Takk, takk, takk, kæri ráðherra

Dýralæknirinn knái veit að í kreppunni þarf að grípa til róttækra aðgerða í efnahagsmálum.

Hann hefur því gert ráðstafanir sem koma munu almúganum til góða.  Þarna er mikil kjarabót á ferðinni.

Allir vita að verð á áfengi er að sliga íslensk heimili.

Svo ég tali ekki um vörur eins og Bing og Gröndal styttur, Channel 5 og þriðju kynslóða farsíma.

Við eigum fjármálaráðherra sem skynjar ógnina sem steðjar að heimilunum í landinu nú þegar fjöldauppsagnir, verðbólga og önnur óáran bankar upp á.

Takk Árni minn.  Takk kærlega.

Ég er klökk.

 

Meira góss og meira vín tollfrjálst með nýrri reglugerð

Athugasemdir

[Jónína Dúadóttir, 1.7.2008 kl. 09:40]

Svona nokkuð kemur út á manni hamingjutárum....Var að vísu ekki búin að gera mér grein fyrir því að þetta vantaði, en hvað veit ég svo sem....

[Jóna Á. Gísladóttir, 1.7.2008 kl. 09:45]

O sei sei jú mikið rétt.

[Guðríður Hrefna Haraldsdóttir, 1.7.2008 kl. 10:11]

Hvaða, hvaða ... þegar þjóðin hefur efni á því að fara til útlanda getur þetta ábyggilega komið sér vel. Held að margir séu orðnir leiðir á því að detta í það með því að setja áfengar rúsínur í hrísgrjónagrautinn.

[Helga Magnúsdóttir, 1.7.2008 kl. 11:01]

Það var nú alveg kominn tími á að breyta þessu því ég held að enginn hafi farið eftir þessum reglum hvort eð er. Ég hef að minnsta kosti aldrei komið heim með varning sem kostaði innan við þessa hungurlús sem maður mátti hafa meðferðis. Hvað áfengið varðar er annað mál, maður getur sko alveg keypt það í ríkinu bara.

[Gísli Baldvinsson (IP-tala skráð) 1.7.2008 kl. 11:02]

Þegar hætta stafaði af rómverskum lýð var honum gefið brauð og leiki. Það gleymdist reyndar hjá dýra að Ísland var skyldugt að gera þetta vegna EBS sáttmálans...þú veist þennan sem ekki má tala um

[M, 1.7.2008 kl. 11:31]

[Ía Jóhannsdóttir, 1.7.2008 kl. 11:59]

Já þú segir nokkuð, nú er farið að múta almenningi eða þannig.... veit um nokkra sem grenja núna af hamingju öðrum sbr. mér þykir fátt um.

[Eyrún Gísladóttir (IP-tala skráð) 1.7.2008 kl. 12:10]

Þetta hlýtur að vera síðbúið aprílgabb

[Hrafnhildur Ýr Vilbertsdóttir, 1.7.2008 kl. 12:52]

Jú jú þetta er einmitt það sem íslenskum heimilum vantaði í dag...kallinn er alveg með fingurinn á þjóðarpúlsinum....

[Jenný Anna Baldursdóttir, 1.7.2008 kl. 12:59]

Krumma: Nákvæmlega, hann er svo inni í þjóðarsálinni

Hallgerður: Húmor, gera grín?  Vatn og olía?  Árni og gamanmál fara aldrei saman.

Eyrún: Sennilega.

Ía: Þessi kjarabót reddar mínu heimili fyrir horn hérna.

Gísli: Góður.

Helga: Ég held að þetta sé amk. ekki mikið issue fyrir venjulegt fólk.  Hingað til hef ég keypt það sem mér sýnist í útlöndum og aldrei verið beðin um nótu.

[Jenný Anna Baldursdóttir, 1.7.2008 kl. 13:00]

Gísli: Usss.  Ekki segja ESB

Gurrí: Var eimitt að leggja rúínur í minn vikulega landa, sko hefði gert það ef ég drykki

Jónína: Ég græt líka af gleði.

Jóna: Æ lof jú tú.

[Hildigunnur Rúnarsdóttir, 1.7.2008 kl. 17:37]

Tja, allavega stendur léttvínsskammturinn núna á heilli flösku, í stað lítra, ég hef voða sjaldan séð rauðvínsflösku sem er einn lítri...

[Lilja Guðrún Þorvaldsdóttir, 1.7.2008 kl. 19:41]

Þessar endalausu tilskipanir frá ESB sem áttu að vísu að ganga í gildi fyrir löngu síðan, en Ísland hefur lengi flotið á undanþágum í þessu sem öðru, en ekki lengur. -