Hvað hangir á spýtunni?

 

Alltaf þegar ég les fréttir af NÚ-verandi borgarstjóra Reykjavíkur, finnst mér að það sé ætlast til að maður lesi á milli línanna.  Mér finnst eins og það sé verið að segja mér eitthvað meira en orðin segja til um.

Akkurru?

Er ég með ofsóknarbrjálæði eða getur verið að það sé verið að segja manni hálfan sannleika?

Hef ekki hugmynd.

En ég get ekki neitað því að borgarstjórinn er dálítið kauðslegur í því sem hann tekur sér fyrir hendur.

Hann elskar að syngja, við vitum það.  Bara krúttlegt, eða þannig.

En hann er ekki umboðsmaður fyrir listamenn og þá sérstaklega ekki fyrir þá sem koma fram á menningarnótt.

Man aldrei eftir að Solla, t.d. hafi staðið í umbi í sínu embætti.  Það fór amk. fram hjá mér.

En Óli karlinn er alveg á kafi í reddingunum.  Líka þegar hann bregður sér af bæ.

Og Jens Guð, Færeyjasérfræðingur hafði aldrei heyrt minnst á þessa stórkostlegu söngkonu hans Óla.

Lesið sjálf og segið mér hvort ykkur finnst ekki að það sé verið að segja eitthvað annað og meira í þessari frétt?

Ofsóknarbrjálæðisnefndarformaðurinn Jenný Anna sem er ekkert annað en bölvuð norn.

Jeræt.

Athugasemdir

[Þorsteinn Gunnarsson, 25.6.2008 kl. 12:11]

Mér finnst afar oft talað niður til hans eða gert grín að honum í fréttaflutningi og í það minnsta honum engin virðing sýnd. En það er nú með virðinguna eins og sumt annað að menn eiga slétt enga heimtingu á henni og verða einfaldlega að afla sér hennar.

Kv. Steini

[Hrönn Sigurðardóttir, 25.6.2008 kl. 13:26]

Eftir því sem ég kemst næst vældi hann svo mikið í henni að hún féllst á að koma og spæla Íslendinga í ágúst........

Ég hef aldrei fengið greitt fyrir að spæla neinn - bara gert það fyrir gleðina sem það veitir mér..... Hver veit - kannski er henni eins farið

[Jenný Anna Baldursdóttir, 25.6.2008 kl. 15:52]

Hrönnsla: Mikið skelfing yrði ég ánægð með að það væri bara skrifað skýrum stöfum hverju er verið að ýja að.  Ætli þetta sé ástæðan?

Steini: Það er rétt hjá þér að það er eitthvað brandaraský sem umlykur karlinn og hvers vegna ætli það sé?  Ég get ekki tekið nokkurn hlut alvarlega sem frá honum kemur.