Af Neðurblökum og karpúlettum

 

Húsband hentist í búð til að ná í nýjar kartöflur í dag.  Hagkaup í Smáralind er fyrsta búð frá vinstri við mig og sjá, ekki ein einasta kartafla til af íslenskum uppruna.

Við grétum hástöfum enda elskum við þessar íslensku.

Auðvitað fór sendingin í Nóatún, nema hvað.

En hér er lítil stúlka í heimsókn.

Hún fékk stappaðar karpúlettur með smjöri og salti (Maldon) eins og svo oft áður, að borða.  Hún tilkynnti mér að hún elskaði saltið mitt, það væri mikið betra en heima hjá henni.

Barn elskar alla hluti þessa dagana.

Einar er drátthagur maður og stundum biður hún hann um að "tattúa" sig og þá teiknar hann á handlegginn allskyns fígúrur og flottheit.

En nú var hann að vinna.  Barn bað ömmuna um að "tattúa".

Og amman tattúaði leðurblöku með grænum penna.

Barn: Þa vantar augun.

Amman teiknaði þau og krúsídúllaði leðurblökuna svolítið.  Barn virti fyrir sér listaverkið nokkuð glöð á svip og sagði svo:

Amma; ég elska N-eðurblökur.

Ég ætla ekki að segja ykkur í hvers lags kasti ég er núna.

En þið megið geta ykkur til.

Annars sefur hún í litla rúminu sínu og það rétt glittir í hana fyrir tuskudýrastóðinu sem hún raðaði í kringum sig áðan.

Jájá.

P.s. Myndina tók mamma hennar um daginn þegar Jenný mótmælti því kröftuglega að fá ekki að sofna í rúmi foreldranna og lagðist á gófið - og sofnaði.

Íslenskar kartöflur í verslanir

Athugasemdir

[Steingrímur Helgason, 15.7.2008 kl. 22:06]

Mikið átt þú nú líka gott að eiga 'drátthagann' mann.

[Jenný Anna Baldursdóttir, 15.7.2008 kl. 22:15]

Hallgerður: Jamm.

Steingrímur: Don´t even go there

[Sigrún Jónsdóttir, 15.7.2008 kl. 22:16]

Steingrímur "drepur" mann.  Litla Jenný er örugglega lík stóru Jenný, yndisleg og ákveðin.

[Hrönn Sigurðardóttir, 15.7.2008 kl. 22:25]

hahaha Steingrímur!!!

[Anna Ólafsdóttir (anno) (IP-tala skráð) 15.7.2008 kl. 22:45]

Hún er krútt. Mér finnst komment Steingríms líka fyndið  Og mér finnst kartöfluást eitthvað svo mikið sænskt fyrirbæri. Veit ekki af hverju ????

[Jóna Á. Gísladóttir, 15.7.2008 kl. 23:38]

Maldon er best.

Ég var svo heppin að fá að heyra rödd forstokkuðu prinsessunnar í kvöld í gegnum símann... og hláturinn. Meira krúttið þessi krakki.

Steingrímur er ansi berorður en ég er nú líka svo mikil dama 

[alva (IP-tala skráð) 16.7.2008 kl. 00:01]

Þarf að fara að ná mér í Maldon salt greinilega, allir að tala um þetta góða salt...  nammsnamms, get ekki beðið eftir nýjum íslenskum!!

Ákveðin ung stúlka þarna á ferð sé ég, hahaha.

Steingrímur

[Brynja skordal, 16.7.2008 kl. 00:05]

[M, 16.7.2008 kl. 00:31]

Finnst kisi frábær á myndinni Þarf ekki nefna það að stelpuskottið er krútt

Nota líka Maldon

[Jóna Kolbrún Garðarsdóttir, 16.7.2008 kl. 01:24]

Ég hélt að allir væru farnir að nota Maldon saltið   Frábær færsla

[Elísabet Sigurðardóttir, 16.7.2008 kl. 09:42]

Hún er svoooo mikið krútt þessi stúlka, ég er allavega í krúttkasti eftir þessa lesningu .

Maldon??? 

Er fyrst að heyra um þetta hérna . Ég er sko farin að kaupa mér Maldon, verð að prufa. Ég sem hélt að salt væri bara salt.

[Ásthildur Cesil Þórðardóttir, 16.7.2008 kl. 10:29]

Jenný ég sit hér í krúttkasti, yndislegt alveg, þvílík dúlla sem þetta barn er, og þá sakna ég minna dúlla, vona að þær fari að koma heim til ömmu sín.  Amma ég er fjögrárra sagði Hanna Sól við mig um daginn þegar ég hringdi í þær.  Og ég er einn meter... Hehehehe.  P.S: ég elska líka neðurblökur

[Linda Linnet Hilmarsdóttir, 16.7.2008 kl. 10:55]

[Birna Dis Vilbertsdóttir (IP-tala skráð) 16.7.2008 kl. 10:58]

Maldon er málið.Algjört krútt þetta barn.

[Edda Agnarsdóttir, 16.7.2008 kl. 11:15]

Algjörar krúttalíur - I love you but I don´t love  what Steingrímur is writing 

[Helga Magnúsdóttir, 16.7.2008 kl. 11:18]

Maldon salt er best og Jenný Una er sætust.

[rut sumarliðadóttir (IP-tala skráð) 16.7.2008 kl. 11:45]

[Jenný Anna Baldursdóttir, 16.7.2008 kl. 12:52]

Takk fyrir skemmtileg innlegg.  Prinsessan var að fara með mömmu sinni eitthvað út í sumarið, en við vorum komnar á róló kl. 8,30 í morgun ég og hún.  Amman búin á því.

[Sunna Dóra Möller, 16.7.2008 kl. 14:49]