Afsakið á meðan ég garga mig hása

Sumir halda því blákalt fram að öllum hlutum sé best fyrir komið í höndum einstaklinga. 

Fyrirtæki, spítalar, fjöll og dalir, ár og vötn.  Frjálshyggjuvitleysan gengur út á það að þú vinnir alltaf best fyrir sjálfan þig.

Og nú er Kerið í eigu forríkra aðila.  Umhverfið í kring, aðstaðan er hins vegar kostuð af almannafé.

Og nú mega hópferðir ekki fara að Kerinu nema að borga sérstaklega fyrir það.

Fyrirgefið á meðan ég garga mig hása.

Auðmennirnir drita niður glæsikofum á Þingvöllum og það er ekki hægt að ganga með fram vatninu hindrunarlaust þó skýrt sé kveðið á um að ekki megi hindra umferð gangandi fólks þar.  Björn Bjarnason er reyndar búinn að banna byggingarfurstunum þyrluflug fram að 1. október, og svei mér ef þetta er ekki í fyrsta skipti sem ég man eftir að hafa klappað fyrir Birni.

Einhver toppur hjá Kaupþingi er að byggja tæpra 900 fermetra glæsikofa við Hreðavatn.  Halló.

Nú þegar kostar það hvítuna úr augum okkar að veiða lax þannig að það gera bara þeir sem eiga peninga.

Það liggur beinast við að það verði selt inn í þjóðgarðinn í Skaftafelli líka, hvaða mógúll hlýtur þann feng?

Hvað eru valdamenn í þessu landi að hugsa svona yfirleitt?  Það er alltaf að koma betur og betur í ljós helvítis gerræðið og gleypugangurinn í örfáum aðilum í þjóðfélaginu.

Gerið friggings Kerið upptækt og þjóðnýtið það á stundinni.

Ég er komin með upp í kok hérna.

Ekkert Ker í þessari ferð

Athugasemdir

[Jónína Þorbjörg Gunnarsdóttir (IP-tala skráð) 16.7.2008 kl. 13:38]

Hver seldi hverjum Kerið, ég hélt nú bara að svona staðir væru almenningseign og að enginn gæti selt það. Sammála þér með að þegar þeir sem eiga PENINGANA eignast jarðir og lönd þá er girt og lokað með lás, sett skilti einkaeign og einkavegur og ég veit ekki hvað. Hvaða máli ætli það skipti svo sem þó að fólk gangi um á þúfunum í landinu þeirra á meðan það er gert af virðingu við náttúruna.

[Sunna Dóra Möller, 16.7.2008 kl. 14:52]

Það er eitthvað svo undarlegt við allt þetta ríkidæmi þegar maður les um kreppu og vaxandi atvinnuleysi og gjaldþrot meðal almennings. Myndin verður eitthvað svo skökk......!

[Aðalheiður Haraldsdóttir, 16.7.2008 kl. 18:57]

Ég botna bara ekkert í þessari vitleysu!

[alva (IP-tala skráð) 17.7.2008 kl. 21:12]

Þetta er nú meira bullið að verða hérna á þessu landi!!