skilur...

[Steingrímur Helgason, 7.8.2008 kl. 12:51]

Ég er vizz um að þetta er vondu vélztýrunni að henna, hún fiktar mest í OR, & er höll undir fríann gítarleik.

[GK (IP-tala skráð) 7.8.2008 kl. 12:55]

Þetta er ekki bók eftir Orra Harðarson. Hann þýddi hana bara. Bókin er kynnt sem sjálfsævisaga Claptons en líklega hefur draugapenni skrifað hana.

[Ásdís Sigurðardóttir, 7.8.2008 kl. 12:56]

"Tónleikasalur öreiganna" er snilld, þetta ætla ég að muna.  Annars fer ég ekki á Clapton heilsunnar vegna, seldi miðann minn.  EN þetta með að bjóða helv.... ríka liðinu er bara snobb og leiðindi, þetta lið er líka molddrukkið og lætur eins og það eigi allan heiminn, vísa til tónleika Bubba Mortens, þar varð þetta fólk sér til skammar.  Ríka fólkið hefur svo sannarlega efni á að fara en það fær alltaf boðsmiða, fúlt arfa fúlt.

[Ibba Sig. (IP-tala skráð) 7.8.2008 kl. 13:11]

Hann Ibbi minn er þá greinilega ekki öreigi því hann kom heim í vor með tvo miða á þessa tónleika. Hafði keypt þá á netinu, alveg sjálfur.

Ég varla nenni að fara, hef aldrei hlustað mikið á Clapton og svo hef ég ekki gaman af því að fara á svona tónleika, er búin að sjá það sem mig langar að sjá, Bowie og Sting, og er því tónleikasödd.

[Jenný Anna Baldursdóttir, 7.8.2008 kl. 13:38]

GK: Takk fyrir að leiðrétta mig ég veit að Orri þýðir bókina.  Breyti þessu.

[Linda litla, 7.8.2008 kl. 13:42]

Tónleikasalur öreiganna er ekki til staðar hjá mér, nema bara til að horfa, ekki hlusta. Ætli ég sé þá ekki með tónleikasal öröreigana hehe

[María Guðmundsdóttir, 7.8.2008 kl. 15:16]

Tek undir med thér..Clapton flottur...en Ellen enn flottari  Skítt ad mann sé ekki í bissness med OR... maybe next time....en mæti bara i sal øreiganna....passar mér ágætlega..

[Elísabet Sigurðardóttir, 7.8.2008 kl. 15:18]

Ég væri til í að sjá Ellen, hún er ein besta söngkona sem ég hef hlustað á og þetta lag er gæsahúð.  Ég sætti mig líka við tónleikasal öreiganna.

[Jónína Dúadóttir, 7.8.2008 kl. 15:35]

Ég mundi gefa þér miðann minn, ef mér yrði boðið.... finnst Clapton ekkert spes

[Jóhanna Magnúsar- og Völudóttir , 7.8.2008 kl. 15:37]

Kallinn fékk gefins miða en gefum þá áfram því við erum að fara í eitt af mörgum brúðkaupum 080808..

[Svanur Gísli Þorkelsson, 7.8.2008 kl. 16:36]

Ætlar kallinn ekki að bregða sér í lax líka eins og hann hefur gert oft áður á Íslandi. Kannski er hann að reyna að ná einhverjum krónum af okkur til baka 8.500 Wehw...

[Jenný Anna Baldursdóttir, 7.8.2008 kl. 17:22]

Ibba: Drífa sig með mógúlinn með sér.

Takk öll fyrir innlegg.

Jóga: Er ekki leim að gifta sig á fimmtudegi, er það til fjár, fagnaðar, festu eða frama?

[Jóna Á. Gísladóttir, 7.8.2008 kl. 23:05]

Þetta er svoooo fallegt lag. Og ég elska Ellen.

Hef ekki séð þetta myndband áður.

[Magnús Geir Guðmundsson, 8.8.2008 kl. 14:13]

Ellen jú sætari en Eric, en veit nú ekki hvort hún sé betri! Hm Jenný, "Stinga undan" Gogga heitnum, það er nú soldið orðum aukið hygg ég nú, allavega breytti það nú ekki miklu fyrir vináttu þeirra tveggja svo vitað sé. En kannski hefur Eric eitthvað meir um það a segja í bókinni? Og mikið rétt, dengsinn hann Orri á enn eftir að skrifa´eigin bók, en hefur nú þýtt nokkrar.(ekki man ég betur allavega.)

[söngli (IP-tala skráð) 8.8.2008 kl. 19:41]

Ég vil líka sjá Mark Knopfler,   hefur hann einhverntíman komið hingað?