Gleymdust á sjó

Ég var ákveðin í að svífa um á bleiku hamingjuskýi í tilefni 19. júní, í allan dag.

Ég var búin að setja mig í skoðanabann.  Ég hef nefnilega alltof margar slíkar, þrátt fyrir að ég stefni stöðugt að fækkun þeirra.

En svona er lífið.

Ég hef verið ansi passasöm (sumir segja taugaveikluð miðað við íslenska standarda) í gegnum tíðina þegar kemur að því að treysta öðrum fyrir börnunum mínum.  Þar kastaði ég aldrei til höndunum, enda stelpurnar mínar það dýrmætasta sem mér hefur verið trúað fyrir.  Ég hef tekið þá ábyrgð alvarlega og það sama gildir um barnabörnin mín.

Og nú les ég að tvær stelpur á siglingarnámskeiði á vegum Reykjavíkurborgar, hafi gleymst úti á sjó og hafði þær rekið eitthvað út í buskann.

Það var ekki talið upp úr bátunum þegar að landi var komið og hvarfið uppgötvaðist ekki fyrr en pabbi annarar stúlkunnar kom að ná í hana og hún fannst hvergi. 

"Mistök" segir starfsmaður siglingarklúbbsins sem heldur námskeiðið fyrir borgina.

Þeir ætla að koma í veg fyrir að þetta gerist aftur.

Hvað mig varðar gerðist þetta einu sinni of oft.

Stúlkurnar mættu daginn eftir.  Þær munu líta á þetta sem ævintýri.

Gott mál, en ég veit hvað ég hefði gert ef þetta hefði hent börnin mín.

Ég hefði gripið til aðgerða.

Og þær aðgerðir hefðu ekki farið hljóðlega fram.

Fyrir nú utan að siglinganámskeiðinu hefði lokið all snarlega.

Frett hér.

Athugasemdir

[Laufey Ólafsdóttir, 19.6.2008 kl. 19:33]

Vó, börnin mín hefðu ekki farið aftur! No effin' way!!!

 Ég segi það með þér... þessu væri heldur ekki lokið!

[Jenný Anna Baldursdóttir, 19.6.2008 kl. 19:45]

Laufey: Gott að ég er með liðsmenn.  Hehe.  Reyndar eru dætur mínar eins og vel flestir sem ég þekki, en það er ansi mikið kæruleysi í gangi og að það sé ekki hægt að vera öruggur á svona námskeiði þar sem verið er að láta  börn sigla, vó.

[Himmalingur, 19.6.2008 kl. 19:50]

Fyrirgefðu Jenný mín, en ertu orðin hitalaus? Langaði bara að vita það áður enn ég fer að taka mark á færslum þínum aftur. Varst samt helvíti góð í hitasóttinni!

[M, 19.6.2008 kl. 19:53]

GMG þetta er hrikalegt. Svo er jafnvel stór hluti starfsmannanna unglingar. Strákurinn minn fór í Nauthólsvík með knattsp.námskeiði um daginn og var ég ekki í rónni fyrr en hann skilaði sér heim. Vona svo það besta með dóttur mína sem fer í Vindáshlíð á morgun.

[Guðrún Arna Möller (IP-tala skráð) 19.6.2008 kl. 20:57]

Ég held ég myndi flippa yfir ef þetta kæmi fyrir börnin mín!  Djöf...kæruleysi

[Linda litla, 19.6.2008 kl. 21:01]

Vá.... ég yrði brjáluð og svo fengi ég móðursýkiskast og það myndi enda með því að kallarnir í hvítu sloppunum myndu koma að sækja mig. Svona lagað á sko ekki að geta komið fyrir..... það hefði getað farið illa, umsjónarmenn ættu að þakka guði fyrir það að þetta fór vel.

[Edda Agnarsdóttir, 19.6.2008 kl. 21:05]

Það hlýtur að vera erfitt að koma og sækja barnið sitt - og ekkert barn! Hvað er í gangi?

[Sigrún Jónsdóttir, 19.6.2008 kl. 21:29]

Ég hefði klikkast, það er á hreinu.

[Aðalheiður Haraldsdóttir, 19.6.2008 kl. 21:37]

Þetta er með ólíkindum!  Ég hefði hreinlega fríkað út.  Menn eiga auðvitað ekki að láta staðar numið þarna.  Þarna er fólk að senda börnin sín á námskeið í þeirri trú að það sé áreiðanlegt fólk sem að því standi!  Mér finnst ekki nóg að borgin segist ætla að "passa sig næst".  Það þarf að gefa út vinnureglur, gefa þær út opinberlega og halda vandað námskeið fyrir umsjónarmenn allra barna- og unglinganámskeiða borgarinnar.  Sem betur fer endaði þetta allt saman vel, en hvað ef......?  Hvar stæðu þessir aðilar þá í dag?  Ja, fussum svei!

[Þorkell Ragnarsson, 19.6.2008 kl. 22:19]

Það er því miður engin afsökun fyrir þessum misstökum og það að borgin ætli að gera betur næst, hvað ef það er ekkert næst fyrir þessi blessuð börn? Hvað gerir borgin þá? Nei það verður að vera rétt fólk í réttum störfum. 

[Laufey B Waage, 20.6.2008 kl. 09:48]

Vá hvað ég hefði ekki sent mín börn aftur. Og eins og þú segir, - námskeiðið hefði ekki endað hávaðalaust af minni hálfu. Börnin okkar eru víst ábyggilega það lang-dýrmætasta sem við "eigum", - og eitt svona skipti er einu skipti of mikið.