Hún rakar ekki á sér júnóvott

Ég er áskrifandi að netmogganum, og svo les ég visi.is og dv.is, hangi yfir fréttum á báðum stöðvum og svona.  Ekkert má fara fram hjá mér.  Mér líður eins og heimurinn yrði ekki samur aftur ef ég væri ekki ofan í hverjum koppi og kirnu.  Ergó: Það er eitthvað að mér.

En þessa dagana (jafnvel mánuðina) get ég gengið að tvennu vísu. 

Að Iceland Express er í seinkun, bilun, töfum og öðrum neikvæðum uppákomum.  Ekki fréttir fyrir mig því ég flaug með þeim til London fyrr á árinu og þá tóku þeir sig til og seinkuðu flugvélinni, sendu sms og tilkynntu það, flýttu henni svo aftur en tilkynntu það ekki.  Munaði ekki miklu að við misstum af vélinni.

Ég myndi segja að IE eigi í ímyndakreppu alveg biggtæm.  Þeir verða að kippa þessu í liðinn.  Svo eru samlokurnar um borð á sama verði grammið og gullið.

Og svo er það hinn fasti liðurinn á netmiðlunum.  Amy friggings Winehouse.

Ég elska tónlistina hennar og röddina.  Held að hún sé með betri söngkonum sem komið hafa fram lengi.

En konan er að deyja úr fíknisjúkdómi.  Sjálfseyðingin er slík og þvílík að mig langar ekkert til að lesa um það á hverjum degi.  Svo er hún hundelt og konan er vart af barnsaldri.  Sem alki og manneskja þá finn ég innilega til með þessari stelpu.

Það eru myndir af henni með kókakín í nös.  Klósettferðir hennar á klúbbunum eru taldar.  Ég veit að það er langt síðan að hún hefur rakað á sér þið vitið, af því það náðust myndir af því líka.

Give it a fucking rest good people.

Það er aðallega visir.is sem er með Winehouse þráhyggju.

En þetta er tuðpistill dagsins.

Frá mér til ykkar: Amy að harðneita að fara í meðferð.

Tafir hjá Iceland Express

Athugasemdir

[Ellý Ármannsdóttir, 15.7.2008 kl. 15:00]

Tek tuðpistilinn til greina elskuleg. It´s me 2 blame.

Ég er ein af mörgum sem er hrifin af söngkonunni og hef þar af leiðandi gaman af því að skrifa um hennar misgóðu uppátæki.

Sendi þér hlýja kveðju.

Ellý blaðamaður hjá Visir.is

[Birna Dis Vilbertsdóttir (IP-tala skráð) 15.7.2008 kl. 15:06]

Fíkn veldur eymd ef ekkert er að gert.Stundum er viðkomandi svo veikur að hann/hún er nánast ófær um allt nema ná sér í efni.Sorglagt.Sennilega er skvísan með spíttskitu.Það telst til aukaverkana.Ég fíla þessa söngkonu, en ekki eymdina sem þessi ræfils tuska er í.Sé ekkert fréttnæmt við það.

[Helga Magnúsdóttir, 15.7.2008 kl. 15:07]

Ég má ekki heyra minnst á Stansted. Þurfti að bíða þar í 15 klukkutíma með Úlfar þegar hann var fimm ára. Það var að vísu með Atlanta en ég flýg ekki með IE því það lendir á Stansted.

[M, 15.7.2008 kl. 15:17]

Einu sinni fannst mér gaman að lesa þessar slúðurfréttir, en ekki lengur. Hef kannski þroskast eilítið. Dóttir mín á gelgjunni verður að kaupa slúðurblöð fyrir Costa ferðina.

Gott hjá Ellý að svara fyrir sig hér hehehe   Auðvitað eru alltaf einhverjir sem lesa þetta. Ekki við !! sem vitum samt allt of mikið  um slúðrið.

[Ellý Ármannsdóttir, 15.7.2008 kl. 15:17]

Ég er ekki sammála þér Birna. Ég er ein af fjölmörgum sem vilja fylgjast með Amy þó fréttirnar eru langt frá því að vera jákvæðar.

Skrifaðu frétt um veikindi föður hennar sem var lagður inn á spítala. Maðurinn hné niður út af áhyggjum af söngkonunni en hætti snögglega við það eftir að ég las færslu Jennýar.

[Jenný Anna Baldursdóttir, 15.7.2008 kl. 15:34]

Ellý: Núnú, þarna felur þú þig þá.  Ég bíð bara eftir að Amy deyji úr alkahólisma (fíkn).  Skelfilegt ástand.

Og skrifaðu svo um hana addna.  Og pabba hennar líka, ég er hætt að tuða.

Helga: Standted GMG

M: Ég á dóttur sem les öll slúðurblöðin í Englandi og gott betur.  Hún veit sko hvað er að gerast stúlkan sú.

Birna Dís: Stúlkan fór að fá sér í nefið á klóinu.  Þess vegna svona margar ferðir.  Amy fær aldrei nóg.

[Þröstur Unnar, 15.7.2008 kl. 15:39]

Hver er Amý Vínhús?

Ég veit hver Ellý er.

[Ellý Ármannsdóttir, 15.7.2008 kl. 15:46]

Allt í lagi þá held ég áfram að skrifa um Amy á Vísir og já haltu áfram að tuða Jenný. Ég kann að meta fólk eins og þig sem lætur vera að þegja um það sem slæmt þykir í hel.

[Ía Jóhannsdóttir, 15.7.2008 kl. 16:52]

Spyr eins og Þröstur, Amy who?  Hef ekki heyrt hana syngja fyrr en hér og OMG, no,no,no...... hehehheh aumingja grey skinnið!!!

[Marta B Helgadóttir, 15.7.2008 kl. 19:59]

Amy er illa rugluð held ég, en flott söngkona.

[Brynjar Jóhannsson, 15.7.2008 kl. 21:01]

Amy er yndisleg. Ég elska hana út af lífinu og ef ég byggi í bretlandi myndi ég biðja hennar. yrði örugglega löðrungaður í andlitið og sagt að hipja mig.

Amy

Langbesti tónlistarmaður sem ég hef heyrt í langan tíma.

Að hún sé dópisti við dauðans dyr er sorglegt því þá mun hún verða svipuð goðsögn og John Lennon,Janis Joplin Jimmie Hendrix Jim morison.

Hvað er svona sorglegt við þessa uppnefndu listamenn..

Jú Allaveganna spyr ég mig ... oft..

Hvernig væri Lennon ef hann væri uppi í dag ? .. ég er sannviss að það hefðu legið eftir hann gríðarleg stórvirki og bítlanir hefðu átt endurkomu aldarinnar.  

[Beturvitringur, 15.7.2008 kl. 21:29]

Oooooo, búið að taka út myndbandið. Hlakkaði til að sjá það, ég elska hæfileika þessarar konu. Flottasta söngkona sem fram hefur komið á sjónarsviðið í lengri tíma (allavega man ég ekki lengra :)

Það er eins og það sé kvóti á (mörgu) stórkostlegu hæfileikafólki; lifa hratt, koma miklu í verk, - gera það af lífi og sál og deyja svo ungir. Búnir að gera svo miklu meira og betra en flestir sem lifa að níræðu! Hendrix, Lennon og Joplin voru talin her að ofan. Garland, Holliday, Dean, Ledger og aragrúi gullmola passar inní þessa mynd.

[Jóhanna Magnúsar- og Völudóttir , 15.7.2008 kl. 21:31]

Fólk verður auðvitað að fylgjast með  núverandi selebritís til að vera klárt í bleiku spurningarnar í næstu útáfu af Trivial pursuit!

[Jenný Anna Baldursdóttir, 15.7.2008 kl. 21:57]

Takk fyrir innleggin öll.

Beturvitringur: Því miður þá er búið að taka það út en þetta er slóðin.

http://www.youtube.com/watch?v=LD5sahXoj0U