Mannstu?

 

Mér finnst svo krúttlegt eitthvað þegar auglýsingar eru skrifaðar eins og fréttir og svindlað inn með alvöru stöffinu, þ.e. fréttum sem standa undir nafni.

Eins og t.d. þessi "frétt" um að miðasala á tónleika franska tónlistarmannsins Sebastien Tellier sé hafin, hvar megi kaupa miðana og hvar tónleikarnir verða haldnir.

Og þá kem ég að því sem ég ætla að blogga um.  Þegar ég sá þessa "frétt" var ég alveg: Hm, bíðið nú aðeins, hver er þessi Tellier? Algjörlega blankó sko.  Svo gúgglaði ég manninn og þá sá ég að þetta var franski júrósöngvarinn.  Það er ekki langt síðan Júróvisjón var haldin og ég gjörsamlega búin að blokkera þá skelfingu og grafa í óminnisdýpinu.

Ég er nefnilega ótrúlega minnug þegar það hentar.  Mínus þessi ár sem ég var í áfengi og pillum auðvitað, þá mundi ég ekkert stundinni lengur.  Algjörlega tóm á milli augna og eyrna.

Ég man auðvitað hvar ég var þegar Kennedy var myrtur eins og allir aðrir sem á annað borð voru farnir að skríða þegar það gerðist.

Ég man ótrúlega langt aftur, man hvað ég var að hugsa þegar ég var 4 ára og svona.  Ekki eðlilegt.

Munið þið hvað þið gerðuð daginn fyrir fermingardaginn ykkar? En daginn eftir?  Þetta er skítlétt, auðvitað munið þið það.

Munið þið hvað þið gerðuð á Þorláksmessu þegar þið voruð 8 ára?

Eða daginn fyrir Skírdag þegar þið voruð 9?

Eða fyrsta daginn í skólanum þegar þið voruð 6?  Ég man það og ég man í hverju kennarinn minn var og hverjir komu í fylgd mömmu sinnar og ég var ein af þeim.

Og áfram, fullt af undarlegum smáatriðum sem ég man. 

Ég hef líka ágætis hæfileika í pylsutroðningaraðferðinni við próflestur.  En þið?

Ok, segja Nennu sinni.

Og svo ætlaði ég skrifa eitthvað annað hérna en ég man ekki hvað!

Sjitt, mér er að förlast.

Miðasala hafin á Tellier

Athugasemdir

[Rósa Harðardóttir, 27.6.2008 kl. 21:49]

Ég mundi eftir Tellier því Páll Óskar var svo hrifinn af honum. En ég man ekkert hvað ég gerði daginn fyrir ferminguna en ég man alveg hvað ég gerði daginn eftir.  Þá fór ég í bæinn og keypti mér loksins þröngar gallabuxur í Quatro með vinkonum mínum.  Svo fórum við allar í spariskónum, í gallabuxunum, fermingarblússunum og fermingarjökkunum í Stjörnubíó. Hvað mynd við sáum það var aukaatriði, við vildum bara vera flottar.

[Huld S. Ringsted, 27.6.2008 kl. 21:52]

Ég hef ekki hugmynd um það hver þessi Tellier er og ég man svo sannarlega ekki eftir neinu af þessu sem þú spyrð um, ég bara man að ég var þarna einhversstaðar en ekki meir!

[Hrönn Sigurðardóttir, 27.6.2008 kl. 23:07]

Jáááááá þegar þú segir það............

Hvar varstu þegar Kennedy var myrtur?

[Steingrímur Helgason, 28.6.2008 kl. 00:07]

Ég votta yfir sakleysi með þennann 'Dead Kennedy' eða minnzku einhverja um staðzettníngu á tíma þess ótímabæra andláts. enda var ég enn 'í púng pabba síns', þástundiz.

Ég er þetta mörgum öldum ýngri en þú, kerlíngarálftin mín.

[Laufey B Waage, 28.6.2008 kl. 00:13]

Ég var að leika mér úti í garði þegar unglingstúlkan á neðri hæðinni kom hlaupandi út og öskraði að Kennedy hefði verið skotinn. Ég man líka að ég fékk ekki að horfa á Evrovision kvöldið fyrir ferminguna mína, - og margt margt fleira. Ég man líka ótrúlega margt frá því ég var ótrúlega ung (það tæki allt of margar blaðsíður á síðunni þinni að telja upp helstu dæmin).

[Elísabet Sigurðardóttir, 28.6.2008 kl. 00:46]

Ég man endalaust mikið um fáránleg smáatriði, staði og stundir frá því í æsku en sem betur fer er hausinn á mér fastur við hálsinn, annars væri hann löngu glataður. 

[S. Lúther Gestsson, 28.6.2008 kl. 01:18]

OK Jenný ég veit ég fékk 5000 kall fyrir að skrifa ekki athugasemdir hjá þér, enn ég bara verð (endurgreiði þér þá bara)

Mér finnst ekkert athugavert við að fólk muni svona langt aftur eins og þú, það er náttúrulega enginn til að vitna í að þetta sé rétt, á kannski kennarinn að muna í hvaða görmum hann var í fyrir 55 árum síðan.

Flott þessi tækni elskan sem þú notar til að rifja upp það sem skeði síðustu 4 árin, Google.com

[Guðríður Hrefna Haraldsdóttir, 28.6.2008 kl. 02:24]

Tek undir með Páli Óskari og fannst svakalega gott lagið sem hann tók í Evróvisjón og ekki var myndbandið verra ...

Vá, hvað þú manst sumt vel ... sjálf á ég ekki margar minningar úr æsku, þetta rennur allt saman. Þorláksmessa 8 ára, kræst ... eflaust að springa úr spenningi, búin að fá pening hjá mömmu til að kaupa jólagjöf handa henni í Teddabúð. En ég man þó eftir franska laginu, þessu í Evróvisjón ... og líka hinu franska laginu, auðvitað.

[Jónína Dúadóttir, 28.6.2008 kl. 07:01]

Farið að förlast hvað ?Hvernig gengur annars með bókina ?

[Jenný Anna Baldursdóttir, 28.6.2008 kl. 13:37]

Jónína: Bók á leiðinni - einhvertímann.

Gurrí: Hehe, hver hefur sinn djöful að draga.

Elísabet:Góð.

Laufey: Það virðast allir muna þetta með Kennedy

Steingrímur: Vá hvað þú ert ungur.

Hrönn: Ég var heima.

[Jenný Anna Baldursdóttir, 28.6.2008 kl. 13:38]

Huld: Minnislaus?  OMG

Hallgerður: Ég skil, en það getur verið ákveðin plús að muna ekki.

Rósa: Quatro?  Hvaða búð var það?