Aftökur hér og þar

Allir held ég, fyrir utan einhverja kverúlanta sem skipta ekki máli, fordæma mannréttindabrot og dauðarefsingar í Kína.  Þar er fólk tekið af lífi á færiböndum, ekkert elsku mamma þar.  Við ætlum samt á Ólímpíuleikana, mótmælum meðferðinni á fólki en erum ekki til í að lýsa vanþóknun okkar þannig að það svíði á eigin skinni.

Og í Bandaríkjunum,  hjá þessari vinaþjóð okkar, talsmönnum frelsis og mannréttinda, þjóðinni sem er með heilu hópana af hreingerningarmönnum sem fara og taka til í annarra görðum, er líka  verið að taka fólk af lífi.  Og í dag ætla þeir að myrða fanga sem verður sá fyrsti eftir að starfsreglum um banvænar sprautur var breytt.  Flórída ríður á vaðið.

Bandaríkjamenn pynta líka fanga í nafni frelsisins, þeir gera það bara fyrir utan eigin lögsögu og í nafni frelsis og lýðræðis.

Í mínum huga er enginn munur á kúk eða skít.  Það eina sem skilur þessar stóru þjóðir að er að Kínverjarnir taka fleiri af lífi í einu, hugmyndafræðin er sú saman.

Þú skalt gjalda fyrir með lífi þínu.

Hvernig stendur á að það er ekki verið að slá á puttana á Ameríkumönnum?

Af hverju halda Evrópuþjóðir kjafti yfir aftökunum og pyntingunum þar?  Eða gera amk. ekki stórmál úr því.

Ætli það sé af sömu orsök og við erum í eilífar kynningarsleikum við Kínverja.  Peningar?

Ef ég mætti ráða þá færi ekki kjaftur héðan á vegum Íslands til þátttöku á Ólímpíuleikunum.

Með því erum við að leggja blessun okkar yfir morðin og mannréttindabrotin.

Og svo má bretta upp ermar og taka land fyrir land.

Ég myndi sofa betur á nóttunni.

En þið?

 

Óskar eftir gálgafresti

Athugasemdir

[Birna Dis Vilbertsdóttir (IP-tala skráð) 1.7.2008 kl. 16:59]

Og brotin sem eiga sér stað í Íslensku velferðarsamfélagi,sumir láta lífið vegna þeirra.Ég þekki einn sem dó vegna þess. Algjörlega óásættanlegt að þetta sé endalaust þaggað niður.Í öllum löndum og það af stjórnvöldum

[Helga Magnúsdóttir, 1.7.2008 kl. 17:02]

Þegar ég var í Shanghæ hafði nýverið komist upp um opinberan starfsmann sem dró sér fé. Hann fékk dauðadóm. Ég held að það mætti hamra meira á Bandaríkjamönnum varðandi það að fangelsa börn, samanber Aron Pálma.

[Karma (IP-tala skráð) 1.7.2008 kl. 17:19]

Því má bæta við að USA eru eitt fárra landa sem taka börn af lífi. Hin eru ríki á borð við Íran og Jemen.

[Frikkinn, 1.7.2008 kl. 17:58]

Hefurðu einhvern tímann velt fyrir þér afhverju  USA menn mega allt?

[Hulla Dan, 1.7.2008 kl. 18:50]

Upp á síðkastið hef ég lesið ansi margar viðurstyggilega ógeðslegar fréttir og er pínu að velta fyrir mér hvort ég sé ekki bara að verða (kannski, pínu smá) hlynt dauðadómum í viðbjóðslegum tilellum. Þá er ég ekki að tala um pyndingar.

Er samt ekki fyllilega búin að gera upp hug minn, en þetta eru drög...

[Sigurður Rósant, 1.7.2008 kl. 19:02]

Sæl Jenný. Ég er ekki sammála þér hvernig þú forgangsraðar að þessu sinni og hvaða rök þú notar.

"Ef ég mætti ráða þá færi ekki kjaftur héðan á vegum Íslands til þátttöku á Ólímpíuleikunum. Með því erum við að leggja blessun okkar yfir morðin og mannréttindabrotin."

Aðferðir Lýsiströtu gilda ekki alltaf og alls ekki hvað varðar áhrif Ólympíuleika, knattspyrnu og alþjóðlegra söngvakeppna. Svona samskipti hafa meiri áhrif á stjórnvöld og almenning í Kína en nokkur mannréttindasáttmáli.

Bandaríkin eru í forystu hvað varðar baráttu fyrir frelsi, tjáningarfrelsi og mannréttindum ýmiss konar að mati hinnar Sómölsku sómakonu, Ayaan Hirsi Ali sem skrifaði nýútkomna bók 'Frelsi'. Þessi barátta er bara rétt að byrja í löndum eins og Kína, Mið-Austulöndum, Asíu, Afríku og Suður-Ameríku.

Allt sem Evrópuþjóðir og Bandaríkjamenn gera er skref í rétta átt, þó að stundum virki það sem grimmd og morð á saklausum borgurum í Írak, Afghanistan og fleiri öfug-þróuðum ríkjum.

Dansk-Líbýskur maður fékk nýlega 12 ára fangelsisdóm fyrir að boða frelsi, tjáningarfrelsi og gagnrýna Líbýsk stjórnvöld.

Pakistani fékk dauðadóm fyrir að gagnrýna og misvirða Kóraninn.

Svo, þrátt fyrir milliríkjasamninga fara þessi öfug-þróuðu lönd enn eftir 1400 ára gömlum ákvæðum Kórnsins um refsingar. Þessu þarf að breyta og það tekst ekki alltaf með blíðunni einni saman.