Svo löngu komið nóg

Ég er eiginlega komin með mikið meira en nóg af ruglinu í borginni.

Ekki bara af Ólafi Eff heldur íhaldinu líka, sem virðist vera í feluleik og læðast með veggjum.

Brottvikning Ólafar Guðnýjar virðist vera bullandi ólögleg.  Við vitum öll nú þegar að brottreksturinn er siðlaus.

Á þessi skammarlega gjörð Óla Eff eftir að kosta skattborgarana í Reykjavík einhverjar millur í skaðabætur?

Lesið frábæran pistil Daggar Páls um málefnið.

Hvernig væri að þetta lið í meirihlutanum mætti í vinnuna og tæki á málinu?

Eða ætlar íhaldið að samþykkja þennan gjörning borgarstjórans?

Það er fyrir svo lifandis löngu komið nóg af þessari óstjórn og rugli í borginni.

Búin að fá mig fullsadda og ég er sko ekki ein um það.

Þarf fólk að fara að skrifa á lista eða hvað?

Athugasemdir

[Ásdís Sigurðardóttir, 5.8.2008 kl. 13:47]

Ég held að það hljóti að herja á sjálfstæðismenn, einhver skelfileg veiki, þeir eru bara EKKERT að gera neitt, neinsstaðar.  Þeir eru kannski með víðáttufælni, aðiskilnaðarkvíða eða ég veit ekki hvað, auglýsi hér með eftir þessu fólki.

[Sig (IP-tala skráð) 5.8.2008 kl. 14:41]

Persónulega finnst mér almenningur og fréttamenn gera allt of mikið úr þessum gjörning borgarstjóra (tek það fram að ég hvorki styð hann né hans flokk)

Ólöf Guðný var ekki með umboð frá neinum nema borgarstjóra, hún var ekki kosin til vinnu af fólkinu í borginni. Hennar réttur er bara enginn. Hún var beðin að sinna ákveðnu verkefni og hún vildi ekki gera það og þá bara fer hún búið og basta.

Ég get ekki beðið eftir því að Sjálfstæðisflokkurinn fái að ráða eða öllu heldur Hanna Birna, hef trú á henni.

[María Guðmundsdóttir, 5.8.2008 kl. 14:55]

 æ...mér er alveg sama um thessa pólitík....

en hafdu thad gott Jenný

[Hulla Dan, 5.8.2008 kl. 15:02]

Ég er svo ópólitýsk að það hálfa væri hellingur.
Reyndi einu sinni, en gafst upp þegar mér varð ljóst að hið besta fólk umbreytist í lygalaupa og svikara þegar það hefur náð x langt á sínum ferli.
Geðjast ekki að þannig þróunn.

Finnst samt rosa gott að sé til fólk sem hefur taugar og rétt siðferði til að upplýsa fáfróða eins og mig um stöðu mála.

Kram

[Bjarni Kjartansson, 5.8.2008 kl. 15:13]

Ég er aftur á móti pólitískur, svo tístir í.

Ég vildi, bæði í Borg og til Alþingis fara með VG í stjórn.

ÞAr á bæ eru til menn(karl og kven) sem eru með báðar lappirnar á jörðinni og gætu rifjað upp með mínu fólki, hvað Sjálfstæðisflokkurinn stendur fyrir og til hvers hann var stofnaður á sínum tíma.

Samstjórn S og D er alveg banal lestarslys og öll hin módelin í Borg eru vonlaus af mismunandi ástæðum.

annars erum við með of gott veður dag eftir dag, til að láta þessa tíkusa pirra okkur.

nú er tími fyrir lidt hjemmehygge og svoleiðis.

Miðbæjaríhaldið

vill nýsköpun og siðbót í sem flestum hlutum daglig dags hjá okkur á Fróni

[Kolgrima, 5.8.2008 kl. 16:44]

Soldið vandræðalegt allt saman. Ertu hætt að reykja?

[Jenný Anna Baldursdóttir, 5.8.2008 kl. 17:21]

Kolgríma: Er á leiðinni að hætta.

Bjarni: Ég vil bara láta kjósa aftur.

Hulla: Lífið er pólitískt.  Að draga andann er pólitík í framkvæmd.

[Kolgrima, 5.8.2008 kl. 18:01]

Til þess þarf að breyta lögum. Ekki þar fyrir, ástandið í borginni hefur fyrir löngu sýnt og sannað að það er full ástæða til að það verði gert.

[Steingrímur Helgason, 5.8.2008 kl. 18:07]

Ólafsblætið farin að láta þig mala undir með henni Dögg einkavæðíngarhjúkku hinni löglærðu ?

Dæz ....

[Birna Dis Vilbertsdóttir (IP-tala skráð) 5.8.2008 kl. 19:05]

Þetta er orðið skelfilegt ástand hjá borgarfulltrúunum.Þau ættu öll að sjá sóma sinn í að byrja á því að MÆTA TIL VINNU OG BYRJA AÐ VINNA. Ég veit hvernig VELFERÐARRÁÐ ALLT VINNUR, EKKI.

[Guðbjörn Guðbjörnsson, 5.8.2008 kl. 20:01]

Ég skil nú ekki þessi læti af því að Ólafur lætur einhverja konu hætta, sem honum semur ekki við og fylgir ekki hans stefnu. Þetta er bara í raun ofureðlilegt.

Bjarni: Ég var nú svoldið veikur fyrir samstarfi við VG, sem helgast kannski mest af góðu samstarfi við Ögmund Jónasson í stjórn BSRB. Það er rétt að þar eru margir með fæturna á jörðinni og það er hægt að reiða sig á að þeir hafa einhverja stefnu í málunum, sem þeir halda sig við. En ég spyr þig sem íhaldsmann: hvaða stefnumál eigum við sjálfstæðismenn sameiginleg með VG?

Jafnvel þótt kosningar væru mögulega, megum við ekki gleyma að þeir fulltrúar sem sitja í borgarstjórn voru til þess kosnir í lýðræðislegum kosningum af íbúum Reykjavíkurborgar og við það stendur!

[Linda litla, 5.8.2008 kl. 20:03]

úfff.... hef enga skoðun á þessu, ekkert heyrt eða séð um þetta. Svo er ég svo ópólítísk að ég hefði hvort eð er ekkert vit á þessu.

Hafðu það gott.

[Jenný Anna Baldursdóttir, 5.8.2008 kl. 20:30]

Ég vil ekki sjá að VG fari að þrífa upp eftir valdaránið í borginni.

Samfylkingin og VG ásamt Möggu Sverris voru fínn meirihluti. 

En þeir sem klúðruðu málum eiga bara að sjá um þetta alla leið.

Nema að kosið verði en til þess þarf að breyta lögum eins og Kolgríma bendir réttilega á.

[Lilja Guðrún Þorvaldsdóttir, 5.8.2008 kl. 21:12]

Þetta er erfitt ástand sem bara versnar, og versnar, og versnar. - Og lengi getur vont versnað. -

 Það er líka dapurlegt að það sem borgarfulltrúar eru þó að reyna að vinna, samkvæmt sinni bestu samvisku, (því þeir eru sko að vinna)., þá virðist það ekki komast til skila til borgarbúa, sökum ótrúlegrar uppákomu borgarstjóra í tíma og ótíma. -

Ég segi bara að ekki vildi ég vera "borgarfulltrúi" í Borgarstórn Reykjavíkuborgar þessa daganna. -  Svo enn getur vont versnað. -