Skúbb hjá Svani

 

Krúttið og hrukkudýrið hann Ronnie Wood hunskaðist í meðferð í gær.  Gremlingurinn er búinn að vera á fylleríi síðan á frumsýningu myndarinnar um bandið "Shine a light".

Við alkarnir eigum ekkert að vera að tuða um hver er verstur en það fara ekki margir í sporin hans Ronnie nema ef vera skyldi glæsilegasta mannflak í heimi; Keith Richard.

Ég var að ræða Ronnie við húsband í gærkvöldi en bæði erum við heitir aðdáendur Stones. 

Ég sagði við húsband að það ættu að vera lög sem bönnuðu tjásugreiðsluna hans Ronnie style 197ogeitthvað.  Hann og Roddinn (Stewart) fóru á sömu hárgreiðslustofuna í London og Ronnie hefur ekki enn látið breyta um stíl.

Húsband: Hvaða máli skiptir það þó hárið á honum sé túperað er það ekki músíkin sem gildir?

Ég: Nehei, ekki bara músíkin, lúkkið dregur þessa menn hálfa leið.  Sjáðu mannflakið, Keith sem er að gera sig þrátt fyrir að nályktin finnstist langar leiðir og hann hafi tekið pabba sinn í nefið. 

Og við eyddum dágóðum tíma í að ræða útlit og klæðaburð tónslistarmanna fyrr og síðar.  Beethoven kom við sögu og Franz List.  Jájá. Og svo mundi ég eftir því að Keith barði Ronnie til edrúmennsku, mannflakið svo milt eitthvað.

En einn af mínum uppáhalds bloggurum er hann Svanur sem bloggar frá Englandi.  Í gær skrifaði hann færslu um Ronnie, hann hafði nefnilega hitt manninn á kaffihúsi í fyrradag.  Þetta er skúbb.  Ég held að það hafi ekki margir séð þessa færslu og þið sem viljið vita hvað Ronnie var að segja í fyrradag farið hingað og lesið.

En annars er ég góð bara.

Farin að dansa.

Ron Wood í meðferð

Athugasemdir

[Lára Hanna Einarsdóttir, 17.7.2008 kl. 10:57]

Ég les líka bloggið hans Svans og sá þessa færslu. Hann lýsir atburðum mjög skemmtilega.

Ekki fannst mér verra að fundur þeirra fór fram í Bath - en þangað langar mig mikið að koma. Kannski Svanur bjóði okkur í heimsókn... 

[Jenný Anna Baldursdóttir, 17.7.2008 kl. 10:58]

Mig dreymir líka um að fara til Bath, eigum vér að skella oss?

[Edda Agnarsdóttir, 17.7.2008 kl. 11:00]

Jú það er ekki hægt að segja annað en að þetta er sérstakt - en mikið svakalega var gaman að sjá myndina Shine a light, ég hef sjaldan haft eins unaðslega stund í lúxussætum með popp og cola eins og mann lystir! Ég fékk þennan unað í afmælisgjöf í vor frá manninum og svo fékk ég tónlistardiskinn afmælisgjöf frá elsta syni mínum sem er dúndur!

[Edda Agnarsdóttir, 17.7.2008 kl. 11:03]

Já stelpur mig langar líka til Bath! Finnst ykkur það skrýtið? - Búin að langa lengi.

Eigum við ekki bara að stofna Bath ferðasjóð?

[Ásthildur Cesil Þórðardóttir, 17.7.2008 kl. 11:04]

Skemmtileg upplifun hjá Svani að komast í tæri við svo frægan mann.   En fjarskalega gengur sumum illa að sætta sig við aldurinn. 

[Edda Agnarsdóttir, 17.7.2008 kl. 11:04]

Já og svo ráðum við Svan sem leiðsögumann!

[Lára Hanna Einarsdóttir, 17.7.2008 kl. 11:08]

Nú má Svanur fara að vara sig... og undirbúa komu okkar!  

[Jenný Anna Baldursdóttir, 17.7.2008 kl. 11:11]

Svanur verður að fara að stækka við sig búi hann ekki í höll.  Verst að hann veit ekki af þessu.

En án gríns, bloggaferð til Bath, unaðsleg tilhugsun.

Gerum eitthvað.

[Markús frá Djúpalæk, 17.7.2008 kl. 11:17]

Ásthildur, Ronnie hefur nú alltaf hegðað sér svona, frá því að ég kynntist honum. Hann tekur gott fyllerí fram yfir allt. Hefur farið oft í meðferð og hrunið jafnóðum í það aftur. Kallbeyglan...

[Birna Dis Vilbertsdóttir (IP-tala skráð) 17.7.2008 kl. 11:18]

Ronne og Rodinn svipað krumpaðir Gott að kauði fer í meðferð.Er líka góð enda að koma hádegi.

[Markús frá Djúpalæk, 17.7.2008 kl. 11:20]

Þetta er Bath...

[Sverrir Einarsson, 17.7.2008 kl. 11:23]

Hey, Ronnie Wood ekki skift um hárgreiðslustofu!!!!!!

Ekki hef ég séð Rod Stewart með aðra hárgreiðslu heldur síðan, ekki neitt svona, Rod er ekki hótinu skárri en Ronnie, hvorki hvað varðar bjór brennivín eða kvennfólk,

Er alveg til í að fara til Bath með ykkur.........hvar er annars þetta Bath?

Eigið svo góðann dag......það ættla ég svo sannarlega að gera

[Jóhanna Magnúsar- og Völudóttir , 17.7.2008 kl. 11:35]

Are you going to Bath og are you going to take a Bath with Ronnie and wash his hair? .. ..

Þessir krumpukallar eru annars krútt .. holding on to old times and haircuts ..

[Svava frá Strandbergi , 17.7.2008 kl. 11:48]

Það er alveg satt hjá Svani að Ronnie er þrællíkur indíána. Mér finnst það eina sem vantar vera fjaðraskrautið á höfuð hans.

[Brjánn Guðjónsson, 17.7.2008 kl. 12:10]

verið að bjóða með í bað?

[Þröstur Unnar, 17.7.2008 kl. 12:39]

Sverrir slakaðu þér kallinn. Á þetta ekki að vera Femmaferð?

[Elísabet Sigurðardóttir, 17.7.2008 kl. 12:55]

Æ hann er svo halló að það er næstum því dúllulegt. 

Bath hljómar vel.

[Lára Hanna Einarsdóttir, 17.7.2008 kl. 13:05]

Þeir sem hafa áhuga geta kynnt sér borgina Bath hér.

Þröstur...  Femmaferðir eru náttúrulega skemmtilegastar en hver veit nema þér verði leyft að fara með ef þú biður fallega... 

[Hrafnhildur Ýr Vilbertsdóttir, 17.7.2008 kl. 13:29]

Já Svanur er frábær bloggari og enn skemmtilegri í persónu....ég kem auðvitað með í  ferðina

[Edda Agnarsdóttir, 17.7.2008 kl. 13:43]

Jamm við ættum að stofna reikning og Krumma/Hrabba eins og Svanur kallar þig, þú sambandar hann og spyrð hvort hann vilji gæta (ekki gjæta) okkur og lætur hann koma með tillögur að samanstað og lengd tímans. Alls ekki lengi.

Svo drífum við í þessu og allir með!

[Jenný Anna Baldursdóttir, 17.7.2008 kl. 13:57]

Ég ætla að vera gerræðisleg, ég vil enga karla.

[Þröstur Unnar, 17.7.2008 kl. 14:10]

Jebb, vissi´ða Jenný.

[Þröstur Unnar, 17.7.2008 kl. 14:12]

Förum bara á rúntinn strákar og sjáum hvort við finnum ekki eithvað sem kostar undir 10 þús kall.

[Jenný Anna Baldursdóttir, 17.7.2008 kl. 14:34]

Þrölli: Hvað ertu að meina undir 10. þús. kall?

Og stelpurferðir eru einfaldlega skemmitlegastar, þorrí

[Þröstur Unnar, 17.7.2008 kl. 14:48]

Bara, það er allt orðið svo óggislega dýrt.

[Ásdís Sigurðardóttir, 17.7.2008 kl. 14:50]

Innlitskvitt

[Lilja Guðrún Þorvaldsdóttir, 17.7.2008 kl. 15:36]

Ég væri sko til í að koma með til Bath.  

[Svanur Gísli Þorkelsson, 17.7.2008 kl. 15:53]

Bath er eiginlega eina borgin í Bretlandi þar sem er að finna heitt vatn í jörðu og hér er nýbúið að taka í gagnið nýtt "spa" . Það væri nú ekki amalegt að fá eins og fáeina íslendinga í heimsókn í smá dekurferð. Ég get lofað ykkur bestu fáanlegu leiðsögn um væðið og alla leið til Stonehenge og Glastonbury ef þið komið alla þessa leið hvort sem er. Sem sagt, til þjónustu reiðubúinn :)

[Jenný Anna Baldursdóttir, 17.7.2008 kl. 16:07]

Ég vil ekki deyja fyrr en ég er búin að sjá Stonehenge.  Stelpur förum að safna.

[Jóna Á. Gísladóttir, 17.7.2008 kl. 17:19]

 rugludallar

[Hrafnhildur Ýr Vilbertsdóttir, 17.7.2008 kl. 20:01]

Ok hver nennir að kanna með verð og sollis???