Já, fíflið þitt

 

Þegar verið er að gera rannsóknir á hjónaböndum, sérstaklega fleiri en einu hjá sama einstaklingi, skil ég ekki af hverju enginn hefur samband við mig.  Ég er fokkings sérfræðingur í greininni og á bæði hjónabönd í fleirtölu og fjölmarga eiginmenn að baki.  Þetta vita allir, því ég gusa úr reynslubrunni mínum yfir gesti þessarar síðu við öll möguleg og ómöguleg tækifæri.

Meiri kjánarnir að tala ekki við mig.  Kristmann Guðmundsson er hjá Guði en hann var sérfræðingur sem sláttur var á.

Fyrsta hjónabandið endist best segja rannsakendurnir.  Ekki nógu lengi þó til að viðkomandi hoppi ekki í annað, því ef svo væri, væri enginn samanburður inn í myndinni. Döh.

Mín reynsla er ekki svona.  Ég reyndar man afskaplega lítið eftir fyrsta hjónabandinu mínu, það er í móðu, ekki vegna hugbreytandi efna heldur vegna þess að það er svo helvíti langt síðan að það átti sér stað.  Nánar tiltekið þ. 22. apríl 1973.

Þetta hjónaband var nærri því óvart, fínn vinur minn þessi eiginmaður og pabbi flottasta frumburðar í heiminum, hennar Helgu Bjarkar.  En auðvitað rauk vinskapurinn út um gluggann eftir að við fórum að deila beðju.

Einhvern tímann löngu seinna hlógum ég og þessi fyrrrrrrrrrrrrrrrverandi að því að við rifumst eins og hundur og köttur á leið í kirkjuna, vorum ekki á "speking terms" í athöfninni og jáin frussuðust illskulega út úr okkur og í huganum bætti ég við; "fíflið þitt".  Svo héldum við áfram að rífast fram eftir degi.  Dunduðum okkur alveg sæl við það, þessi krútt sem við vorum.

Ég man líka að ég fór í hárgreiðslu á brúðkaupsdaginn og hárgreiðslukonan spurði mig vingjarnlega í hvaða kirkju ég væri að fermast.  Ég molnaði í spað.  Hvílík grimmd.

En ég verð að halda áfram með hjónaböndin sem á eftir komu, málið er nefnilega að eftir því sem þeim fjölgar því betri verða þau.  Alveg eins og vínið, þið sem eruð að sulla í áfengi ennþá og skiljið ekkert nema bragð og áfengisprósentur.  Frusss

Merkilegt að enginn skuli hafa áhuga á að leita eftir sérfræðikunnáttu minni í hjónaböndum.

Ekki heldur hvernig á að ljúka þeim.

Ég er svo aldeilis hissa.

Úje.

 

Fyrsta hjónaband endist best

Athugasemdir

[Helga Magnúsdóttir, 16.7.2008 kl. 22:02]

Þetta er vitanlega ótrúlegur sauðsháttur þeirra sem svona rannsóknir framkvæma. Þú ættir bara að senda Félagsvísindastofnun Háskólans bréf og benda þeim á þessi slælegu vinnubrögð. Elizabeth Taylor hvað?

[Sunna Dóra Möller, 16.7.2008 kl. 22:03]

Þú mátt vera viss um að ég leyta til þín fyrst af öllum ef ég þarf á sérfræðikunnáttu að halda.....! vona samt að mig reki ekki í vörðurnar þegar kemur að hjónabandsmálum, maður hefur svo sem litla þekkingu á þessu öllu þegar stokkið er út í þessa tilteknu laug, lærir bara eftir því sem líður......!

[Svanur Gísli Þorkelsson, 16.7.2008 kl. 22:25]

Þetta kannski gildir fyrir fjöldann. En svo eru þeir sem finnst þeir verða að giftast öllum sem þeir elska og þá veðrur erfitt að gera upp á milli hjónabandanna :)

[Elísabet Sigurðardóttir, 16.7.2008 kl. 22:31]

Gott að vita af þér hérna Jenný.  Þú verður sú fyrsta sem ég leita til ef...

Skil ekkert í þessu liði að tala ekki við aðalmanneskjuna.

[Signý, 16.7.2008 kl. 22:47]

Hmm... ertu kannski ekki bara með svona rauðan kross í símaskránni?... það er nebbla bannað að hringja í svoleiðis fólk þegar það verið að rannsaka eitthvað... svo kannski that's why.

En það er gott að vita hvert maður á að leita þegar að þessu kemur öllu saman... 

[Ásdís Sigurðardóttir, 16.7.2008 kl. 23:08]

No. tvö hefur verið lengra hjá mér.

[Magnús Geir Guðmundsson, 16.7.2008 kl. 23:10]

En hvaðenhvað?

BAmma' að stoppa hérna þótt þú sért móðguð við einvherja vísindamenn, útekt á hinum 15 köllunum takk!

Fínt til framhalds eins og útvarpssagan.

[Anna Ólafsdóttir (anno) (IP-tala skráð) 17.7.2008 kl. 00:12]

Þér drepið mig úr hlátri frú Jenný

[Jens Guð, 17.7.2008 kl. 00:17]

  Annar kostur við raðhjónabönd er að þeim fylgir fleiri brúðargjafir en aðeins ein gifting.

[María Guðmundsdóttir, 17.7.2008 kl. 08:03]

úha...djøfull er mann vitlaus..engin athøfn..engar gjafir en getur mann thá ekki bara gifst theim sama aftur og aftur...?  nenni ekki ad skipta....en veit hvert ég get leitad ef úti thad fer....

eigdu gódan dag

[Helga skjol, 17.7.2008 kl. 08:26]

Þú ert bara snilld kona

[Ía Jóhannsdóttir, 17.7.2008 kl. 08:36]

Heheheh engin reynsla í fjölkvæni hérna megin og nenni ekki að skipta eftir 33 ár!!!! 

Knús inn í daginn Jenný mín.  

[Hrönn Sigurðardóttir, 17.7.2008 kl. 09:00]

Skemmtileg tilviljun að þú skulir eiga bæði "hjónabönd í fleirtölu og fjölmarga eiginmenn að baki"

[Jenný Anna Baldursdóttir, 17.7.2008 kl. 09:01]

Hrönn: Veistu ekki aulinn þinn að sumir giftast sama aftur og aftur.  Sjáðu Elísabetu Taylor.  Fruss

[Jóna Á. Gísladóttir, 17.7.2008 kl. 09:39]

MUUUHAAAAA elska þig addna kelling.

[Lilja G. Bolladóttir, 17.7.2008 kl. 10:04]

Þú ert nú alveg með eindæmum skemmtileg

[Bjarni Kjartansson, 17.7.2008 kl. 10:26]

Hvar þú værir að fermast.

Óborganleg alveg.

Iss hefði vilað vera fluga þá vegg (utan þinnar silingar sko)  við þetta tækifæri.

Miðbæjaríhaldið

í taka tvö mode

[Ólöf Anna , 17.7.2008 kl. 10:42]

Eru brúðarkjólarnir jafnmargir og hjónaböndin? Fáum við myndir af dressunum?

spyr sú sem er einstakur aðdáandi brúðarkjóla þessa mánuðina.

[Jenný Anna Baldursdóttir, 17.7.2008 kl. 10:55]

Sko Ólöf, látum okkur sjá.  Fyrsti var silkiprjónaður og rándýr beislitaður úr versluninni Fanny.  Flottur.

Næsti var bleikur bómullar með silkiborðum ógeðslega væminn.

Þriðji var svartur kínakjóll úr silki, afskaplega fallegur.

Það hjónaband heldur enn þannig að giftu þig í svörtu.

Bjarni.  Hehe, ég er rétt að byrja.

[Lilja Guðrún Þorvaldsdóttir, 17.7.2008 kl. 15:40]

Þú ættir náttúrulega að vera að stjórna rannsókninni, mér finnst það gefa auga leið. -

En svona okkar á milli : - Þú hefur vonandi ekki hent kjólunum?