Óli pres ekkert ves

Góða veðrið og hitinn er farinn að segja til sín með hinum alkunna varmapirring.  Fólk lætur allt fara í taugarnar á sér og getur orðið hættulegt umhverfi sínu, amk. þeim sem næstir standa þegar pirringurinn nær hámarki.

En ég er aldrei pirruð, alltaf ljúf, alltaf góð og ég elska lífið og allt sem andann dregur.  Og ekki má gleyma því að hógværðin er einn af mínum helstu kostum.

En, en, en,  pirringurinn bitnar á aumingja Ólafi pres. sem er að taka við embættinu sem hann nú þegar gegnir, á morgun.

Það á að loka götum.

Hvað er fólk að fara á límingunum yfir því?  Verður ekki allt svona eðalslekti að fá að klæða sig upp reglulega?

Ég sé ekkert að því að Ólafur taki sitt korter á Alþingissvölunum með Dorrit, sem btw er flott og fín.

Það er væntanlegt ferðalag þessa forseta sem ég geri athugasemd við til glæpamannanna í Peking þar sem ferðafélaginn verður sú mæta kona Þorgerður Katrín, menntamála.

Ætli það eigi ekki eftir að verða óþægilegt að monta sig í stúkunni með mannréttindabrotsfrömuðunum í Kína?

En svo er ég með smá uppástungu.  Er ekki hægt að gera við forsetann venjulegan ráðningasamning sem er svo endurnýjaður með undirskrift á fjögurra ára fresti?  Ekkert ves, engar lokanir, engin spariföt.

Kúl.

 

Götum lokað vegna embættistöku

Athugasemdir

[Jenný Anna Baldursdóttir, 31.7.2008 kl. 14:47]

Í málefnum forsetans eru við fjarri því að vera á sömu línu.  Ólafur er ágætis forseti og hefur gegnt því embætti vel, en ég er ekki sammála því að Íslendingar eigi að vera með hallærislegar kóngauppákomur af neinu tagi.

Og svo vil ég ekki íslenska ráðamenn til Peking.

[María Guðmundsdóttir, 31.7.2008 kl. 15:36]

Hef aldrei tholad thennan kinarassakyssileik okkar islendinga, finnst thad óvideigandi medan thessi thjód fremur mannréttindabrot hægri vinstri.

Sammála Jenný, gera bara rádningarsamning og sleppa thessari sýndarmennsku, sparar tima,fyrirhøfn og penge gera Óla bara fastrádinn og hananú...enda flottari forsetafrú fáum vid ekki

[Lilja Guðrún Þorvaldsdóttir, 31.7.2008 kl. 15:46]

Ég er nú að hugsa um að fara og horfa á þessa athöfn ég hef aldrei komist á Austurvöll síðan minn fyrsti Forseti  Herra Kristján Eldjárn var settur í embætti í fyrsta sinn, hafði að vísu ekki aldur til að kjósa hann þá, en ég vann fyrir framboð hans, og mér fannst mikið til hans og konu hans Frú Halldóru koma. - Ég man hvað mér þótti það falleg og hátíðleg athöfn.

Komst aldrei þegar minn fyrrverandi skólastjóri og leikhússtjóri Frú Vigdís var forseti og sór sína embættiseiða.

Svo nú langar mig að sjá og heyra núverandi forseta vor, Herra Ólaf Ragnar sverja sinn embættiseið í 4rða sinn. - 

Þarf maður annars boðskort? - Má maður bara ekki mæta?., úrþví maður er nú einusinni í bænum.

[Þorsteinn Briem, 31.7.2008 kl. 17:33]

Passar upp á presidentinn,
í Peking lofar delinkventinn,
með Óla keika,
á Ólympíuleika,
Þorgerður í þríþraut lent inn.

[Eva Hauksdóttir (IP-tala skráð) 31.7.2008 kl. 18:17]

María, ég held að þurfi ekki boðskort. Ég mæli samt með því að geðsjúkir, eyðismitaðir og fátækir stilli sig um að trufla hans háæruverugheit með nærveru sinni því ekki viljum við nú að hann beri vesalingafnykinn með sér til fínu mannanna í Kína.

[Magnús Geir Guðmundsson, 31.7.2008 kl. 23:41]

Ekki alveg nógu hress með þennan pistil Jenný mín, svolítil vanþekking í gangi og óþarfa "vindblástur"!

Ol eru ein mesta og merkasta samkunda sem heimsbyggðin öll tekur þátt í.Á kaldastríðsárunum var nú nógu mikið reynt að spilla þessari hátíð með pólitík og svo sem litlu ma´tti muna, að hún yrði löskuð fyrir lífstíð 1980 og '84 er leikarnir í Moskvu annars vegar og Los Angeles hins vegar voru þrugaðir af togstreitu stórveldanna! Það á ekki að blanda íþróttahátið með stóru Í saman við stjórnmál og það gerði ekkert gagn að hundsa leikana. Ólafi ragnari er boðið af Í.og Ólympíusambandinu og miklu meiri hávaði yrði ef hann myndi hafa hafnað því boði! VEit hins vegar ekki dæmið með Þorgerði, en hún er nú einu sinni íþróttamálaráðherra, hvort sem hún svo á eitthvert erindi austur eður ei.

Embætti forseta, lög um það, eru nú bundin minnir mig í stjórnarskránni að hluta og til hennar sækir hann sitt vald hvað skrifað orð varðar og aftur til þjóðarinnar sjálfrar, eins og allir ættu nú að vita!

Þessi lög eru því eins konar samningur sem þú ert að tala um, en þjóðin, kjósendur skera úr um hvort svo reka á eða endurráða eftir atvikum!

Finnst nokkrar smekkleysu gæta he´rna hjá sumum stelpnanna og hin dularfulla Eva vændisboðberi með meiru, ætti kannski frekar að eyða kröftunum í að rífast við jón Val karlinn um kynskiptiaðgerðir, er þrælgóð í því, frekar en að vera með svona óþarfahjal um innsetningarathöfnina!

[Eva Hauksdóttir (IP-tala skráð) 1.8.2008 kl. 02:06]

Þar sem Kínverjar fengu tækifæri til að halda Ólympíuleikana með því skilyrði að þeir tækju sig á í mannréttindamálum er tómt mál að tala um að ekki megi blanda þeim saman við stjórnmál. Það hefur þegar verið gert og það er algerlega óverjandi að Kínverjar komist upp með að svíkja gefin loforð, án þess að fá minnsta skamm út á það.

Svo frábið ég mér að vera titluð "vændisboðberi" þótt ég bendi á augljósar sannanir þess að það er langt frá því að allar konur í þessum geira séu þrælar og fórnarlömb. Það felur ekki í sér neina velþóknun á þrælahaldi þótt einhver neiti að fordæma alla mottugerð í veröldinni.

[Tómas Grétarsson (IP-tala skráð) 1.8.2008 kl. 10:00]

a.

n.f.    pirringur

þ.f.    pirring

þ.g.f.  piringi 

e.f.    pirrings

b.

ráðningarsamning

c.

Götum var ekki lokað vegna forsetans, heldur vegna þeirra sem búist var við að vildu vera viðstaddir athöfnina. 

d.

jege  rógeslea þreittur á fólki sem esso heilagt útaf mannrjettindindum o pólitík aðða skiluriggi ólimpíuleika.

[Magnús Geir Guðmundsson, 1.8.2008 kl. 12:16]

Það er nú mín ágæta Eva, nánast daglegt brauð, að ýmsir hópar og mannréttindasamtök, meira aðs egja sumir þjóðarleiðtogar á tyllidögum, hafi verið að kalla eftir eða þrýsta á kínversk yfirvöld að virða og auka mannréttindi þegnanna. Tenging við OL sérstaklega í þeim efnum hefur vafalaust verið höfð með hjá Alþjóða Olympínefndinni á sínum ´tíma líkt og svo oft áður þegar um slíka merkisviðburði er að ræða, en að halda að það hafi verið áfrávíkjanlegt skilyrði fyrir leikunum í K'ina, hygg ég nú að sé pínulítil einfeldni að halda!Þeir sóttu einfaldlega um leikana eins og lög gera jafnan ráð fyrir og buðu einfaldlega best. En varðandi vændið, þá skal ég ekkert rengja þig um hug þinn varðandi það sem þú segir hér, en ansi harðari afstöðu með því gat ég nú ekki annað en skilið að þínu máli hér fyrr í umræðum hjá Jennýju, eindregið með fyrirbærinu.

Það sem hinsv egar stakk í augu núna, var að mér fannst og finnst óviðeigandi og órökstudd orð í garð Ólafs Ragnars, eiginlega eins og einvher biturð eða vanþóknun réði orðunum.

En ítreka að mér fannst þú vel og málefnalega standa upp í hárinu á Jóni Val, blessuðum "Þrætubókarþrælnum" þeim arna!

[Eva Hauksdóttir (IP-tala skráð) 1.8.2008 kl. 16:06]

Hvaða óviðeigandi og órökstuddu orð hef ég látið falla í garð Ólafs Ragnars?

Ég hef vissulega vanþóknun á því að hann skuli ekki sniðganga Ólympíuleikana og er bara mjög sár yfir því að maður sem ég hef sjálf treyst fyrir þessu embætti skuli telja það við hæfi að láta sjá sig við þetta tækifæri, einkum þegar listinn yfir þá sem ekki er boðið liggur fyrir. Og það er ekkert rangt við þá afstöðu mína.