Vinkonuvæðing á húsbandi?

Guð hvað það væri notalegt ef ég gæti platað húsband til að horfa á Beðmál í Borginni, sko þættina sem einhver dætra minna á komplett.  Ef ég gæti hangið með honum í sófanum og við hlegið og ruglað yfir stelpunum og kommenterað á fötin og svona.

En.. það mun ekki gerast.  Ég horfi bara ein á svona stelpuþætti.  Hann horfir einn á fótbolta og er reyndar að því í þessum töluðu orðum.

Þess vegna öfunda ég svolítið Elton og kærastann, að hanga saman yfir Beðmálunum.  Krúttlegt, ef þið vitið hvað ég meina.  Sé þá alveg fyrir mér í heví umræðum um föt og uppáferðasögur stelpnanna.

Ég öfunda þá reyndar ekki af bökuðu baununum og ristaða brauðinu sem þeir graðka í sig á meðan þeir horfa - en þetta er samt svo svakalega huggulegt eitthvað.

En þegar ég hef hugsað þetta til enda þá er ég eiginlega nokkuð fegin að við húsband erum ekki með sama áhuga á sjónvarpsefni.

Hann horfir á sitt - ég á mitt. 

 Ég giftist honum eiginlega ekki til að vinkonuvæða hann.  Ég á nefnilega glás af vinkonum.

Við sláumst heldur ekki um spegilinn.  Þar hef ég forgang.

Enda erum við ekki hommar.

En maður getur látið sig dreyma.

Vill helst horfa á Beðmálin með kærastanum

Athugasemdir

[Edda Agnarsdóttir, 26.6.2008 kl. 19:21]

Oh ég er ekki búin að sjá bíómyndina - mig langar svo og ég ætla að sjá hana - mig langar að fara með mörgum stelpum!

Eigum við að safna í bíóferð?

[Jenný Anna Baldursdóttir, 26.6.2008 kl. 19:23]

Já ég er til.  Inga, ég, þú, Jóna Á og kannski fleiri?

Sounds like a plan?

[Jenný Anna Baldursdóttir, 26.6.2008 kl. 19:24]

Dúa Dásamlega líka, hvernig gat ég gleymt þeim villingi?

[Hrafnhildur Ýr Vilbertsdóttir, 26.6.2008 kl. 19:28]

ok ég verð með ykkur...... í anda

[Ásdís Sigurðardóttir, 26.6.2008 kl. 19:36]

Kem með í anda, vil frekar horfa á fótbolta 

[Guðríður Hrefna Haraldsdóttir, 26.6.2008 kl. 19:39]

Get horft á sumt "stelpuefni" með syninum en örugglega ekki beðmálin. Ætli endi ekki með því að ég horfi ein á hana á vídjó. Það er stórmál á bensínhækkunartímum að skella sér í bæinn fyrir eina bíóferð.

Æ, vilja konur nokkuð að karlinn þeira sé líka eins og vinkona? Held ekki.

[Brjánn Guðjónsson, 26.6.2008 kl. 19:56]

fyrir langa löngu átti ég kærustu sem hafði gaman að Beðmálunum. ég horfði á það með henni.

[Ragnheiður , 26.6.2008 kl. 20:04]

Nei ég held að ég myndi ekki vilja horfa á svona með kallinum, vil ekki einusinni horfa á það með sjálfri mér. Við erum að horfa á fótboltann saman, hann með bjór (aldrei þessu vant) og ég í skónum að æða út að vinna meira

[Signý, 26.6.2008 kl. 20:14]

Ég hlít að vera karlmaður... Ég hef aldrei skilið hæpið við þessa þætti/bíómynd. Fótbolti er alveg málið!

Annars... með þá turtildúfur þarna mér þykir ótakmarkað át á bökuðum baunum ekki töff, og það getur bara ekki haft góðar afleiðingar í för með sér... 

Á mínu heimili nefnilega gengu þessar tegundir af baunum nefnilega undir nafinu prumpubaunir og sko... það var alveg gild ástæða fyrir því! Þannig ekki öfunda ég Elton og frú (eða öfugt...) mikið...

[Ragnheiður , 26.6.2008 kl. 20:19]

Oj Signý, þú og þitt ímyndunarafl hahahaha

[Rósa Harðardóttir, 26.6.2008 kl. 20:57]

Ég mæli með hópferð á Beðmálin. Við vinkonurnar fórum í hóp og það var svakalega gaman.http://www.rosa.blog.is/blog/rosa/entry/566547/

Bíóið fullt af saumaklúbbum og vinnustaðakellingagrúbbum. En ekki missa að myndinni.

[Rebbý, 26.6.2008 kl. 21:00]

búin að sjá myndina og hafði gaman að en á alveg eftir að sjá þættina og hefði svosem ekkert á móti því að hafa einhvern að kúra með yfir þeim

[Bergljót Hreinsdóttir, 26.6.2008 kl. 21:16]

Jenný...prófaðu að horfa með honum á fótbolta...þá vill hann kannski prófa þessi Beðmál...sem ég er svo fræg að hafa bara ekki séð....

Úbbs.....

(En ég fékk óskina mína...Þýskaland vs. Spánn í úrslitunum....)

Skemmtið ykkur vel í bíó girls

[Hulla Dan, 26.6.2008 kl. 21:40]

Ég og minn tókum Nip Tuck maraþon síðasta vetur, strax á eftir örvæntingafullum húsmæðrum. Hann (maðurinn) tók af mér loforð um að segja ekki nokkuri sálu frá því... Hér með er það loforð brotið...

[Ásthildur Cesil Þórðardóttir, 26.6.2008 kl. 21:47]

Ég horfi ekki á beðmál í borginni, en við horfum oft saman á sakamálaþætti, eða þá sjaldan við setjumst framan við sjónvarpið, þ.e.a.s. þegar stubburinn hefur ekki hertekið það og horfið á Cartoon Network  Þá sitjum við gjarnan við eldhúsborðið og ræðum saman yfir einni ölkollu eða tveimur.  það er notalegt.  Það gæti alveg eins verið djús sko .... ha!! Jenný mín.

[Guðrún B. (IP-tala skráð) 26.6.2008 kl. 23:22]

Ég er búin að sjá myndina, hún er æði, þættirnir eru æði, en það er ekki glæta í helvíti að ég fái karlrembuna manninn minn til að horfa a þetta, hann kanski mýkist með aldrinum, sjáum til.

Ég er nú á leið til Íslands um helgina, væri alveg til í Bíóferð með stelpum.

[Jenný Anna Baldursdóttir, 26.6.2008 kl. 23:49]

Guðrún: Þú ert alltaf á ferðinni.  Kannski förum við í bíó.

Takk öll fyrir skemmtilega þátttöku.